Bakıdan Batumiyə birbaşa uçuşlar bu tarixədək davam edəcək

Bakıdan Batumiyə birbaşa uçuşlar bu tarixədək davam edəcək, Javid

"Buta Airways" Batumi stiqaməti üzrə uçuşlar həyata keçirəcək.

Bakucity.az xəbər verir ki, AZAL-ın aşağıbüdcəli "Buta Airways" aviaşirkəti Bakı-Batumi-Bakı istiqaməti üzrə uçuşlar həyata keçirəcək.

Gürcüstanın Mülki Aviasiya Agentliyi şirkətə müvafiq icazə verib.

Bakı-Batumi-Bakı istiqaməti üzrə mütəmadi reyslər iyunun 14-dən sentyabr ayının 13-nə qədər yerinə yetiriləcək. Uçuşlar cümə və bazar günü olmaqla həftədə 2 dəfə, Embraer E190, Airbus A319 və A320 tipli təyyarələrlə həyata keçiriləcək.

Batumi loukosterin Gürcüstanda ikinci istiqaməti olacaq. Belə ki, aviaşirkət artıq Bakıdan Tbilisiyə müntəzəm reyslər yerinə yetirir.

Batumi Tbilisidən sonra Gürcüstanın məşhurluğuna görə ikinci turist şəhəridir. O, Qara dənizin şərq sahilində, Türkiyə ilə sərhədə yaxın yerləşir. Batumi sahil boyu bulvarı ilə məşhurdur. 

Bakucity.az

"Buta Airways"
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər