Bakıda Keyko Matsuinin konserti olub - FOTO

Bakıda Keyko Matsuinin konserti olub - FOTO

Bakılılar yaponiyalı pianoçunun əsrarəngiz əsərlərini dinləyiblər

Bakucity.az xəbər verir ki, martın 16-də Heydər Əliyev adına Sarayda məşhur yapon pianoçusu və bəstəkarı Keyko Matsuinin "BEST HITS" - "Ən yaxşı hitlər" adlı konserti gerçəkləşib. Bu pianoçunun Bakıya ilk səfəri deyil və burada onun yaradıcılığını həmişə yüksək qiymətləndirərək konsertiondə iştirak edirlər. 

Tamaşaçıların alqışları altında səhnəyə çıxan ulduz hamını salamlayıb:

Axşamınız xeyir! Bu, mənim Bakıya beşinci səfərimdir və mən çox şadam ki, yenidən bu gözəl şəhərdəyım! Bu gün mən öz orkestrm olmadan çıxış edəcəyəm. Bu mənim solo layihəmdir və mən "Echo" adlı son albomumdan bir neçə yeni kompozisiyalarımı təqdim edəcəyənm. Ümid edirəm xoşunuza gələcək".

Doğrudan da səhnədə yalnız çox bahalı qara fortepiano “Steinway Sons &” vardı, amma buna baxmayaraq, Matsuinin çıxışı orkestr olmadan da çoxşaxəli idi. Pianoçunun barmaqları dillər üzərində məharətlə oynayaraq musiqi müxtəlifliyi yaradırdı. 

Keyko Matsui hər növbəti əsərini ifa etməzdən əvvəl, əsərin tarixçəsini və bu əsərin onun üçün nə ifadə etdiyini izah edərək tamaşaçılarla ünsiyyət qurmağa çalışırdı:

“Bu gün ifa etdiyim əsərlər, məni əhatəyə alan həyatın mənasıdır deyə düşünürəm. Bu dünyaya gəlişimiz, planetimizin və insanların qarşılıqlı fəaliyyəti haqqında mən çox düşünürəm və bütün bu fikirlərimi musiqilərimdə əks etdirməyə çalışıram”.

Bu axşam bəstəkar “Forever, Forever”, “Esprit”, “Echo”, “Casablanca”, “Moon over Gotham”, kimi bir çox başqa əsərlərini ifa etdi. Bəstəkarın məşhur kompozisiyası olan"Tears Of The Ocean"ı isə tamaşaçılar alqışlarla qarşıladılar. Konsert proqramı ulduzun "Viva Life" ritmik və gözəl əsəri ilə başa çatıb. 

Bu konsertdən sonra bir daha əmin olduq ki, Keyko Matsuinin musiqisi qeyri-standartdır. Pərəstişkarları bilirlər ki, pianoçu bu gün klassik caz və populyar “nyu-eyc”i birləşdirdi. Müxtəlif alətləri birləşdirən unikal tənzimləmələr pianoçunun musiqisinə maraqlı və ecazkar notlar əlavə edir.

Gecənin sonunda Matsui, publikaya minnətdarlıq ifadə edən sözlərlə müraciət edib:

"Sağ olun ki, bu gecə mənimlə oldunuz! Bakını və onun sakinlərini çox sevirəm! Bu gün səhər gəlmişəm, sabah səhər isə artıq başqa ölkəyə gedəcəyəm, amma mən əminəm ki, biz yenə görüşəcəyik. Çünki mən yenə buraya gələcəyəm".

Konsert Keyko Matsui avtoqraf-sessiyası ilə başa çatıb. Tamaşaçıların hər biri nəinki sevimli musiqiçidən imza alıblar, həm də onun "Echo" adlı yeni albomunu da əldə ediblər.

Bakıda Keyko Matsuinin konserti olub - FOTO , fotoşəkil-1 Bakıda Keyko Matsuinin konserti olub - FOTO , fotoşəkil-2 Bakıda Keyko Matsuinin konserti olub - FOTO , fotoşəkil-3 Bakıda Keyko Matsuinin konserti olub - FOTO , fotoşəkil-4 Bakıda Keyko Matsuinin konserti olub - FOTO , fotoşəkil-5 Bakıda Keyko Matsuinin konserti olub - FOTO , fotoşəkil-6 Bakıda Keyko Matsuinin konserti olub - FOTO , fotoşəkil-7 Bakıda Keyko Matsuinin konserti olub - FOTO , fotoşəkil-8 Bakıda Keyko Matsuinin konserti olub - FOTO , fotoşəkil-9 Bakıda Keyko Matsuinin konserti olub - FOTO , fotoşəkil-10 Bakıda Keyko Matsuinin konserti olub - FOTO , fotoşəkil-11 Bakıda Keyko Matsuinin konserti olub - FOTO , fotoşəkil-12 Bakıda Keyko Matsuinin konserti olub - FOTO , fotoşəkil-13 Bakıda Keyko Matsuinin konserti olub - FOTO , fotoşəkil-14 Bakıda Keyko Matsuinin konserti olub - FOTO , fotoşəkil-15 Bakıda Keyko Matsuinin konserti olub - FOTO , fotoşəkil-16

Züleyxa İsmayılova

Bakucity.az

Keyka Matsui
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər