Bakıda mütəşəkkil qruplaşma zərərsizləşdirildi

Bakıda mütəşəkkil qruplaşma zərərsizləşdirildi

Oğurluqda “Retranslyator” qəbuledici-ötürücü radiotexniki vasitədən istifadə olunub.

Bakucity.az xəbər verir ki, Bakıda avtomobilləri talamaqda, bank plastik kartlarının məxfi informasiyalarını öyrənməyə cəhdə şübhəli bilinən mütəşəkkil qruplaşma üzvləri saxlanılıb.

Daxili İşlər Nazirliyinin mətbuat xidmətindən verilən məlumata görə, Bakı Şəhər Baş Polis İdarəsinin Cinayət-Axtarış İdarəsi, Xətai Rayon Polis İdarəsinin (RPİ) Cinayət Axtarış Şöbəsi və 37-ci Polis Şöbəsi əməkdaşlarının birgə keçirdiyi əməliyyat-axtarış tədbirləri nəticəsində əvvəllər məhkum olunmuşlar - 1992-ci il təvəllüdlü Elmar Rzayev və qardaşı, 1993-cü il təvəllüdlü Vəli Rzayev ifşa olunaraq, istintaqa təhvil verilib.

Qardaşlar xarici ölkələrin birində xüsusi hazırlanmış elektron informasiya cihazı vasitəsilə müxtəlif markalı avtomobillərin təhlükəsizlik sistemini sındıraraq ayrı-ayırı vətəndaşlara külli miqdarda ziyan vurublar.

Şübhəli şəxslərdən “Retranslyator” adlandırılan qəbuledici-ötürücü radiotexniki vasitə aşkar olunaraq götürülüb.

Qeyd edək ki, bu cihaz yüksək təhlükəsizlik standartlarına malik avtomobillərin və bank kartlarının informasiya alqoritmlərini öyrənənərək həqiqi açar-kodun siqnalını köçürməyə malikdir və avtomatik olaraq açarın, plastik bank kartının şifrəli dublikatını yaradır. 

Şübhəli şəxslər ətrafında əməliyyat-axtarış, əməliyyat, istintaq tədbirləri – xüsusatların araşdırlması davam etdirilir.

Bakucity.az

Oğurluq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər