Bakıda Cəfər Cabbarlının ev muzeyi söküləcəkmi? – ARAŞDIRMA - bakucity.az

Bakıda Cəfər Cabbarlının ev muzeyi söküləcəkmi? – ARAŞDIRMA

Söküntünün dayandırılması ilə bağlı xəbərlər həqiqəti əks etdirirmi?

Bir müddət əvvəl Bakucity.az oxucularına Azərbaycanın görkəmli ədibi, yazıçı və dramaturq Cəfər Cabbarlının Bakıdakı ev muzeyinin baxımsız vəziyyətdə olması və ev muzeyinin söküləcəyi ilə bağlı silsilə yazılar təqdim etmişdi. Bu yazılar mətbuatda və sosial şəbəkələrdə ciddi rezonans doğurmuş və böyük müzakirələrə səbəb olmuşdu. Azərbaycan Yazıçılar Birliyinin katibi Çingiz Abdullayev başda olmaqla, bir çox ictimai xadimlər ev muzeyinin söküntüsü qərarına etirazlarını bildirmişdilər. Saytımız məsələ ilə bağlı yenilikləri oxucularına çatdıracağına dair vəd verdiyindən, mövzunu davam etdiririk, çünki konkret nəticə hasil olmayıb. 

Muzeyin söküntüsü ilə bağlı ziddiyətli açıqlamalar

Dünən mətbuatda İsmayıl bəy Qutqaşınlı 44 ünvanında yerləşən və Bakı Şəhər Mədəniyyət Baş İdarəsinin birbaşa tabeliyində olan ev muzeyinin söküntüsünün dayandırıldığı barədə xəbər yer alıb. Bu barədə Şəhərsalma və Arxitektura üzrə Dövlət Komitəsindən məlumat verildiyi bildirilib. 

Məsələni müəyyənləşdirmək üçün ev muzeyinə yollanan saytımızın əməkdaşı evin kənarına vurulmuş dəmir sütunların həqiqətən çıxarıldığını, ev muzeyinin qarşısındakı və arxasındakı taxta hasarların isə yerində olduğunu müəyyənləşdirib. Bəs söküntünün dayandırılması ilə bağlı xəbər həqiqətdirmi? 

Şəhərsalma və Arxitektura üzrə Dövlət Komitəsi ilə əlaqə saxlayıb bu xəbərin həqiqət olub olmadığını müəyyənləşdirməyə çalışdıq. Komitədən bizə bildirdilər ki, məsələ barəsində yekdil açıqlamanı hələlik verə bilməzlər, bir neçə gündən sonra mətbuata ətraflı məlumat veriləcək. 

Mədəniyyət Baş İdarəsindən təkzib açıqlaması

Məsələ ilə bağlı Bakı Şəhər Mədəniyyət Baş İdarəsi ilə də əlaqə saxladıq. İdarədən bizə bildirdilər ki, Baş İdarənin rəisi Cəmil Məlikov söküntünün dayandırılması ilə bağlı heç bir mətbu orqana açıqlama verməyib:  

“Muzey Cəfər Cabbarlının ailəsinin şəxsi mülkiyyətindədir və hal-hazırda aqibəti bizim üçün də sualdır. Bütün suallarınızı cavablandıra bilməmiz üçün bizə bir neçə gün möhlət lazımdır”. 

Muzeyin yerində çoxmərtəbəli binanın tikiləcəyi də təkzib edildi

Cəfər Cabbarlının ev muzeyinin baxımsız vəziyyətdə olması ilə bağlı yayımlanan araşdırmamızdan sonra muzeyin söküləcəyi, yerində isə hündürmərtəbəli binanın tikiləcəyi ilə bağlı açıqlamanı 4 fevral 2019-cu il tarixində Bakı Şəhər Mədəniyyət Baş İdarənin rəisi Cəlil Məlikov verib.

Açıqlamada bu fikirlər yer alıb: “Hələ 1998-2005-ci illər ərzində nazirliyin və Baş İdarənin məlumatı və razılığı olmadan görkəmli ədibin ev muzeyinə məxsus tikililər və torpaq sahəsi ədibin ailə üzvlərinin adına özəlləşdirilib. 2012-ci ildə isə C.Cabbalının ailəsi tərəfindən Baş İdarəyə muzeyin saxlanılması və regenerasiya olunması nəzərə alınmaqla ərazinin yüksək mərtəbəli binanın tikintisi məqsədilə özəl şirkətə verilməsi barədə konkret təşəbbüs daxil olub.

Sonralar ailə tərəfindən ərazi və tikililər həmin şirkətin adına alqı-satqı yolu ilə sənədləşdirilib”.

Bu xəbərin mətbuatda kifayət qədər səs salmasına baxmayaraq, bir müddət sonra  muzeyin üzərindəki lövhə çıxarıldı və söküntü işlərinə başlanılması üçün tikili hasarlandı. Bu məqam da bakucity.az tərəfindən işıqlandırıldı və böyük müzakirələrə səbəb oldu. 

Hadisə böyüyəndən sonra Cəfər Cabbarlının ev muzeyinin direktoru Qəmər Seyfəddinqızı muzeyin sökülərək yerində bina tikiləcəyi ilə bağlı fikirləri təkzib etdi və bunu kimlərinsə uydurması adlandırdı

Cavabını gözləyən suallar 

Cəfər Cabbarlının ev muzeyinin sökülməsi və yerində çoxmərtəbəli binanın tikilməsinə dair suallar doğuran bir çox məqamlar var. 

  • Maraqlıdır, nəyə görə Mədəniyyət nazirliyinin tabeliyində olan Cəfər Cabbarlının ev muzeyi illər öncə özəlləşdiriləndə, bundan nazirlik başda olmaqla, heç bir aidiyyatı orqanın xəbəri olmayıb? 
  • Bu il Azərbaycanda Cəfər Cabbarlının 120 illik yubileyi dövlət səviyyəsində qeyd olunacaq. Hətta bununla bağlı Azərbaycan Respublikasının Prezidenti İlham Əliyev sərəncam imzalayıb. Görkəmli ədibin yubileyinin ən yüksək səviyyədə keçiriləcəyi bir dövrdə ev muzeyinin sökülməsi qərarı nə dərəcədə məntiqlidir?
  • Bir rəsmi qurum ev muzeyinin yerində hündürmərtəbəli binanın tikiləcəyi ilə bağlı açıqlama verdiyi halda, nəyə görə ev muzeyinin direktoru bunu uydurma adlandırır?
  • Nəyə görə, sürüşmə zonası sayılan və ətrafında sakinlərin istirahəti üçün nəzərdə tutulan parkın yerləşdiyi məkanda çoxmərtəbəli binanın tikilməsi qərarı verilib?

Gördüyünüz kimi məsələ barəsində ziddiyətli məqamlar çoxdur. Fikrini öyrənməyə çalışdığımız qurumlardan bizə bildirdilər ki, ictimaiyyətə ətraflı məlumat bir neçə gündən sonra veriləcək. Ümidvarıq ki, bütün bu taleyüklü sualların cavabları bir neçə gündən sonra ətraflı şəkildə cavablandırılacaq və ictimaiyyətin müzakirəsinə təqdim ediləcək. 

Ramilə Qardaşxanqızı

Bakucity.az

Cəfər Cabbarlının ev muzeyi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Hadisələr
Paytaxtda avtoxuliqanlıq edən sürücü saxlanılıb Bakucity.az xəbər verir ki, Bakı Şəhər Dövlət Yol Polisi İdarəsinin əməkdaşlarının saxladığı “99 LE 781” dövlət nömrə nişanlı, "Nissan Sunny" markalı avtomobilin sürücüsü Kamran Qasımovdur.  Kamran Qasımov etibarnamə olmadan nəqliyyat vasitəsini idarə etdiyi üçün yol polisinin saxla işarəsinə tabe olmayaraq qaçıb. YPX əməkdaşları onu təqib etdikdə isə sürücü qarşısına çıxan bütün maşınları vuraraq əzib. Bunu...
Cəmiyyət
Onlardan 10-u kişi, 6-sı isə qadındır Bakucity.az xəbər verir ki, ötən gün 16 nəfər günvurma diaqnozu ilə Səhiyyə Nazirliyinin Bakı şəhəri Təcili və Təxirəsalınmaz Tibbi Yardım Stansiyasına müraciət edib.    Gün vurlanlardan 10 nəfəri hospitalizasiya edilib. 6 nəfərə isə yerində yardım göstərilib.  Bakucity.az
Hadisələr
Onun bir neçə şəxsə iri məbləğdə borcu olub Bakucity.az xəbər verir ki, Ucar rayonun sakini,  40 yaşlı Asim Hüseynovun cəsədi iyunun 24-də, axşam saatlarında Qara Qarayev prospektində tapılıb. Onun kürək nahiyəsində güllə yaraları aşkarlanıb. Cinayəti törətməkdə şübhəli bilinən şəxs hadisə yerindən qaçıb. hazırda polis onun axtarışı ilə məşğuldur.  İlkin araşdırma zamanı məlum olub ki, A.Hüseynovun daha əvvəl kiçik biznesi olub, tikinti materialları (ağac)...
Hadisələr
Bakıda minik avtomobilinin üzərinə daş qırıntıları düşüb Bakucity.az xəbər verir ki, Xətai rayonunun Sarayevo küçəsində "NİVA" markalı minik avtomobilini park edən sürücü bədbəxt hadisə ilə üzləşib.  Belə ki, avtomobilin yanında olan binadan onun üzərinə aqlay qırıntıları tökülüb. "NİVA"-ya ciddi ziyan dəyib. Avtomobilin damı və digər hissələri əzilib. (Trend) Bakucity.az
Cəmiyyət
Bakı Dövlət Universitetinin professoru Şirməmməd Hüseynov vəfat edib Bakucity.az xəbər verir ki, Prezident təqaüdçüsü ötən gün 95 yaşında dünyasını dəyişib. Azərbaycanın görkəmli alim və mətbuat tədqiqatçısı, Ali Media Mükafatı laureatı, Prezident təqaüdçüsü, Bakı Dövlət Universitetinin mətbuat tarixi və ideoloji iş metodları kafedrasının professoru Şirməmməd Hüseynov 1924-cı ildə Şəkidə anadan olub. 1941-1943-cü illərdə Şəki şəhəri 2 illik müəllimlər inst...
Cəmiyyət
Bakı Nəqliyyat Agentliyi (BNA) təxliyyə xidmətinə başlayacağını açıqlayıb Bakucity.az xəbər verir ki, BNA durma və parklanma qaydalarını pozan nəqliyyat vasitələrinin nəzərdə tutulmuş hallarda və qaydada müvəqqəti duracağa aparacaq.  ilkin olaraq təxliyyə işləri vətəndaşlar tərəfindən daha çox şikayət olunan, qanunsuz parklanma səbəbindən günün pik və qeyri-pik saatlarında nəqliyyat sıxlığı müşahidə edilən ərazilərində həyata keçiriləcək. Təxliyyə prosesi...
Hadisələr
Sürücülərdən diqqətli olmaları tələb olunur Bakucity.az xəbər verir ki, Heydər Əliyev prospektindəki sıxlıq təmir işləri ilə bağlıdır.   Təmir işlərinin qısa zamanda yekunlaşması gözlənilir. Bakucity.az
Mədəniyyət
Bu, onun beynəlxalq festivalda üçüncü çıxışı olacaq Bakucity.az  xəbər verir ki, 25-28 iyul tarixlərində Bakıda keçiriləcək “Jara-2019” Beynəlxalq Musiqi Festivalında Azərbaycanı “Eurovision”da təmsil edən müğənni Səmra Rəhimli də çıxış edəcək. Bu barədə layihənin İnstaqram səhifəsində qeyd olunub. Sənətçi səhnəyə 28 iyul tarixində çıxacaq. Bu, onun beynəlxalq festivalda üçüncü çıxışı olacaq. Xatırladaq ki, festivalın digər azərbaycanlı ulduz qonaqları Xal...
Ekologiya
Bir neçə gündür Bakıda isti hava şəraiti hökm sürür Bakucity.az xəbər verir ki, hidremetereoloqlar istilərin davam edəcəyini açıqlayıblar.  Ekologiya və təbii sərvətlər nazirliyi milli hidrometeorologiya departamentinin baş hidroloqu Asif Verdiyev bildirib ki,  iyunun 25-26-da  Bakıda gecə 23-25, gündüz 34-36 dərəcə isti olacaq.  Müşahidə olunan isti hava şəraiti əksər insanlar üçün əlverişsiz, meteohəssas ınsanlar üçün isə riskli hesab olunduğundan, gündü...