Bakıda havanı çirkləndirən şadlıq sarayları bunlardır - SİYAHI

Bakıda havanı çirkləndirən şadlıq sarayları bunlardır - SİYAHI

Siyahını Milli Monitorinq Departamentinin direktoru təqdim edib

Bakucity.az xəbər verir ki, ictimai-iaşə obyektlərində aparılan monitorinqlər nəticəsində paytaxtda fəaliyyət göstərən restoran və şadlıq saraylarının 90%-də təmizləyici qurğular quraşdırılıb.

Bununla bağlı jurnalistlərə açıqlamasında ETSN-nin Ətraf Mühit üzrə Milli Monitorinq Departamentinin direktor müavini Anar Tağıyev məlumat verib: 

"Ölkədə ekoloji vəziyyətin yaxşılaşdırılması istiqamətində Ekologiya Nazirliyi tərəfindən görülən tədbirlərin tərkib hissəsindən biri havaya atılan tullantıların azaldılması və normalara cavab verməsidir. Amma bəzi şadlıq sarayları və restoranlardan havaya  tüstünün, iy-qoxunun yenidən yayılması ilə bağlı ETSN-yə şikayətlər daxil olduğundan tərəfimizdən təkrar monitorinqlərə başlanılıb. Keçirilən monitorinqlər zamanı təmizləyici qurğuların filtrlərinin vaxtaşırı təmizlənmədiyi səbəbindən 31 obyektdən havaya yenə də normadan artıq tullantıların atıldığı məlum olub. 

Bunlar “Real”, “Golden Ring”, “Sonalar Sonası”, “Milord”, “Həyat”, “Cənnət”, “Flaminqo”, “Qızıl Buta”, “Madonna”, “Afrodita”, “Oazis”, “Qızıl Tac”, “Gold Palace”, “Niel”, “İdeal”, “Şəhanə” və digər şadlıq saraylarıdır. Onların sahiblərinə çirklənmiş filtrlərin vaxtlı-vaxtında dəyişdirilməsi barədə göstərişlər verilib.  Araşdırma və monitorinqlər davam etdirilir”.

Anar Tağıyev bildirib ki, təmizləyici qurğular quraşdırıldıqdan sonra onlara davamlı texniki xidmət göstərilməli, filtrlər vaxtaşırı dəyişdirilməli, verilən göstərişlər yerinə yetirilməlidir:

“Ümumiyyətlə, havanı çirkləndirən amillərə qarşı ciddi mübarizə aparılması qarşımıza mühüm vəzifə kimi qoyulub və bundan sonra da bu istiqamətdə Nazirlik tərəfindən lazımi və sərt tədbirlər görüləcək”.

Bakucity.az

restoranlar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər