“Baku Crystal Hall”da məşhur fırça ustasının sərgisi açılıb

“Baku Crystal Hall”da məşhur fırça ustasının sərgisi açılıb

Ekspozisiyaya rəssamın 170 işi daxıldır

Bakucity.az xəbər verir ki, “Baku Crystal Hall”da dünya şöhrətli rəssam Sakit Məmmədovun əsərləri sərgisinin təntənəli açılış mərasimi olub.

Rəssamın 60 illiyinə həsr edilmiş sərgi “Baku Crystal Hall”un rəhbərliyinin və Yeni Azərbaycan Partiyasının təşəbbüsü ilə təşkil olunub.

Sərginin açılışında Baş nazirin birinci müavini Əli Əhmədov, mədəniyyət nazirinin birinci müavini Vaqif Əliyev və digərləri çıxış ediblər. Onlar fırça ustasının Azərbaycan milli incəsənətinin inkişafına və onun xaricdə təbliğinə sanballı töhfə verdiyini vurğulayıblar.

“Yeni era” Dünya Rəssamlıq Akademiyasının prezidenti Anatoli Silov Sakit Məmmədovun incəsənətdə yüksək peşəkarlığına və seçdiyi peşəyə sadiqliyinə görə onu “Dövrün yaradıcısı” (“Tvorets epoxi”) ordeni və diplomu ilə təltif edib.

Sərgi martın 25-nə qədər davam edəcək.

Türkiyə, Rusiya, ABŞ, Almaniya, Fransa, İtaliya, İsveç, Avstriya və digər ölkələrdə keçirilən sərgilərin iştirakçısı olmuş Sakit Məmmədovun əsərləri şəxsi kolleksiyalarda və dünya muzeylərində saxlanılır.

Bakucity.az

Sərgi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər