Qran Prinin qaliblərinə Bakıda nə qədər pul veriləcək?

Qran Prinin qaliblərinə Bakıda nə qədər pul veriləcək?, Oral Aliyev

Bakıda keçiriləcək paracüdo üzrə Qran-Prinin mükafat fondu bilinib.

Bakucity.az xəbər verir ki, yarışın mükafat fondu 27 min 300 dollardır.

Belə ki, birinci yer tutan idmançıya qızıl medal, diplom və 1000 dollar, ikinci yerin sahibinə gümüş medal, diplom və 500 dollar veriləcək.  Üçüncü pilləni tutan iki idmançının isə hər biri bir bürünc medal, diplom və 300 dollar alacaq.

Tokio Paralimpiya Oyunlarına lisenziya verən yarışda qadınlar altı çəki dərəcəsi (-48, -52, -57, -63, -70, +70 kq) üzrə yarışacaq. Kişilər isə yeddi çəki dərəcəsində (-60, -66, -73, -81, -90, -100 və +100 kq) mübarizə aparacaq.

Beləliklə, 13 çəki dərəcəsi üzrə qaliblərə 13 min dollar veriləcək. 13 gümüş medalçıya isə ümumilikdə 6500 dollar təqdim ediləcək. Cüdo və paracüdo yarışlarında iki bürünc medalçı olduğunu, 26 qalibin hər birinə 300 dollar verildiyini nəzərə alsaq, bu rəqəm 7800 dollar edir. (Oxu.az)

Bakucity.az

Qran Prinin qalibləri
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər