Bakılı dizaynerin “Novruz” kolleksiyası Özbəkistanda təqim ediləcək

Bakılı dizaynerin “Novruz” kolleksiyası Özbəkistanda təqim ediləcək, Javid

Gülnarə Xəlilovanın kolleksiyası II Beynəlxalq Milli Geyim Festivalında 

Azərbaycan Milli Geyim Mərkəzinin rəhbəri, sənətşünaslıq üzrə fəlsəfə doktoru Gülnarə Xəlilovanın “Novruz” kolleksiyası martın 21-22-də Şəhrisəbzdə (Özbəkistan) keçiriləcək II Beynəlxalq Milli Geyim Festivalında təqdim ediləcək. 

Bakucity.az-ın məlumatına görə, festivalın təşkilatçılarından – Özbəkistanın Turizmin İnkişafı üzrə Dövlət Komitəsindən bununla bağlı dəvət alınıb.

Novruz bayramına həsr olunmuş tədbirdə Özbəkistan, Qazaxıstan, Qırğızıstan, Tacikistan və İtaliyadan olan dizaynerlər də öz kolleksiyalarını nümayiş etdirəcəklər. Festival çərçivəsində yerli və əcnəbi dizaynerlərin dəb nümayişləri, yeni başlayan modelyerlər üçün ustad dərsləri, folklor ansamblları və ifaçılarının çıxışları baş tutacaq. Tədbirin təntənəli bağlanış mərasimində festivalda təqdim olunmuş ən yaxşı kolleksiyaların müəlliflərinin mükafatlandırma mərasimi keçiriləcək. 

Bakucity.az

Gülnarə Xəlilova
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər