Bakı finalının iddiaçıları 1/4 finalda qüvvəsini sınayacaq

Bakı finalının iddiaçıları 1/4 finalda qüvvəsini sınayacaq

Sabah Avropa Liqasında 1/4 final mərhələsinə start veriləcək

Bakucity.az xəbər verir ki, final qarşılaşması mayın 29-da Bakıda keçiriləcək turnirin ilk oyunları çərçivəsində 4 qarşılaşma baş tutacaq.

İspaniyada bu ölkənin 2 təmsilçisi qarşılaşacaq. La Liqa klubları “Vilyarreal”la “Valensiya” bu dəfə daxili arenada deyil, avrokubok səviyyəsində görüşəcək.

İspaniya kimi, İngiltərənin də 2 təmsilçisi bu raundda mübarizə aparacaq. Fərqli rəqiblərlə qarşılaşacaq London klublarından biri evdə, digəri səfərdə qüvvəsini sınayacaq.

“Arsenal” İtaliyanın “Napoli” klubunu sınağa çəkəcək. “Çelsi” isə Çexiyada qonaq olacaq. “Zadəganlar” bu mərhələyə çıxmaqla sensasiyaya imza atan “Slaviya” ilə görüşəcəklər.

“Benfika” Portuqaliyada “Ayntraxt”ı qəbul edəcək. Cari mövsüm iddialı olması ilə diqqət çəkən frankfurtlular titula gedən yolda növbəti addımı atmağa çalışacaqlar.

Cavab oyunları isə aprelin 18-də baş tutacaq.

Avropa Liqası

1/4 final, ilk oyunlar

11 aprel

23:00. “Arsenal” (İngiltərə) – “Napoli” (İtaliya)

Baş hakim: Alberto Undiano Mallenko (İspaniya)

London. “Emireyts” stadionu

23:00. “Vilyarreal” (İspaniya) – “Valensiya” (İspaniya)

Baş hakim: Maykl Oliver (İngiltərə)

Vilyareal. Estadio de la Seramika

23:00. “Benfika” (Portuqaliya) – “Ayntraxt” (Almaniya)

Baş hakim: Antoni Teylor (İngiltərə)

Lissabon. “Benfika” stadionu

23:00. “Slaviya” (Çexiya) – “Çelsi” (İngiltərə)

Baş hakim: Feliks Zvayer (Almaniya)

Praqa. “Sinobo” stadionu

Bakucity.az

futbol
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər