Bakıda quşçuluq müəssisəsindən oğurluq edən gözətçi tutuldu - VİDEO

Bakıda quşçuluq müəssisəsindən oğurluq edən gözətçi tutuldu - VİDEO

Toyuq və toyuq məhsulları naməlum şəraitdə oğurlanıb

Bakucity.az xəbər verir ki, paytaxtın Suraxanı rayonu, Hövsan qəsəbəsindəki quşçuluq müəssisələrinin birindən oğurluq olub.

Zərərçəkən Suraxanı Rayon Polis İdarəsi 30-cu Polis Şöbəsinə bildirib ki, bu ilin yanvar-aprel ayları ərzində müəssisədən külli miqdarda toyuq və toyuq məhsulları naməlum şəraitdə oğurlanıb.

DİN-in mətbuat xidmətindən verilən xəbərə görə, hadisə ilə bağlı əməliyyat-istintaq qrupu yaradılıb və hadisə yerinə baxış keçirilib.

Suraxanı RPİ 30-cu Polis Şöbəsi əməkdaşları tərəfindən keçirilən təxirəsalınmaz əməliyyat nəticəsində qeyd edilən cinayəti törətməkdə şübhəli bilinən həmin müəssisənin gözətçisi, paytaxt sakini Elşad Ağayev saxlanılıb və gecə növbəsində olan zaman dəfələrlə müəssisənin anbarından toyuq və toyuq məhsulları oğurladığını etiraf edib.

Araşdırma zamanı E.Ağayevin oğurladığı məhsulları paytaxt ərazisində yerləşən bir neçə mağazaya ucuz qiymətə satdığı aşkarlanıb. "ONA"

Bakucity.az

oğurluq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər