Bakıda fərqli inkişaf özəllikləri olan uşaqlara həsr olunan konqres keçiriləcək

Bakıda fərqli inkişaf özəllikləri olan uşaqlara həsr olunan konqres keçiriləcək

Tədbirdə 4 panel təqdim olunacaq 

Bakucity.az xəbər verir ki, aprelin 6-da Heydər Əliyev Mərkəzində fərqli inkişaf özəllikləri olan uşaqlara həsr olunan 1-ci “Fərqli Fərdlər” konqresi keçiriləcək.

Konqresin məqsədi ictimaiyyətin diqqətini fərqli özəllikləri olan uşaqların inkişafına və təlim-tərbiyəsinə yönəldərək valideynlər, mütəxəssislər və pedaqoqlar arasında dialoq qurmaq və inklüziv cəmiyyətin dövlət tərəfindən müəyyənləşdirilmiş inkişaf təmayülünü dəstəkləməkdir.

Tədbirdə Autizm spektr pozuntusu, Diqqət çatışmazlığı və Hiper-aktivlik sindromu, Turet sindromu və Daun sindromu olmaqla 4 panel təqdim olunacaq. 

Valideynlərin emosional tükənməsi və bunu aradan qaldırma üsulları mövzusuna isə konqres çərçivəsində ayrı panel həsr olunacaq.

Konqresdə dövlət strukturları, müəllimlər, həkimlər və fərqli inkişaf özəllikləri olan insanlar ilə iş üzrə mütəxəssislər iştirak edəcəklər. 

Həmçinin konqresdə Autizm spektr pozuntusu olan şəxslərə dəstək mərkəzinin (Rusiya) rəhbəri Antonina Steynberq özü haqqımda danışacaq, özünü dəstəkləmək / təşviq etmək bacarığı və Autizm spektr pozuntusu olan fərdlərin sosiallaşması mövzusunda çıxış edəcək. Konqresin xüsusi qonağı qismində daun sindromlu inklüziv teatr studiyasının aktyoru Vlad Sanotskiy çıxış edəcək.

Fərqli inkişaf özəllikləri olan uşaqlara həsr edilən 1-ci “Fərqli Fərdlər” konqresi Azərbaycan Respublikasının Təhsil Nazirliyi, Heydər Əliyev Fondunun, Heydər Əliyev Mərkəzinin, İcbari Tibbi Sığorta üzrə Dövlət Agentliyinin, Azərbaycan Respublikasının Ailə, Qadın və Uşaq problemləri üzrə Dövlət komitəsinin və Azərbaycan Respublikasının Kiçik və Orta Biznesin İnkişafı Agentliyinin dəstəyi ilə keçiriləcək.

Arzu edən könüllülər tədbiri dəstəkləyə bilər. Bütün maraqlanan şəxs və şirkətlər tərəfdaşlığa dəvət edilir ([email protected]; [email protected]). 

Konqresin təşkilatçıları “CEO” şirkəti, Edutainment.az təhsil strukturu və Famtram.az ailə portalıdır.

Qeyd edək ki, aprel ayı ənənəvi olaraq bütün dünyada autizm barədə məlumatlandırma işlərinə həsr olunur. 

Bakıda fərqli inkişaf özəllikləri olan uşaqlara həsr olunan konqres keçiriləcək, fotoşəkil-1

Bakucity.az

konqres
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər