Bakıda aptekdən oğurluq edənlər tutuldu - FOTO

Bakıda aptekdən oğurluq edənlər tutuldu - FOTO, Javid

Bakıda aptekdən oğurluq edən şəxslər yaxalanıb

Bakucity.az xəbər verir ki, paytaxtın Nərimanov rayonu, Y.V.Çəmənzəminli küçəsində yerləşən aptekdən oğurluq edilib. 

Daxili İşlər Nazirliyindən verilən məlumata görə, naməlum şəxs aptekdə olan seyfləri qıraraq, oradakı külli miqdarda pulu aparıb. 

Nərimanov Rayon Polis İdarəsi və 16-cı Polis Bölməsinin əməkdaşlarının keçirdikləri əməliyyat-axtarış tədbiri nəticəsində cinayəti törətməkdə təqsirli bilinən şəxslər yaxalanıb. Onlar Biləsuvar rayon sakinləri Əli İsmayılov, Amil Məmmədli və Siyəzən rayon sakini Çingiz Xankişiyevdir.

Araşdırma zamanı müəyyən olunub ki, dəstə üzvlərindən ikisi - Ə.İsmayılov və Ç.Xankişiyev müxtəlif vaxtlarda həmin aptekdə əczaçı işləyiblər və seyfin yeri barədə əvvəlcədən məlumatlı olublar.

Həmin şəxslər iş yerlərini dəyişəndən sonra aptekdən oğurluq etmək üçün xüsusi plan hazırlayıblar. Bu məqsədlə Ə.İsmayılov Ç.Xankişiyevi həmyerlisi A.Məmmədli ilə tanış edib.

Əldə olunan razılığa əsasən hadisə günü A.Məmmədli aptekə obyektin dam hissəsini kəsərək əvvəlcə  anbara, daha sonra isə seyfin saxlanıldığı otağa daxil olub.

Burada o, özü ilə gətirdiyi kəsici alətlərlə seyfləri qıraraq içindəki pulları ələ keçirib. A.Məmmədlinin aptekə daxil olma anı obyektin müşahidə kameraları vasitəsilə lentə alınıb. 

Hadisədən sonra A.Məmmədli özü ilə gətirdiyi kəsici alətləri aptekdə qoyaraq hadisə yerindən uzaqlaşıb.

Daha sonra dəstə üzvləri Ç.Xankişiyevin yaşadığı mənzildə görüşərək pulu aralarında bölüblər. Dəstə üzvlərinin yaşadıqları evə baxış zamanı oğurlanan pulların bir hissəsi polislər tərəfindən aşkar olunaraq maddi sübut kimi götürülüb. 

Faktla bağlı cinayət işi başlanılıb və həbs qətimkan tədbiri seçilib.  

Bakucity.az

Bakıda oğurluq hadisəsi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər