Bakıda müəllimin döydüyü məktəbli ilə bağlı təfərrüatlar üzə çıxdı

Bakıda müəllimin döydüyü məktəbli ilə bağlı təfərrüatlar üzə çıxdı

"Şagirdin məktəbdə müəllim tərəfindən döyüldüyü deyilir, amma"...

Bakucity.az xəbər verir ki, Bakıda müəllim tərəfindən döyüldüyü deyilən 12 yaşlı məktəbli ilə bağlı yeni təfərrüatlar üzə çıxıb.

Şagirdin yerləşdirildiyi Klinik Tibbi Mərkəzdən verilən məlumata görə, məktəbli döyülmə faktını təkzib edir:

“Şagirdin məktəbdə müəllim tərəfindən döyüldüyü deyilir. Amma uşaq bizə döyülmədiyini, yıxılaraq, xəsarət aldığını deyib. Biz əlaqədar qurumlara məlumat vermişik, işi hüquq-mühafizə orqanları araşdıracaq”.

Xəstəxanadan onu da bildirdilər ki, uşaq hazırda müayinə olunur:

“Şagird tamamilə müayinə olunduqdan sonra diaqnoz qoyulacaq. O, baş və bədəninin digər nahiyələrindən xəsarətlər alıb. Müayinə bitməmiş dəqiq heç nə deyə bilmərik”.

Qeyd edək ki, hadisə paytaxtın Qaradağ rayonu Qobustan qəsəbəsində yerləşən 321 nömrəli məktəbdə baş verib. Yenicag.az

Bakucity.az

məktəbli
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər