Bakıda “Torpaq uğrunda ölən varsa vətəndir” adlı rəsm sərgisi açılıb - FOTO

Bakıda “Torpaq uğrunda ölən varsa vətəndir” adlı rəsm sərgisi açılıb - FOTO

Sərgi Qarabağa, Aprel döyüşlərinə həsr olunub

Bakucity.az xəbər verir ki, martın 30-da Gəncliyə Yardım Fondunda (GYF) “Torpaq uğrunda ölən varsa vətəndir” adlı rəsm sərgisi açılıb.

Tədbirdə 50 rəssamın təsviri sənətin müxtəlif növlərini əhatə edən 100-ə yaxın əsəri nümayiş olunub.

Qarabağa, Aprel döyüşlərinə həsr olunan sərgi GYF, Azərbaycan Rəssamlar İttifaqı və “Tərxis Olunmuş Hərbçilərin Gəncləri Maarifləndirmə” İctimai Birliyinin (İB) dəstəyi ilə reallaşıb.

Sərginin layihə rəhbəri Elnurə İsgəndərova, təşkilatçısı isə Aygün İsgəndərovadır.

Əvvəlcə Qarabağ uğrunda döyüşlərdə həlak olan şəhidlərin ruhu bir dəqiqəlik sükutla yad edilib.

İB-nin sədri Emin Həsənli tədbirin əhəmiyyətindən söz açıb:

“Üç il bundan əvvəl baş verən Aprel döyüşləri sübut etdi ki, Azərbaycan xalqı bu işğalla heç vaxt barışmayacaq. Azərbaycanda yeni nəsil yetişib və düşmən tapdağı altında olan torpaqlarımızı tezliklə işğaldan azad edəcəyik. Biz belə sərgiləri Xocalıda, Şuşada, Xankəndində və işğal olunmuş bütün ərazilərimizdə keçirəcəyik”.

Sərginin önəmindən danışan GYF-nin prezidenti Əhməd Tecin bu gün həm də 31 mart şəhidlərimizi yad edirik deyə bildirib:

"Aprel hadisələri bir daha onu göstərdi ki, Azərbaycan ordusu istənilən vaxt öz torpaqlarını işğaldan azad etməyə qadirdir. İnanırıq ki, ürəyində vətən, torpaq sevgisi olan gənclər Qarabağda üç rəngli bayrağımızı dalğalandıracaqlar".

Daha sonra sərgiyə baxış olub.

Sərgidə Qarabağ qazisi, rəssam Əliyusif Pənahovun rəsmləri diqqəti daha çox cəlb edib. Onun “Çingiz Mustafayev” və “Zəhra” əsərləri iştirakçıları rəsmlərin önündə ayaq saxlamağa vadar edib.

Sonda sərgidə əsərləri nümayiş olunan rəssamlara təşkilatçılar tərəfindən diplomlar təqdim edilib.

Bakıda “Torpaq uğrunda ölən varsa vətəndir” adlı rəsm sərgisi açılıb - FOTO, fotoşəkil-1 Bakıda “Torpaq uğrunda ölən varsa vətəndir” adlı rəsm sərgisi açılıb - FOTO, fotoşəkil-2 Bakıda “Torpaq uğrunda ölən varsa vətəndir” adlı rəsm sərgisi açılıb - FOTO, fotoşəkil-3 Bakıda “Torpaq uğrunda ölən varsa vətəndir” adlı rəsm sərgisi açılıb - FOTO, fotoşəkil-4 Bakıda “Torpaq uğrunda ölən varsa vətəndir” adlı rəsm sərgisi açılıb - FOTO, fotoşəkil-5 Bakıda “Torpaq uğrunda ölən varsa vətəndir” adlı rəsm sərgisi açılıb - FOTO, fotoşəkil-6 Bakıda “Torpaq uğrunda ölən varsa vətəndir” adlı rəsm sərgisi açılıb - FOTO, fotoşəkil-7 Bakıda “Torpaq uğrunda ölən varsa vətəndir” adlı rəsm sərgisi açılıb - FOTO, fotoşəkil-8 Bakıda “Torpaq uğrunda ölən varsa vətəndir” adlı rəsm sərgisi açılıb - FOTO, fotoşəkil-9 Bakıda “Torpaq uğrunda ölən varsa vətəndir” adlı rəsm sərgisi açılıb - FOTO, fotoşəkil-10

Bakucity.az

sərgi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər