Vergi orqanlarında işləmək istəyənlər üçün Bakıda imtаhаn keçiriləcək

Vergi orqanlarında işləmək istəyənlər üçün Bakıda imtаhаn keçiriləcək, Javid

İmtahanda iştirak etmək üçün 1544 namizəd qeydiyyatdan keçib.

Bakucity.az xəbər verir ki, Dövlət İmtahan Mərkəzi (DİM) Vergilər Nazirliyi ilə birgə martın 30-da vergi orqanlarına işə qəbul olunmaq istəyən namizədlər üçün test imtahanı keçirəcək.

DİM-dən verilən məlumata görə, namizədlər 27-29.03.2019-cu il tarixdə (saat 10:00-dan 18:00-dək) “İmtahana buraxılış vərəqəsi”ni Vergilər Nazirliyinin inzibat binasından götürməlidirlər. 

İmtahan saat 11:00-da başlayır və Bakı şəhərində 5 binada təşkil olunacaq. Saat 10:45-dən sonra gələn namizədlər imtahana buraxılmır.

İmtahanların idarə olunmasına 15 imtahan rəhbəri və 147 nəzarətçi-müəllim cəlb olunacaq.

İmtahanda iştirak etmək üçün 1544 namizəd qeydiyyatdan keçib.

İmtahanda namizədə qanunvericilik və ixtisas üzrə 80 və məntiqi nəticə çıxarma qabiliyyətinin müəyyən edilməsi üçün 20 olmaqla, ümumilikdə 100 test tapşırığı təqdim olunur. Müsabiqənin test imtahanı mərhələsinin mövzularını (məntiq üzrə suallar istisna olunmaqla) özündə əks etdirən ədəbiyyat siyahısı Vergilər Nazirliyinin rəsmi internet saytının (www.taxes.gov.az) “İşə qəbul. Müsabiqələr” bölməsinin müvafiq altbölməsində yerləşdirilib.

İmtahan 3 sааt dаvаm еdəcək. Hər suаl 1 bаllа qiymətləndirilir. İmtаhаn nəticəsində ümumi bаlı 70 və dаhа аrtıq оlаn nаmizədlər növbəti mərhələyə burахılacaqlar.

Bakucity.az

Dövlət İmtahan Mərkəzi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər