Bakıda sahibsiz heyvanların müdafiəsi genişləndirilir – ARAŞDIRMA

Sahibsiz küçə heyvanlarını müdafiə edən yeni qrup yaradılıb

Bakıda sahibsiz küçə heyvanlarına qayğı göstərən fəalların sayı gün keçdikcə artır. Bu fəalların sosial şəbəkələrdəki aktiv fəaliyyəti və keçirdikləri təbliğat kompaniyaları heyvanların müdafiəsində müəyyən irəliləyişə səbəb olub. Bakucity.az bu dəfə küçə heyvanlarının müdafiəsi sahəsində böyük işlər görən “HACHİKO” vəfalı heyvanlara yardım qrupunun fəaliyyətinı araşdırıb. Materialı oxuculara təqdim edirik.

“HACHİKO” necə yaranıb? 

“HACHİKO” qrupunun yaradıcısı Firəngiz Nəzərova bu ideyanın haradan ortaya çıxdığına dair saytımıza açıqlama verib, o, heyvanlara olan sevgisinin hələ illər öncə, “Əsl sədaqətli dost Xatiko” filminə baxdıqdan sonra yarandığını deyib:

“Hələ 15 yaşımdaykən küçələrdə tək gəzə-gəzə sahibsiz heyvanları yemləyirdim. 3 ay öncə isə sədaqətli dost Xatikonun adını verdiyim “HACHİKO” vəfalı heyvanlara yardım qrupunu və “Instagram” səhifəsini yaratdım. Məqsədim küçə heyvanlarına həm tibbi yardım göstərmək, həm də onları yemləmək idi. Qrupumuz əsas köməkçilərim Amil Əsədov, Elxan Məmmədzadə, Aydın Orucov olmaqla 4 nəfərdən ibarətdir. Fəaliyyətimiz zamanı sahibsiz heyvan sığınacaqları ilə tanış oluruq və Bakı küçələrində aksiyalar keçiririk. İlk tədbir-aksiyamızı bu il martın 3-də 15 nəfərlik heyvansevər aktivistlərlə birlikdə "Razin" sığınacağında gerçəkləşdirdik. Oradakı heyvanlara tibbi və yem yardımı etdik”.

Qrupun yaradıcısı şəhərdə heyvanların çox olduğu ərazilərdə təbliğat xarakterli aksiyaların mütəmadi olaraq keçiriləcəyini deyib:

“Öncə heyvanların olduğu yeri təyin edirik, sonra plakat hazırlayıb aksiyanın keçiriləcəyi tarixlə birlikdə sosial şəbəkələrdə paylaşırıq. Aktivistlərin bəziləri yem, bəziləri maddi yardım göstərirlər, bundan sonra gedirik təyin etdiyimiz ərazilərə. Heyvanları yemləyib ərazidəki insanlarla söhbətləşirik və çalışırıq azyaşlı uşaqları müəyyən qədər maarifləndirək. Bəzən uşaqlar heyvanlardan, xüsusilə də itlərdən hədsiz çox qorxurlar. Bu, onlarda zamanla fobiya halını alır, vaxt keçdikcə isə onlarda heyvanlara qarşı aqressiya yaranır. Cəmiyyətdə heyvanlara qarşı nümayiş olunan qəddarlıq da məhz bu cür hallardan qaynaqlanır". 

Gənc aktivist küçə heyvanlarının qısırlaşdırılması proseduruna qarşı çıxır, deyir ki, heyvanları valideynlik hissindən məhrum etməyə heç kimin haqqı yoxdur. 

"Biz heyvanı yalnız o zaman qısırlaşdırırıq ki, - Firəngiz davam edir; onun ən azından bir dəfə valideyn olduğuna və sağlamlığına əmin oluruq". 

“Şəhərdə az sayda sığınacaq var”

Gənc aktivistin ən böyük arzusu gələcəkdə küçə heyvanları üçün daha çox sığınacaq yaratmaqdır. 

"Bu sahədə yenilik etmək, açacağım sığınacaqda heyvanları daimi saxlamaq istəyirəm. İstərdim ki, öncə küçələrdə balalayıb çoxalan heyvanları, bir də anasız qalan körpə itləri yığam. Çünki körpə itlər yollarda tez-tez maşınların altında qalıb ölürlər. Maşın vuran heyvanlarla bağlı əsasən gecələr məlumat alırıq. Könüllü həkimlərimiz var, amma bəzən heyvanın vəziyyəti çox ağır olduğundan onu sağaltmağa büdcəmiz kifayət etmir. Səhifəmizdə ardıcıl paylaşımlar edirəm və aktivistlərin dəstəyi ilə heyvanın sağalması üçün əlimizdən gələni edirik”, - deyə Firəngiz Nəzərova fikrini tamamlayıb.

Qrup üzvü Amil Əsədovun sözlərinə görə, heyvanları yalnız şərti müqavilə əsasında sahibləndirirlər:

“İnsanlar yalnız heyvanları incitməyəcəkləri, onlara yaxşı baxacaqları, küçəyə atmayacaqları və başqasına verməyəcəkləri təqdirdə bizdən heyvan götürə bilərlər. Sahibləndirdiyimiz heyvanları daimi nəzarətdə saxlayırıq və onlar istənilən vaxt qrupumuza qaytarıla bilərlər. Qrupun növbəti planı isə məktəblərdə, universitetlərdə təbliğat xarakterli tədbirlərin həyata keçirilməsini reallaşdırmaqdır".

"Çox istərdik ki, - Amil davam edir; tədris ocaqlarında bizə şərait yaradılsın və biz həyata keçirmək istədiyimiz layihə çərçivəsində “Əsl sədaqətli dost Xatiko” filmini qısametraj şəklində təqdim edək, uşaqlara heyvanlarla dostluq edə bilmək imkanlarından danışaq və s. Həmçinin, məktəblərdə və zoo mağazalarda yardım qutuları yerləşdirmək istəyirik”.

Aktivistlərin sözlərinə görə, heyvanlara yardım məqsədi ilə qrupun hesabına köçürülən vəsaitlərin hesabatı aylıq aparılır və sənədlər saxlanılır. 

“Əsl sədaqətli dost Xatiko” haqqında

Sədaqətli dost Xatiko 1923-cü ildə doğulduqdan bir müddət sonra Tokio universitetinin professoru Ueno Hidesaburoya hədiyyə edilmişdi. Hər səhər işə gedən sahibini yola salan it geri qayıdardı, ancaq 15:00 da onun qayıdışını Sibuya stansiyasında yenidən gözləyərdi. 1925-ci il 21 mayda professor ürək tutmasından dünyasını dəyişir, Uenonun qohumları Xatikonu atmırlar. Xatiko isə hər gün stansiyaya getməyə davam edir. İtin sədaqəti qısa müddətdə bütün şəhərə yayılır. 1932-ci ildə dərc olunan qəzetlərdən birində Xatiko haqqında məqalə yazılır. İt 7 il ardıcıl olaraq stansiyada sahibini gözləyib. Sədaqət gözləntisi 1935-ci ilin 8 martında, Xatikonun ölümü ilə başa çatıb. Elə həmin il Tokioda Xatikoya heykəl qoyulub. 

Ramilə Qardaşxanqızı

Bakucity.az

“HACHİKO”
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Ekologiya
Bakıda 9 avqustda gözlənilən hava şəraiti açıqlanıb. Milli Hidrometeorologiya Xidmətindən BakuCity.az-a verilən məlumata görə, Bakıda və Abşeron yarımadasında havanın yağmursuz keçəcəyi gözlənilir. Mülayim cənub küləyi əsəcək. Havanın temperaturu Abşeron yarımadasında gecə 22-25, gündüz 29-34, Bakıda gecə 23-25, gündüz 31-33 dərəcə isti olacaq. Atmosfer təzyiqi normadan aşağı 754 mm civə sütunu, nisbi rütubət gecə 60-70, gündüz 40-45 faiz təşkil edəcək. Ab...
Cəmiyyət
"17 avqust ərəfəsində kafe və restoranların açıq hissəsində fəaliyyətinin bəpa olunması müzakirə olunur. Bundan bir həftə sonra isə rayonlara gediş-gəlişin bərpa edilməsi istiqamətində fikir mübadiləsi aparılır". BakuCity.az xəbər verir ki, bunu Azərbaycan Prezidentinin köməkçisi – Azərbaycan Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Operativ Qərargahın brifinqində deyib. Şahmar Mövs...
Cəmiyyət
"Bir çox ölkələrin strategiyasında məhz nəqliyyatın məhdudlaşdırılmasından istifadə olunur ki, yoluxma artmasın. Biz də buna məcburuq". BakuCity.az xəbər verir ki, bunu Azərbaycan Prezidentinin köməkçisi – Azərbaycan Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Operativ Qərargahın brifinqində deyib. Şahmar Mövsümov bildirib ki, metroda virusun yayılması ehtimalı daha yüksək olduğuna gör...
Cəmiyyət
“İyul ayında ölkədə koronavirusa yoluxanların sayında müəyyən artım müşahidə edildi. Bu, iyulun 14-də kütləvi şəkildə küçələrdə maskasız, məsafəsiz yürüş etməklə əlaqələndirilə bilər”. BakuCity.az xəbər verir ki, bunu Nazirlər Kabineti yanında operativ qərargahın keçirdiyi mətbuat konfransında Azərbaycan Prezidentinin İqtisadi məsələlər üzrə köməkçisi Şahmar Mövsümov deyib. Şahmar Mövsümovun sözlərinə görə, Bakı küçələrində çəkilmiş şəkillərdən də sıxlıq a...
Cəmiyyət
Sərtləşdirilmiş xüsusi karantin rejiminin tətbiq olunduğu 13 şəhər və rayonda həftəsonu ictimai nəqliyyat işləməyəcək. BakuCity.az xəbər verir ki, bu barədə Nazirlər Kabineti yanında Operativ Qərargah qərar qəbul edib. Qərara əsasən, 8 avqust saat 00:00-dan 10 avqust saat 06:00-dək Bakı, Cəlilabad, Gəncə, Masallı, Mingəçevir, Sumqayıt, Yevlax şəhərləri və Abşeron, Bərdə, Goranboy, Göygöl, Xaçmaz, Salyan rayonlarında ictimai nəqliyyatın fəaliyyəti qadağandı...
Cəmiyyət
Nazirlər Kabineti yanında Operatriv Qərargah sərt karantin rejiminin yumşaldılması istiqamətində növbəti tədbirlər paketini qəbul edib. Qurumdan BakuCity.az-a verilən məlumata görə, Covid-19 infeksiyasına yoluxmanın dinamikasında müsbət tendensiyanın müşahidə olunması və iqtisadi aktivliyin gücləndirilməsi zərurəti nəzərə alınaraq Nazirlər Kabineti yanında Operativ Qərargah bəzi istehsal, ticarət və xidmət sahələrinin fəaliyyətinə icazə verilməsi haqda qər...
Cəmiyyət
“Sədərək” və “Binə” ticarət mərkəzi bağlı qərar qəbul edilib. Qeyri-ərzaq mallarının satışını həyata keçirən ticarət obyektlərinin və əhaliyə məişət xidmətləri göstərən iri ticarət mərkəzlərinin fəaliyyətinə icazə verilməyib. BakuCity.az xəbər verir ki, bu barədə Nazirlər Kabineti yanında Operatriv Qərargah sərt karantin rejiminin yumşaldılması istiqamətində növbəti tədbirlər paketində əksini tapıb. (report) BakuCity.az
Cəmiyyət
COVID-19 infeksiyasının ürəyə təsirləri barədə aparılan elmi tədqiqatın nəticələri məlum olub. BakuCity.az xəbər verir ki, bu barədə Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının tibb elmləri doktoru Nuran Abdullayev məlumat verib. Nuran Abdullayevin sözlərinə görə, virusun ürəkdə yaratdığı problemlərlə bağlı müxtəlif elmi tədqiqatlar aparılsa da, son günlər bununla bağlı çox vacib məqamlara toxunulan el...
Cəmiyyət
Bu gündən etibarən AZAL-ın Bakı-Naxçıvan marşrutu üzrə reyslərinə aviabilet satışı yeni üsulla həyata keçiriləcək. BakuCity.az xəbər verir ki, bununla bağlı “Azərbaycan Hava Yolları” QSC-nin Mətbuat xidmətindən məlumat verilib, bu istiqamətdə uçuşlara tələbatın yüksək olduğunu və pandemiya dövründə uçuşların sayının məhdud olduğunu nəzərə alaraq, qeyd edilən marşrut üzrə aviabilet satışı növbəlilik prinsipi əsasında həyata keçiriləcək. Növbəyə aşağıdakı ik...