Bakıda yanan “Diqlas”da bu qədər sahibkarın malı çıxarılıb

Bakıda yanan “Diqlas”da bu qədər sahibkarın malı çıxarılıb

Çıxarılanlar aktlaşdırılır, zərər dəymiş mallar isə...

Bakucity.az xəbər verir ki, yanğın baş verən “Diqlas” ticarət mərkəzindən 86 sahibkarın malları artıq çıxarılıb.

Bununla bağlı hadisə yerində olan iqtisadiyyat nazirinin müavini Sahib Məmmədov məlumat verərək qeyd edib ki, artıq 3 gündür köç prosesi başlayıb:

“Bildiyiniz kimi, yanğın hadisəsi Prezident İlham Əliyevin və Birinci vitse-prezident Mehriban Əliyeva tərəfindən nəzarətə saxlanılır. İndiyə qədər 86 sahibkarın malları çıxarılıb və proses davam edir. Hər bir çıxan mal aktlaşdırılır, yararlı mallar akt əsasında sahibkara təqdim olunur, zərər dəymiş mallar isə xüsusi ayrılmış anbara göndərilərək qiyməti dəqiqləşdirilir".

Nazir müavininin sözlərinə görə, malların daşınması üçün bütün qüvvələr səfərbər olunub:

"Sahibkarlara nəqliyyat vasitələri ayrılıb və Fövqəladə Hallar Nazirliyinin əməkdaşları cəlb olunublar”.

Ticarət mərkəzinin söküntüsü ilə bağlı qərar isə yaxın vaxtda ictimaiyyətə açıqlanacaq.

Bakucity.az

"Diqlas"
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər