Bakıda lombardda dələduzluq baş verib

Bakıda lombardda dələduzluq baş verib, Oral Aliyev

Lombardlardan birində inanılmaz fırıldaqçılıq baş verib.

Bakucity.az xəbər verir ki, Bakıda fəaliyyət göstərən lombardlardan birinin rəhbəri  dəlduzluqla üzləşdiyi haqda Yasamal rayon Polis İdarəsində müracət edib. 

Rayon polisi Moskva prospektində yerləşən lombardın hüquqşünası Vüsal Məmmədovdan daxil olan şikayəti araşdırır.

Şikayət ərizəsinə əsasən, bir neçə gün əvvəl 60 yaşlı Bakı sakini Tofiq İsmayıl adlı sakin lombarda gəlib. O, 19 qızıl külçəsi girov qoyaraq, 41 363 manat məbləğində borc götürüb. Qızıl külçələrin hərtərəfli araşdırılmasından sonra onların heç də qızıldan olmadığı məlum olub. Metal külçələr, sadəcə, qızıl suyuna salınıb.

Hələlik fakt üzrə heç kəs saxlanılmayıb, müsadirə olunmuş külçələr ekspertizaya təqdim olunub.

“Qaydalara görə, lombardda peşəkar zərgər işləməlidir, qiymətli əşyaların qəbuluna görə cavabdeh olmalıdır. İndiki halda belə bir mütəxəssis olsaydı, fırıldaqçının bu əməli də baş tutmazdı. Ancaq çox vaxt görürük ki, biznesmenlər öz yanlarına peşəkarlıqdan anlayışı olmayan qohumlarını və tanışlarını işə götürür”, - deyə polis bölməsindən bildiriblər.

Bakucity.az

Bakıda fırıldaqçılıq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər