Bakıda yanğından mühafizə olunmayan ictimai obyektlər - ARAŞDIRMA

Paytaxtın bir çox ictimai obyektlərində yanğın təhlükəsizliyi sistemi yoxdur

"Diqlas" Ticarət Mərkəzindəki dəhşətli yanğından sonra, insanların sıx toplaşdığı yerlərdə yanğın təhlükəsizliyi qaydalarına riayət olunması məsələsi bir daha ciddi şəkildə gündəmə gəldi. Sirr deyil ki, paytaxtın ictimai obyektlərinin əksəriyyətində təhlükəsizlik məsələlərinə laqeydlik göstərilir. "Diqlas"da baş verən yanğında da obyektdə yanğın təhlükəsizliyinə riayət olunmadığı üzə çıxmışdı. Nəticədə yanğın ümumilikdə 200 milyon dollarlıq ziyana səbəb olmuşdu. Sual yaranır: ictimai əhəmiyyətli obyektlər niyə yanğından mühafizə sistemi ilə təmin olunmur, bunun üçün nələr edilməlidir? 

Bir çox obyektlər təhlükəsizlik qaydalarına məhəl qoymurlar

Bakıda yanğından mühafizə sisteminin quraşdırılması üzrə "Lider Yanğın" şirkətinin əməkdaşı Babək Nağıyev saytımıza açıqlamasında yanğın təhlükəsizliyini təmin etmək üçün  ictimai binalarda hansı işlərin görülməsinin vacibliyi haqqında danışıb:

"Hər bir müsəssisədə rəhbərlik yanğınsöndürənləri çağırmaq üçün əlaqə telefonları olan lövhələr quraşdırmalıdır. Əgər bina çoxmərtəbəlidirsə hər mərtəbədə bu lövhələr olmalıdır. Bundan başqa, hər yerdə mütləq fövqəladə vəziyyətlər zamanı insanların evakuasiyası planı olmalıdır".

B. Nağıyev əməkdaşlar üçün mütəmadi təxliyə məşqlərin keçirilməsinin zəruri olduğunu da vurğulayıb. O bildirib ki, şəhərimizdə belə bir praktika yoxdur: "Yaxşı olardı ki, siqaret çəkən əməkdaşlar üçün xüsusi otaqlar və ya yerlər ayrılsın. Burada təhlükəsizlik sistemini qurmaq daha vacibdir".

Yanğından qorunmaq üçün otaqlarda hansı avadanlıqlar qurulmalıdır? Mütəxəssis bu məsələyə də aydınlıq gətirib:

"Yanğınsöndürən avadanlıqlar binanın  hər mərtəbəsində olmalıdır. İldə bir dəfə onların dəyişdirilməsi arzuolunandır.  Adətən ümumi yanğın postundan nəzarət olunan yanğın siqnalizasiya sisteminin də mövcud olması zəruridir. Ticarət mərkəzləri kimi iri obyektlərdə adətən hər mərtəbədə mühafizə xidmətini çağırmaq üçün xüsusi telefonlar quraşdırılır. Obyekt sahibləri bütün bu avadanlıqlara mütəmadi nəzarət etməlidirlər. Adətən bununla obyektin texniki departamenti məşğul olur, təbii ki, əgər belə bir departament varsa. Bizim müştərilər tez-tez  bu cür yoxlamaların aparılması üçün obyektə əməkdaşımızı dəvət edirlər. Hər ay və ya yarım ildə bir dəfə belə profilaktikaların aparılması yaxşı olardı".

"Lider Yanğın" şirkətinin əməkdaşının sözlərinə görə, onlara praktiki olraq hər gün kifayət qədər müştəri müraciət edir.  Amma hər halda paytaxt ərazisində olan bir çox obyektlər bütün bu qaydalara məhəl qoymurlar. Bu da sonda acınacaqlı nəticələrə gətirib çıxarır. 

Qanunda yanğın təhlükəsizliyi ilə bağlı nə deyilir?

"Yanğın təhlükəsizliyi haqqında" qanunun 25-ci maddəsinə görə,  Dövlət Yanğın Nəzarəti Xidməti tikinti normalarına və standartlarına, yanğına qarşı tələblərə riayət olunmasına nəzarət məqsədi ilə yanğın təhlükəsizliyi qaydalarına əməl olunmasını yoxlamalıdır.

Azərbaycanda yanğın təhlükəsizliyi qaydalarının həyata keçirilməsinə görə Dövlət Yanğın Nəzarəti Xidməti cavabdehdir, qurum müəssisələrdə mütəmadi reydlər aparmalıdır. Əgər dövlət qurumu nöqsan aşkar edərsə, yəni lazımi avadanlıq yoxdursa və ya tam deyilsə, bu zaman qayda pozucu cəriməni ödəməli və çatışmazlıqları aradan qaldırmalıdır. Əgər obyektin sahibinin  belə səhlənkar münasibəti  yanğına səbəb olsa, onda qanunvericiliyə görə Azərbaycan Respublikası cinayət məcəlləsinin 225.2 maddəsi ilə (yanğın təhlükəsizliyinin qaydalarının pozulması ehtiyatsızlıqdan zərərçəkmiş şəxsin sağlamlığına az ağır və ya ağır zərər yetirməyə səbəb olduqda) cinayət işi açıla bilər.

Bununla bağlı sual yaranır: Necə ola bilər ki, "Diqlas" kimi böyük bir ticarət mərkəzi yanğın təhlükəsizliyinin lazımi qaydalarına riayət etmədən fəaliyyət göstərə bilib? Bu obyektin yoxlanması  necə həyata keçirilirdi? Bu suallara cavab tapmaq üçün müvafiq qurumlara etdiyimiz israrlı zənglər cavabsız qaldı, digər vasitələrlə açıqlama almaq cəhdlərimiz də uğursuz alındı. 

Bakıda  yanğından mühafizə avadanlıqlarının olmadığı böyük ictimai binaların sayı hələ də çoxdur. Ümid edirik ki, yanğın statistikasının belə yüksək olmasından sonra müvafiq qurumlar məsələyə daha ciddi diqqət yetirəcəklər. 

Züleyxa İsmayılova

Bakucity.az

Yanğından mühafizə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
"Bu gün koronavirus xəstələriylə işləyən həkimlərimiz ölümlə çarpışır. Mənim həyat yoldaşım da orda işləyir və kosmonavtlar kimi skofandr geyinirlər”. BakuCity.az xəbər verir ki, bunu Tibb Universitetinin (ATU) dosenti Rəşid Mahmudov deyib. R. Mahmudov koronavirus xəstələriylə işləyən həkimlərin maaşlarının verilməməsinə etirazını bildirib: “TƏBİB həkimlərin çoxunun əmək haqqısını verməyib. Bu gün koronavirus xəstələriylə işləyən həkimlərimiz ölümlə çarpış...
Cəmiyyət
Azərbaycanda koronavirusa 193 yeni yoluxma faktı qeydə alınıb, 492 nəfər sağalıb. BakuCity.az xəbər verir ki, bu barədə Nazirlər Kabineti yanında Operativ Qərargahdan məlumat verilib.  COVID-19 üçün götürülən analiz nümunələri müsbət çıxmış 3 nəfər vəfat edib. İndiyədək ölkədə ümumilikdə 33 103 nəfərin koronavirus infeksiyasına yoluxması faktı müəyyən edilib, onlardan 28 840 nəfər müalicə olunaraq sağalıb, 476 nəfər vəfat edib, aktiv xəstə sayı 3787-dir. ...
Cəmiyyət
Paytaxtdakı çimərliklər fəaliyyətə başlayıb. Xəbər verdiyimiz kimi Nazirlər Kabineti yanında Operativ Qərargahın qərarına əsasən avqustun 5-dən karantin rejiminin tələblərinə uyğun müəyyən edilən qaydalar çərçivəsində çimərliklərin istifadəsinə icazə verilib. BakuCity.az xəbər verir ki, bununla əlaqədar Bakı Şəhər və Rayon İcra Hakimiyyətlərinin struktur qurumlarının nümayəndələrindən təşkil edilmiş qruplar tərəfindən paytaxtın rayonlarındakı bütün ictimai...
Cəmiyyət
Sosial şəbəkələrdə ən çox müzakirələrə səbəb olan paytaxt binası. Bakının Günəşli qəsəbəsində illərdir sakinlərin yaşadığı binanın üzərində yenidən əlavə mərtəbənin tikilməsi ictimai müzakirələrə səbəb olub. Həmin binada yaşayan bir neçə sakin də bundan narazılığını bildirib. BakuCity.az xəbər verir ki, “Qafqazinfo”nun əməkdaşları hadisə yerinə gedərək məsələ ilə bağlı tikinti işlərini aparan şirkətdən münasibət öyrənib. Tikintini həyata keçirən "A.R.&Ko"...
Cəmiyyət
Sosial şəbəkələrdə video yayan həkim cəzalandırılıb. Qazax rayon Təcili Tibbi Yardım Xidmətinin həkimi sosial şəbəkələrdə video yayaraq, Təcili Yardım binasının yararsız vəziyyətdə olması ilə bağlı iddialar səsləndirib. Sözügedən hadisədən sonra həkimin TƏBİB tərəfindən şiddətli töhmət alması ilə bağlı məlumat yayılıb. BakuCity.az xəbər verir ki, məsələ ilə bağlı açıqlama verən TƏBİB-in mətbuat katibi Rəvanə Əliyeva faktı təsdiqləyib. “Qazax RMX-nın məluma...
Ekologiya
Bakıda 6 avqustda gözlənilən hava şəraiti açıqlanıb. Milli Hidrometeorologiya Xidmətindən BakuCity.az-a verilən məlumata görə, Bakıda və Abşeron yarımadasında havanın dəyişkən buludlu olacağı, arabir tutulacağı, gündüz bəzi yerlərdə yağış yağacağı, şimşək çaxacağı gözlənilir.  Mülayim şimal-qərb küləyi əsəcək. Havanın temperaturu  Abşeron yarımadasında gecə 20-24,  gündüz  27-31, Bakıda  gecə 22-24, gündüz  28-30 dərəcə isti olacaq. Atmosfer  təzyiqi norma...
Cəmiyyət
Şəhid general-mayor Polad Həşimovun adını daşıyacaq küçənin ünvan lövhələri hazırdır. BakuCity.az xəbər verir ki, onun xatirəsinin əbədiləşdirilməsi üçün Qəbələdə adının veriləcəyi küçə yaxın vaxtda müəyyənləşdiriləcək. Bununla bağlı müzakirələr yekunlaşmaq üzrədir. Həmçinin oxu: General-mayor Həşimov Polad şəhid olub Qeyd edək ki, Prezident İlham Əliyev Polad Həşimovun xatirəsinin əbədiləşdirilməsi üçün Qəbələnin küçələrindən birinə onun adının verilməsi...
Cəmiyyət
Karantin rejiminin tələblərinə uyğun müəyyən edilən qaydalar çərçivəsində çimərliklərin istifadəsinə icazə verilib. BakuCity.az xəbər verir ki, bununla əlaqədar Bakı Şəhər və Rayon İcra Hakimiyyətlərinin struktur qurumlarının nümayəndələrindən təşkil edilən qruplar tərəfindən paytaxtı  rayonlarındakı bütün ictimai və özəl çimərliklərə, istirahət mərkəzlərinə baxışlar keçirilib, çimərliklərə şəhər və rayon icra qurumlarının nümayəndələrindən məsul şəxslər t...
Cəmiyyət
Nazirlər Kabineti sahibkarlıq subyektlərinə yeni maliyyə dəstəyinin göstərilməsi barədə qərar qəbul edib. İqtisadiyyat Nazirliyindən BakuCity.az-a verilən məlumata görə, qərara əsasən, koronavirus (COVİD-19) infeksiyasının yayılmasının qarşısının alınması məqsədilə ölkədə karantin tədbirləri davam etdirildiyindən, Azərbaycan Prezidentinin tapşırığına əsasən, mövcud şəraitin sahibkarlığa mənfi təsirlərini minimallaşdırmaq və məşğulluğun qorunmasına dəstək m...