Bakıdakı bu məktəbdə tədris dayandırılıb

Bakıdakı bu məktəbdə tədris dayandırılıb, Oral Aliyev

Şagirdlərə aprelin 30-na qədər istirahət verilib.

Bakucity.az xəbər verir ki, "Formula-1" üzrə Azərbaycan Qran-prisi ilə əlaqədar T.İsmayılov adına 6 nömrəli məktəb-liseydə dərslər dayandırılıb. Bu barədə məktəbdən bildirilib:

"Yolların bağlanılması ilə əlaqədar olaraq, artıq aprelin 22-dən şagirdlərin dərsə gəlməsində məhdudiyyətlər yaranıb. Aprelin 30-na qədər yolların bağlı olması səbəbindən şagirdlər məktəbə gəlməkdə çətinlik çəkirlər deyə dərslərdə iştirak edə bilməyəcəklər. Amma onların bu müddət ərzində keçmədikləri dərslər mayın əvvəlindən hissə-hissə tədris olunacaq. Müəllimlər isə hər gün işə gəlirlər”.

132-134 nömrəli təhsil kompleksindən isə bildirilib ki, məktəbin binası Yarışların hərəkət sxeminə aid olan küçədə yerləşməsinə baxmayaraq, dərslər dayandırılmayıb:

"Hətta aprelin 26-sı saat 13:00-dək şagirdlərin dərsə gəlmələri üçün valideynlərə müraciət edilib”.

Qeyd edək ki, "Formula 1” üzrə Azərbaycan Qran-prisi 26-28 apreldə keçiriləcək. (Azxəbər.com)

Bakucity.az 

Bakı məktəbləri
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər