Təşkilatçılar "Jara" pərəstişkarları üçün sürprizlər edəcək.
Bakucity.az xəbər verir ki, "Jara" Beynəlxalq Musiqi Festivalının proqramında yeniliklər olacaq. Bu barədə təşkilatçı festivalın rəsmi “İnstagram” səhifəsində elan verib:
“Böyük məmnuniyyətlə festivalın yenilənmiş proqramını təqdim edirik! Daha çox sevilən sənətçilər -bütün dövrlərin hitləri və bütün bunlar - 4 ən isti iyul günləri üçün nəzərdə tutulub. Diqqətinizə çatdırırıq ki, sənətçilərin siyahısı hələ tamamlanmayıb”.
Xatırladaq ki, festivalın açılışı iyulun 25-də “Sea Breeze” otelində keçiriləcək. Həmin gün böyük bir qala-konsert reallaşacaq. Festivalda məşhurlardan Filipp Kirkorov, EMIN, A`studio, Qriqori Leps, Bosson, Qlikoza, Sergey Lazarev, Lolita, Mozgi, NK, Monatik, Vremya i Steklo, Zivert, Maks Barski, Artik & Asti, Rita Dakotta, BURİTO, Olqa Buzova olacaq.
Festivalın tamaşaçıları və qonaqları iyulun 26-da 90-cı illərin ən sevilən hitlərini dinləyəcəklər. Bundan əlavə, “Lube” qrupunun yaradıcılıq gecəsi keçiriləcəkdir. Gecədə EMIN, Filipp Kirkorov, Qriqori Leps, Sergey Lazarev, Nataşa Karaleva, Viktoriya Dayneko, Lyubov Uspenskaya, Aleksandr Buynov, Layma Vaykule, Artik & Asti, Slava, Alen Apina, “Ruki Verx”, “Na-Na”, “Fabrika”, “Diskoteka Avariya” çıxış edəcəklər.
İyulun 27-də 2000-ci illərin musiqi pərəstişkarı üçün Qriqori Leps və Stas Mixaylovun konserti olacaq. Onlar səhnədə EMIN, Slava, Lyubov Uspenskaya, Vladimr Kuzmin, Aleksandr Panayotov, BrandonStone, Jasmin, “Ruki Verx”, “Novıe Samosvetı” tərəfindən dəstəklənəcəkdir.
İyulun 28-də festivalın bağlanışında "Pakaleniya Z" konsert verəcək. Gecənin axınında EMIN, Qriqori Leps, Timati, LOBODA, Nyuşa, HammAli & Navai, Rauf & Faik, Mari Kraymberi, “Djiqan”, Zomb, Lyubov Uspenskaya, GYGO bütün hitlərini səsləndirəcəklər.
Təşkilatçılar qeyd edir ki, sənətçilərin siyahısı hələ tamamlanmayıb və bu da “Jara” pərəstişkarlarını daha çox sürprizlər gözləyir deməkdir.
Züleyxa İsmayılıova
Bakucity.az
