Bakıda Frankofoniya həftələri çərçivəsində film nümayiş olunacaq

Bakıda Frankofoniya həftələri çərçivəsində film nümayiş olunacaq

Film 2015-ci ildə Alain Gsponer tərəfindən lentə alınıb

Bakucity.az xəbər verir ki, aprelin 4-də “Park Cinema”da İsveçrənin məşhur “Haydi” filmi nümayiş olunacaq.

Filmin nümayişi Frankofoniya həftələri çərçivəsində İsveçrənin ölkəmizdəki səfirliyinin təşkilatçılığı ilə reallaşacaq. Film İsveçrə almancasında Azərbaycan və rus subtitrləri ilə təqdim ediləcək.

Ekran əsəri 5 yaşlı yetim Haydi haqqındadır. O, babası ilə İsveçrə dağlarında yaşayır. Lakin xalası Dete onu xəstə və çətin xasiyyəti olan qızı Klaraya baxmaq üçün Frankfurta götürür və o gündən Haydinin xoşbəxt anları bitir. Haydi həmin andan bir məqsədlə yaşayır: geri babasının yanına dönmək. Film 1880-ci ildə Johanna Spyrinin yazdığı dünya şöhrətli “Haydi hekayəsi”nin əsasında 2015-ci ildə Alain Gsponer tərəfindən lentə alınıb.

Aprelin 15-dək davam edəcək Frankofoniya həftələri 11 Avropa dövlətinin ölkəmizdəki səfirliyinin təşkilatçılığı ilə reallaşır.

Bakucity.az

film nümayişi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər