Bakıda şagirdi intihar edən məktəbin direktoru haqda yeni faktlar var

Bakıda şagirdi intihar edən məktəbin direktoru haqda yeni faktlar var

Sevin Abbasova ilə məcburi köçkün ailəsi arasında qalmaqal yaşanıb

Bakucity.az xəbər verir ki, Bakıda şagirdi intihar edən 162 saylı məktəbin direktoru Sevin Abbasova ilə bağlı yeni faktlar üzə çıxıb.

Buta.media-nın məlumatına görə, intihar edən şagirdə "pozğun ailənin uşağı" deyən direktorla bağlı bundan öncə də şikayətlər olub.

Məlumata görə 2019-cu ilin fevral aynda Sevin Abbasova ilə məcburi köçkün ailəsi arasında qalmaqal yaşanıb. S. Abbasova həmin məktəbdə oxuyan məcburi köçkün Səbahət Mehdiyevanın övladını 9-ci sinif şagirdini mütəmadi olaraq təhqir edib.

Bu səfər də direktor əxlaq normalarını ortaya gətirərək məktəbli qıza bildirib ki, "bəs sən niyə oğlanla bir yerdə oturursan?". 

S. Mehdiyeva məktəb direktorundan şikayət edərək bildirib ki, S. Abbasova onun qızını məktəbdən qovmaq istəyib:

"Qızım əlaçıdır, şərəf lövhəsində də fotosu var. Həmin sinifdəki iyirmi uşağın hamısını direktor gözümçıxdıya salmışdı. Qayınatam Təhsil Nazirliyinə zəng vurdu. Bundan sonra direktor bizimlə düşmən oldu.

Bundan əvvəl də beşinci sinifdə oxuyan oğlumun sənədləri üstümə tullamışdı. Demişdi sən məcburi köçkünsən, apar uşağın məcburi köçkün məktəbində oxusun, burada oxumağa haqqı çatmır. Mən də uşaqlarımı aparıb Zəngilan məktəbinə qoydum".

Xatırladaq ki, bir neçə gün əvvəl məktəbin səkkizinci sinif şagirdi Elina Hacıyeva məktəbin üçüncü mərtəbəsindən özünü atıb. O, yaralı halda xəstəxanaya çatdırılıb. Bir neçə gün sonra isə vəfat edib. 

Onun məktəbdə şagirdlərin təzyiqi ilə üzləşdiyi, bu səbəbdən də özünü əvvəlcə dərman içərək, daha sonra isə pəncərədən ataraq öldürmək istədiyi qeyd edilir.

Faktla bağlı Azərbaycan Cinayət Məcəlləsinin 125-ci maddəsi (özünü intihar həddinə çatdırma) üzrə cinayət işi açılıb.

Bakucity.az

direktor
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər