Nazir Cəfər Cabbarlının Bakıdakı ev muzeyi ilə bağlı açıqlama verdi

Nazir Cəfər Cabbarlının Bakıdakı ev muzeyi ilə bağlı açıqlama verdi, Javid

Ev muzeyi 2006-cı ildən dövlətə məxsus deyil

Bakucity.az xəbər verir ki, mədəniyyət naziri Əbülfəs Qarayev jurnalistlərə açıqlamasında deyib ki, Cəfər Cabbarlının ev muzeyi dövlət balansında olmadığı üçün biz binanın taleyini ailə yaxınları ilə müzakirə edirik.

"C.Cabbarlının ev muzeyi 2006-cı ildən dövlətə məxsus deyil" , - Əbülfəs Qarayev açıqlamasında deyib:

“Həmin ev C.Cabbarlının ailəsi tərəfindən özəlləşdirilib. Bu müddət ərzində binanın təmir-bərpa işləri üçün zəruri tədbirlər həyata keçirilmədiyindən bina yararsız hala düşüb. Lakin binanın dövlət hesabına təmiri üçün o, yalnız dövlət balansında olmalıdır.

2012-ci ildə bina tam yararsız hala düşdüyü üçün binadakı əmlak teatr muzeyinə köçürülüb. Biz bu məsələni ailəsi ilə müzakirə etmişik. Ailə istəyir ki, o evin yerində yeni ev tikilsin və evin birinci mərtəbəsi C.Cabbarlının ev muzeyi edilsin.

Bu təcrübə mövcuddur. Ə.Əzimzadənin də ev muzeyinin hazırlanması bu şəkildə aparılıb. Biz özümüz də həmin binanın vəziyyətindən narahatıq. Çünki Mədəniyyət Nazirliyinin səlahiyyətində binanı tikmək, dağıtmaq yoxdur.

Aidiyyəti orqanlar və mütəxəssislər araşdırma aparmalı və hansı istiqamətdə işlərin görülməsinə rəy verməlidir. Ümid edirəm ki, C.Cabbarlının ev muzeyində ən qısa zamanda bərpa işləri görüləcək”. (oxu.az)

Bakucity.az

Cəfər Cabbarlının Bakıdakı ev muzeyi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər