Bakıda baş plana uyğun gəlməyən binalar söküləcək? - AÇIQLAMA - bakucity.az

Bakıda baş plana uyğun gəlməyən binalar söküləcək? - AÇIQLAMA

Xaotik tikinti paytaxtda nizamı pozur

Prezident İlham Əliyev bu yaxınlardakı çıxışlarından birində qeyd etdi ki, Bakıda xaotik tikintiyə son qoyulacaq. Bundan savayı, ölkənin digər rəsmi şəxsləri də Bakıda xaotik və qanunsuz tikintiyə son qoyulmasının vacibliyi barədə açıqlamalar veriblər. İndiyə qədər Bakıda baş plana uyğun gəlməyən yerlərdə, sürüşmə zonalarında hündürmərtəbəli binalar tikilib. Onların bir çoxu estetik baxımdan da geri qalırlar. Bu tendensiya ilə bağlı hansı işləri görmək olar?  Xaotik tikinti problemlərini necə aradan qaldırmaq olar? Bu binaların sökülməsi ehtimalı varmı? – Bakucity.az bu kimi suallara cavab tapmaq üçün memar Nadir Qasımovdan müsahibə alıb. Materialı oxuculara təqdim edirik.

“Bu binaları sökmək qeyri mümkündür”

Nadir Qasımov açıqlamasında qeyd edib ki, Bakıda xaotik şəkildə tikilən binalar ilk növbədə şəhərsalma qanunlarından kənara çıxaraq, şəhərin qırmızı xəttlərini, küçələrin, prospektlərin kənarlarının formalaşmasını korlayır:

“Bu binalar həm də paytaxtda sıxlıq əmsalının artmasına səbəb olur. Yəni, balaca bir ərazidə insanların kütləvi şəkildə yerləşdirilməsi həmin binaların ətrafında maşın-mexanizm sıxlığında da kifayət qədər özünü göstərir. Ümumiyyətlə, bu tikililər barədə mənfiləri saymaqla bitməz və onların mövcudluğu bütün hallarda pis nəticələnir”.  

N. Qasımovun fikrincə nəticə barəsində əvvəlcədən düşünülməyib:

“Bu binaların sökülməsi kimlərinsə maraqlarına toxuna bilər. Bunu əvvəlcədən düşünmək lazım idi. Çünki həmin binaların ərsəyə gəlməsi üçün kifayət qədər pul xərclənib, zəhmət sərf olunub. Binaların əksəriyyəti yaşayış üçün nəzərdə tutulub və hal-hazırda bu binalarda yaşayış var. Tikinti şirkətlərini hər-hanısa bir formada razı salmaq olar bəlkə, amma insanlar mənzillərində müxtəlif qiymətlərə təmir işləri aparıblar. Onları söküntü ilə bağlı kim razı sala bilər? Burada məsələ sadəcə maddiyyata da bağlanmır. İnsanlar mənzil seçərkən onun qohumlarına,  iş yerlərinə, övladlarının məktəblərinə və hətta doğulduqları ərazilərə yaxın olması barədə də düşünürlər. Deyək ki, bu binaları tikənləri cəzalandırdılar, nə olsun? Yenə də onların sökülmək etimalı sıfıra bərabərdir”. 

Çıxış yolu nədir?

Ekspert çıxış yolunu sadəcə olaraq həmin binaların ərazilərində müəyyən qədər abadlıq, genişləndirmə işlərinin aparılmasında görür:

“Həmin tikililərin ətrafında olan kiçik əraziləri alıb o binaların ətrafını genişləndirmək ola bilsin mümkündür. Yəni, bu binalar tikilərkən ətrafındakı əraziləri necə ala-ala gediblərsə, indiki görüntü formalaşıb, indi də onları məcbur eləmək lazımdır ki, binaların ətraflarında olan gecəqonduları da alıb əraziləri böyütsünlər və orada müəyyən dərəcədə abadlıq işləri aparsınlar. Bu edilsə, həm də o əraziləri əldə edib yeni binalar tikmək istəyən digər şirkətlər üçün bir xəbərdarlıq olar. Bundan sonra isə yeni tikintilərə daha ciddi yanaşılmalıdır".

 Nadir Qasımov açıqlamasında həmçinin qeyd edib ki, haqqında bəhs edilən binalar xaotik tikilsələr də, böyük ehtimalla dayanıqlıdırlar:

“Bu binaların tikintisinə necə icazə verilib deyə bilmərəm, amma müəyyən bir qaydalara, normativlərə riayət olunmasaydı, hər halda onlar tikilməzdi. Çünki müəyyən olunmuş qayda-qanunlara riayət olunmadıqda tikintiyə icazə verilməməlidir. Yəni, bu binaların dayanıqlığı tələb olunan qaydalara cavab verməsəydi, ekspertizadan tikintiyə icazə verilməzdi. Onların estetik və ya qeyri-estetik tikilməsi, daha ucuz və ya baha materiallarla başa gəlməsi o demək deyil ki, dayanıqlığı olmasa ekspertiza tikintiyə icazə verər.  Güman edirəm ki, ən azından konstruktiv möhkəmlik baxımından bu binaların dayanıqlığı nəzərə alınıb”.

Bakının yeni baş planı hazırlanır

Qeyd edək ki, ölkə başçısı İlham Əliyev 2018-ci il dövlət büdcəsində nəzərdə tutulmuş Azərbaycan Prezidentinin Ehtiyat Fondundan Dövlət Şəhərsalma və Arxitektura Komitəsinə ilkin olaraq 4 milyon manat ayrılması ilə bağlı sərəncam imzalayıb. Komitə Bakı şəhərinin baş planının hazırlanması üçün "Böyük Üçlük” adlanan dünyanın ən nüfuzlu üç strateji məsləhətçi şirkətlərindən birini – "The Boston  Consulting Group” ("Boston Konsaltinq Qrup”) şirkətini bu işə cəlb edib. Hazırda Bakı şəhərinin baş planının hazırlanması üzrə işlər davam etdirilir.

Bakının ilk Baş Planı 1898-ci ildə o dövrun məşhur memarı N.A. fon Der Nonne tərəfindən hazırlanıb. 1932-ci ildə paytaxtın ikinci Baş Planı işlənib. 1964-cü ildə isə respublika Nazirlər Soveti şəhərin üçüncü Baş Planını təsdiqləyib. Sonuncu plan 1986-cı ildə Azərbaycan SSR Nazirlər Sovetinin qərarı ilə təsdiq olunub və bu sənəd 2005-ci ilədək olan dövrü əhatə edib.

Yeni Baş Plan - “Böyük Bakının Regional İnkişaf Planı” isə 2035-cu ilədək dövrü əhatə etməlidir.

Ramilə Qardaşxanqızı 

Bakucity.az

Xaotik tikinti Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Ekologiya
Bakucity.az sabaha gözlənilən hava proqnozunu təqdim edir: Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, Bakıda və Abşeron yarımadasında sabah hava yağmursuz olacaq.  Mülayim şimal-qərb küləyi arabir güclənəcək. Havanın temperaturu gecə 20-24° isti, gündüz 28-33° isti, Bakıda gecə 21-23° isti, gündüz 31-33° isti təşkil edəcək.  Atmosfer təzyiqi normadan aşağı 756 mm civə sütunu təşkil edəcək. Nis...
Mədəniyyət
“Miss & Mister Azerbaijan 2019" un xanım qalibi rəqs bacarığını nümayiş etdirib Bakucity.az xəbər verir ki, “Miss & Mister Azerbaijan” Milli Gözəllik Müsabiqəsinin qalibi Səmra Hüseynovanın yeni videoroliki yayılıb. Model yeni videonu “İnstaqram” sosial şəbəkəsində paylaşıb. Bu videoda Səmra bədən gözəlliyini və rəqs bacarığını nümayiş etdirib.  Qeyd edək ki, Səmra bir sıra beynəlxalq və yerli moda layihələrində iştirak edib. Uzun müddət xaricdə işləyib. 2...
Mədəniyyət
Konsertdə Respublikanın tanınmış ulduzları çıxış edəcək Bakucity.az xəbər verir ki, 21 iyun saat 18:00-da Heydər Əliyev Mərkəzinin parkında "Azercell”in təşkilatçılığı ilə "Rəqəmsal Səma Altında" adlı möhtəşəm konsert-şou gerçəkləşəcək. Konsertin aparıcısı Murad Dadaşovun təqdimatında Azərbaycanın xalq artistləri EMİN, Zülfiyyə Xanbabayeva, məşhur müənnilər Nigar Camal, Elnarə Xəlilova, Çingiz Mustafayev, reper Elşad Xose, Dj Tim və "Nero Dance Group" çıxı...
Hadisələr
Hadisə aeroport yolunda baş verib Bakucity.az xəbər verir ki, hadisə ötən gecə aeroport yolunda baş verib. Hərəkətdə olan "KİA" markalı avtomobilin mühərrik hissəsi anidən alışmağa başlayıb. Avtomobili yolun kənarına çəkən sürücünün köməyinə ətrafdakılar çatıb. Yanğını söndürmək üçün hadisə yerinə yaxınlaşan avtomobillərdəki yanğınsöndürən balonlardan istifadə edilib. Xəsarət alan olmayıb, avotomobilə isə ziyan dəyib. (Trend.az) Bakucity.az
Mədəniyyət
Ulduzların siyahısı artırılacaq  Bakucity.az xəbər verir ki, 22 iyun saat 19:00-da "Jara" beynəlxalq musiqi festivalının “pre-party”sində məşhur azərbaycanlı ifaçılar və rus şou-biznesinin bəzi ulduzları çıxış edəcəklər. Bu barədə festivalın rəsmi “Instagram” səhifəsində bildirilib. Səhifədə həmçinin, siyahının yekun olmadığını və qonaqları daha çox sürprizlərin gözlədiyi də qeyd olunub: "Bizim “line up” hər gün yeni artistlərlə dolu olur! Siyahının yekun...
Hadisələr
Binəqədi rayonunda yol qəzası baş verib Bakucity.az xəbər verir ki, "Kamaz" və "VAZ-2107" markalı yük və minik maşınları toqquşub. Nəticədə 1963-cü il təvəllüdlü Məmmədova Şəhla Habil qızı və 1988-ci il təvəllüdlü Abbasova Gülü Həvasət qızı ciddi xəsarət alıblar. Yaralılar 1 saylı Kliniki Tibbi Mərkəzə yerləşdiriliblər. Ş.Məmmədovaya kəllə-beyin travması və dişlərinin çoxsaylı sınığı, G. Abbasovaya isə sağ bud sümüyünün sınığı diaqnozu qoyulub. Faktla bağl...
İdman
Uşunun citkundo və çinda növləri üzrə Bakı kubokuna yekun vurulub Bakucity.az xəbər verir ki, iyunun 16-da Abşeron Olimpiya İdman Kompleksində yekun vurulan yarış yeniyetmələr, gənclər və kişilər arasında keçirilib.  Çempionatda Bakının idman klublarından 200-ə yaxın idmançı qızıl medal uğrunda mübarizə aparıb. Bakı kuboku üzrə mübarizədə "Arktika" komandası medal hesabına görə birinci olub. "Anar-Mehemmedi" komandası ikinci, "Avatar" komandası isə üçüncü...
Mədəniyyət
Festival gənclər tərəfindən maraqla qarşılanıb Bakucity.az xəbər verir ki, iyunun 15-də Novxanıda yerləşən "AF Hotel" də yüzlərlə gəncin iştirak etdiyi "Colour Festival Azerbaijan 2019" adlı rəng festivalı keçirilib.  Geniş maştablı festivalda DJ ORKHAN, DJ JABRAILOV, DJ STASY, DJ RASL və DJ K.m.L musiqiləri ilə gənclərin rəng şousunu daha da canlandırıb. Tədbirin aparıcıları DMC REMO & MC VALERY olub.  Programa rənglər şousu, personajlar, oyunlar və hədiy...
Cəmiyyət
Milli Qurtuluş Gününə həsr olunmuş konsrtlər Bakucity.az xəbər verir ki, iyunun 13-də Bakı Şəhər İcra Hakimiyyətinin və Bakı Şəhər Mədəniyyət Baş İdarəsinin birgə təşkilatçılığı ilə 15 İyun Milli Qurtuluş Günü münasibəti ilə Bakı şəhərinin Suraxanı və Xəzər rayonlarında konsertlər keçirilib. Konsertlərdə sevilən sənətkarların və tanınmış incəsənət ustalarının  çıxışları tamaşaçılar tərəfindən böyük maraqla qarşılanıb. Qeyd edək ki, Milli Qurtuluş gününə hə...