Bakı sakini həyat yoldaşını bıçaqlayıb, özünü dənizə atıb

Bakı sakini həyat yoldaşını bıçaqlayıb, özünü dənizə atıb, Oral Aliyev

Paytaxtın Xəzər rayonunda ailə dramı yaşanıb.

Bakucity.az xəbər verir ki, aprelin 23-də saat 11:25 radələrində Mərdəkan qəsəbəsində 37 yaşlı Dədəcanov Natiq İlham oğlu münaqişə zəminində həyat yoldaşı Dədəcanova Vüsalə Tofiq qızına iki bıçaq zərbəsi vurub.

Nəticədə qadın 3 saylı Şəhər Kliniki Xəstəxanasına yerləşdirilib. Onun vəziyyəti ağır kimi qiymətləndirilir.

Hadisədən sonra Natiq Dədəcanov Səbail rayonunda Dəniz Vağzalı ərazisində intihara cəhd edib. N.Dədəcanovu Su nəqliyyatında polis idarəsinin əməkdaşları xilas ediblər.

O, ilkin izahatında bildirib ki, hadisə zamanı affekt halında olub və çox peşmandır.

Faktla bağlı cinayət işi açılıb, araşdırma aparılır. (Oxu.az)

Bakucity.az 

Bakıda ailə dramı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər