Bakıda yanmış ticarət mərkəzində anbarların qapıları açıldı

Bakıda yanmış ticarət mərkəzində anbarların qapıları açıldı

Bu barədə "Günün nəbzi" verlişində danışılıb

Bakucity.az xəbər verir ki, "Diqlas” Ticarət Mərkəzində sahibkarların iştirakı ilə yanmamış anbarların açılmasına başlanılıb”.

Bu barədə "Günün nəbzi” (AzTV) verilişinə müsahibəsində Azərbaycanın iqtisadiyyat naziri Şahin Mustafayev bildirib.

Ş.Mustafayev prosesin dünəndən etibarən başlanıldığını deyib:

"Binanın uçması ilə bağlı ehtimallar var idi deyə anbarlar açılmırdı. Hazırda sahibkarlar anbarlarda yararlı olan malları götürüb yeni mağazalara aparırlar”.

Bakının Nizami rayonu, Qara Qarayev küçəsi, 81Q ünvanında yerləşən ticarət mərkəzində fəaliyyət göstərən və 2019-cu il martın 26-da həmin ticarət mərkəzində baş vermiş yanğın nəticəsində zərər çəkmiş sahibkarlara maddi yardım göstərilməsi məqsədi ilə 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan İqtisadiyyat Nazirliyinə ilkin olaraq 3 milyon manat ayrılıb.

İqtisadiyyat Nazirliyi tərəfindən ticarət mərkəzləri ilə aparılmış danışıqların nəticəsində əldə olunmuş razılaşmaya əsasən, ticarət mərkəzində baş vermiş yanğında zərər çəkən sahibkarlara 5 ay icarə haqqı ödənilməmək şərti ilə 8 ticarət mərkəzi təklif olunub.

Bakucity.az

"Diqlas"
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər