Bakıda "Qlaukomanın müasir diaqnostikası və müalicəsi” konfransı keçirildi

Bakıda "Qlaukomanın müasir diaqnostikası və müalicəsi” konfransı keçirildi

Qlaukoma göz təzyiqinin artması ilə müşahidə olunan xəstəlikdir

Bakucity.az xəbər verir ki, konfrans akademik Zərifə Əliyeva adına Milli Oftalmologiya Mərkəzi və Azərbaycan Oftalmoloqlar Cəmiyyətinin təşəbbüsü ilə Dünya Qlaukoma Həftəsi çərçivəsində reallaşıb.

Konfransda qlaukomanın müasir diaqnostik təhlilindən, onun müalicəsindən danışılıb, xəstəliklərin aradan qaldırılması ilə bağlı fikir mübadiləsi aparılıb. Oftalmoloqlar isə qlaukoma ilə bağlı çıxışlar ediblər.

Tədbirdə “Qlaukomanın inkişafının təhlili”, “Göz travmaları nəticəsində yaranan qlaukoma”, “Qlaukomalı pasiyentlərin monitorinqində Heydelberq retinotomoqrafiyanın rolu”, “Qlaukoma ilə assosiasiya olan tor qişanın xəstəlikləri – maraqlı kliniki hallar” və başqa mövzular dinlənilib.

Qlaukoma göz daxili mayenin rahat xaric ola bilməməsi nəticəsində göz təzyiqinin artması ilə müşahidə olunan xəstəlikdir. Xalq arasında göz təzyiqi və ya “qarasu” olaraq adlandırılan qlaukomadan dünyada 45 milyon, ölkəmizdə isə 20 minə yaxın insan əziyyət çəkir.

Bakucity.az

Qlaukoma
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər