Bakıda sosial şəbəkələr bağlana bilərmi? - AÇIQLAMA

Bakıda sosial şəbəkələr bağlana bilərmi? - AÇIQLAMA, Javid

Sosial mediaya məhdudiyyətlərin qoyulması təklif edilir

Son dövrlədə ölkəmizdə sosial şəbəkələrin tənzimlənməsi məsələsi mütəmadi olaraq qaldırılır. Millət vəkilləri daxil olmaqla, bir çox ictimai-siyasi xadimlər Azərbaycanda sosial şəbəkələrdə yaşanılan mənfi tendensiyalardan gileylənirlər. Onların fikrincə, sosial şəbəkələrdə baş verən təhqir, həqarət kimi hallar, vəzifəli şəxslərə böhtan atılması, onların nüfuzdan salınması cəhdləri yolverilməzdir. Buna görə də, sosial şəbəkələrə hansısa formada məhdudiyyətlər qoyulmalı və nəzarət tətbiq edilməlidir. Hətta elə şəxslər də var ki, sosial medianın ümumiyyətlə qapadılmasının zəruri olduğunu bildirirlər. Artıq bəzi ölkələrdə sosial mediaya müəyyən məhdudiyyətlər qoyulur, hətta bəzilərində bu cür resurslar qapadılıb. Azərbaycan da bu ölkələrin yolu ilə gedə bilərmi? Bakucity.az mövzunun aktuallığını nəzərə alaraq araşdırma aparıb. Materialımızı təqdim edirik.  

Saytımıza açıqlama verən millət vəkili Fazil Mustafa sosial şəbəkələrə məhdudiyyət planlarının həyata keçirilməsində bir sıra maneələrin olduğunu bildirib:

“Ölkəmizdə bu mümkün deyil. Məsələ bundadır ki, heç nə bizdən asılı deyil. Sosial şəbəkələrin idarəetmə mərkəzi Qərbdədir, onlar Azərbaycan qanunvericiliyi ilə tənzimlənə bilməzlər. Doğrudur, ölkəmizdəki bəzi insanlar müəyyən tədbirlər təklif edirlər, amma məncə, bu fikirləri nəinki həyata keçirmək mümkün deyil, bunlar həm də səhv addımlar olardı”.

Bakıda sosial şəbəkələr bağlana bilərmi? - AÇIQLAMA, fotoşəkil-1
Bakıda sosial şəbəkələr bağlana bilərmi? - AÇIQLAMA, fotoşəkil-1

Millət vəkili qeyd edib ki, insanların sosial şəbəkələrdə olması və bütün imkanlarından fəal istifadə etməsi vacibdir. Çünki informasiyanın böyük hissəsi indi müxtəlif internet resurslarından əldə edilir. Buna görə də hansısa bir məhdudiyyətin qoyulması yolverilməzdir.

“Bu gün insanlar bütün məlumatları tez, birbaşa “Facebook”, “Instagram” və digər sosial şəbəkələrdən üzərindən əldə etmək istəyirlər. Qəzetlərdə və ya televiziyalarda sabah hansı məlumatın olacağı artıq heç kimi maraqlandırımır", - deyə millət vəkili vurğulayıb.

"Ölkəmiz belə böyük addımlar atmağa hazır deyil"

Dünya praktikasında “Facebook”, “Twitter”, “YouTube”, “WhatsApp”, “Viber” və “Skype” kimi sosial şəbəkələrin tənzimlənməsi üçün cəhdlər göstərilir. Eyni zamanda, müxtəlif ölkələrdə bu resursların oxşar versiyaları da yaradılıb. Eyni proseslər ölkəmizdə də həyata keçirilə bilərmi? 

Bu suallarımızı cavablandıran millət vəkili qeyd etdi ki, hər dövlətdə belə imkanlar yoxdur. 

“Bizdə bu mümkün deyil. Hətta Rusiyada belə bu məsələ reallaşmayıb. Onlar bir neçə dəfə öz sosial şəbəkələrini yaratmaq istədilər, amma buna nail ola bilmədilər. Məsələ bundadır ki, onlarda da texnoloji inkişaf səviyyəsi Qərblə eyni deyil. ABŞ öz sosial resurslarının inkişafı istiqamətində böyük məbləğdə vəsaitlər xərcləyir, ən görkəmli alimlərlə işləyir. Ölkəmiz isə belə genişmiqyaslı addımlar atmağa hələ ki, hazır deyil. Hətta bəzi ölkələr sosial şəbəkələr və ya innovativ texnologiyalar yaratsalar belə, yenə də ABŞ-ın təklif etdiklərinə tələbat daha çox olacaq”.

"Cəza çıxış yolu deyil"

Bəzi şəxslərin sosial şəbəkələrdə yol verdikləri provakasiyalar barədə danışan millət vəkili bu hala dövlətin də çox təsir edə bilməyəcəyini deyib:

“Xarici ölkələrdə yaşayıb anti-dövlət təbliğatı ilə məşğul olan şəxsləri cinayət məsuliyyətinə cəlb etmək mümkün deyil. Əgər belə hərəkətləri qadağan edən, maliyyə və ya digər cəza növləri tətbiq edən beynəlxalq hüququmuz olsaydı, onda bu şəxslərə qarşı nəsə edə bilərdik. Belə universal qanunlar isə hələlik yoxdur".

F. Mustafanın sözlərinə görə, belə tədbirlərin birbaşa ölkəmizdə həyata keçirilməsi isə başqa məsələdir:

“Hələlik məlum tədbirləri praktikadan keçirməmişik. Çünki insanlar özləri də anlayırlar ki, sosial şəbəkələrdəki səhv hərəkətlərinə görə cəzalandırıla bilərlər. Buna görə də açıq şəkildə heç kim, xüsusilə də öz şəxsi hesabıyla mənfi hərəkətə yol verməməyə çalışır. Bir qayda olaraq, internetdə saxta profillərlə qeydiyyatdan keçənlər bu işlərlə məşğul olurlar.

Bakıda sosial şəbəkələr bağlana bilərmi? - AÇIQLAMA, fotoşəkil-2
Bakıda sosial şəbəkələr bağlana bilərmi? - AÇIQLAMA, fotoşəkil-2

Əgər cinayətkar, öz adı ilə qeydiyyatdan keçibsə, onu tapmaq çox asan olacaq. Əslində düşünürəm ki, burada hansısa cəza və ya cərimənin tətbiq edilməsi də çıxış yolu deyil. Hər şey insanın tərbiyəsindən, dünyagörüşündən və mədəniyyətindən asılıdır. Hökumətin böhtan və ya şantajla məşğul olan şəxslərin təqibi ilə məşğul olması çox vaxt aparar, istənilən nəticə də əldə olunmaz”.

Millət vəkilinin sözlərinə görə, bu məqamda dövlət tərəfindən cəmiyyətdə mədəni səviyyəsinin yüksəldilməsi və maarifləndirmə işlərinin aparılması daha effektiv olardı.

Nəticə

İnternet  yalnız əyləncə platforması deyil, biznes, təhsil, müxtəlif məlumatların yayılması üçün də əlverişlidir. Ona görə də bu gün insanların əksəriyyəti həyatlarını internetsiz təsəvvür edə bilmirlər. Paytaxtımızda isə sosial şəbəkələr digər ölkələrdə olduğu kimi çox populyardır. Millət vəkilinin də qeyd etdiyi kimi, Bakıda internet resurslardan istifadənin tənzimlənməsi barədə tez-tez danışılır, amma sosial şəbəkələrdən istifadəsinin qarşısının alınması və ya hər hansısa məhdudiyyətlərin qoyulması hələlik aktual deyil.

Züleyxa İsmayılova

Bakucity.az

Sosial şəbəkələr Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Kriminal
Bakıda soyğunçuluqla məşğul olan şəxslər tutulub. BakuCity.az xəbər verir ki, bu barədə Daxili İşlər Nazirliyindən məlumat verilib. Məlumata görə, Yasamal RPİ-nin 28-ci Polis Bölməsinə oktyabrın 25-də rayon ərazisindəki evlərdən birinin qarşısında həmin evin 2 ayrı mənzilində yaşayan 5 yaşlı iki qızın qulaqlarındakı qızıl sırğaların çıxarılaraq aparılması barədə məlumat daxil olub. Bakı ŞBPİ-nin Cinayət Axtarışı İdarəsi və Yasamal RPİ 28-ci PB əməkdaşların...
Cəmiyyət
Azərbaycan Ordusu Xankəndidə erməni ordusunun üç əsas nöqtəsini məhv edib. "Ermənistandan fərqli olaraq Azərbaycan Ordusu heç vaxt mülki şəxsləri hədəfə almır. Xankəndi və başqa şəhərlərə baxsaq, görərik ki, Ermənistan ordusu atəş nöqtələrini, hərbi obyektləri insanların yaşadıqları yerlərdə qoyurlar, oradan da Azərbaycanı hədəfə alırlar. Bu, terrorçuların istifadə etdikləri üslubdur". BakuCity.az xəbər verir ki, bunu Azərbaycan Respublikası Prezidentinin...
Cəmiyyət
Ermənistanın sabiq baş naziri Vazgen Manukyan müharibədəki məğlubiyyətə görə Ermənistan rəhbərliyini istefa verməyə səsləyib. BakuCity.az xəbər verir ki, V.Manukyan bəyanat yayaraq, Ermənistanın hazırda tarixin ən biabırçı səhifələrini yaşadığını bildirib. “Təkcə Qarabağın deyil, Ermənistanın və erməniliyin gələcəyi də təhlükə altındadır. Bundan xilas olmaq üçün hökumət bütün hakimiyyəti orduya verərək istefaya getməlidir, özü də bunu könüllü şəkildə etməl...
Cəmiyyət
Mütəxəssis orduya dəstək nümayiş etdirib.  "Bakı Mərkəzi Elektrotökmə" ASC-nin idarə heyətinin sədri Cavid Haşımov bir qrup könüllü mülki texniki mütəxəssislərdən ibarət olan komandası ilə müharibənin ilk günlərindən cəbhə bölgələrində zədələnmiş hərbi nəqliyyat vasitələrinin operativ səyyar təmirini təşkil edir, yenidən döyüş sıralarına qaytarır. BakuCity.az xəbər verir ki, bu təşəbbüs Səfərbərlik və Hərbi Xidmətə Çağırış üzrə Dövlət Xidmətinə dəstək olar...
Cəmiyyət
Müdafiə Nazirliyi və Dövlət Sərhəd Xidməti birgə bəyanat yayıb. Azərbaycanın Müdafiə Nazirliyi və Dövlət Sərhəd Xidməti birgə bəyanat yayıb. BakuCity.az sözügüdən bəyanatı təqdim edir: “Yeni humanitar atəşkəs rejiminə riayət edən Azərbaycan bütün cəbhə boyu düşmənin törətdiyi təxribatlara təmkinlə yanaşaraq yalnız adekvat tədbirlər görür. Bundan istifadə edən Ermənistan isə cəbhənin müxtəlif istiqamətləri, xüsusilə də bərpa edilmiş dövlət sərhədləri üzrə v...
Cəmiyyət
Azərbaycanda koronavirusun bitəcəyi tarix açıqlanıb. Bu gün bütün dünyada, eləcə də Azərbaycanda koronavirusun ikinci dalğası yaşanır. Məhz buna görə də gündəlik yoluxma sayı artmaqdadır. Hətta bir neçə gün öncə yoluxanların sayı 950-yə yaxınlaşmışdı. Bu gün bir çoxlarını maraqlandıran məsələ koronavirusun nə zaman bitəcəyidir. BakuCity.az xəbər verir ki, bununla bağlı danışan professor Adil Qeybulla bildirib ki, insanlarımız karantin qaydalarına əməl etmə...
Cəmiyyət
"Azərbaycanın bu hərbi əməliyyatı tarixə düşəcək". BakuCity.az xəbər verir ki, bunu rusiyalı ekspert, jurnalist Maksim Şevçenko öz “Facebook” səhifəsində yazıb. O, Azərbaycan ordusunun uğurlarından və erməni qoşunları ilə silahlı toqquşmalarda qələbələrindən heyranlıq duyduğunu bildirib: “Azərbaycan ordusu Laçına yaxınlaşır. Erməni ordusunun müqavimət göstərməsi demək olar ki, mümkün deyil. Bu hərbi əməliyyat müharibələr tarixində yerini alacaq”. (metbuat....
Cəmiyyət
Ordumuz adekvat tədbirlər görür. Yeni humanitar atəşkəs rejiminə riayət edən Azərbaycan bütün cəbhə boyu düşmənin törətdiyi təxribatlara təmkinlə yanaşaraq, yalnız adekvat tədbirlər görür. BakuCity.az xəbər verir ki, bu haqda Müdafiə Nazirliyi və Dövlət Sərhəd Xidmətinin birgə bəyanatında qeyd edilib: "Bundan istifadə edən Ermənistan isə cəbhənin müxtəlif istiqamətləri, xüsusilə də bərpa edilmiş dövlət sərhədləri üzrə vəziyyəti məqsədyönlü şəkildə gərginlə...
Cəmiyyət
Daxili İşlər Nazirliyi (DİN) koronavirus pandemiyası ilə bağlı əhaliyə müraciət edib. BakuCity.az həmin müraciəti təqdim edir: "Koronavirusla mübarizəmiz davam edir. Bu təhlükəli infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq. Biz qorxunc virusa birlikdə, karantin qaydalarına riayət etməklə qalib gələ bilərik”. BakuCity.az