Bakı Şəhər Halqası: Birinci sərbəst yürüş ləğv olunub

Bakı Şəhər Halqası: Birinci sərbəst yürüş ləğv olunub

Bakı Şəhər Halqası qəza ilə bağlı açıqlama yayıb.

Bakucity.az xəbər verir ki,“Formula-1” bolidlərinin birinci sərbəst yürüş sessiyasının lyuk qapağının yerindən tərpənməsi nəticəsində ləğv olunduğu qeyd olunub:

“Əvvəlcədən görülmüş bütün təhlükəsizlik və nizamlayıcı tədbirlərə baxmayaraq, sözügedən hadisənin yaranmasına əsas səbəb lyuk altlığında üstdən görünməyəcək şəkildə nasazlığın olmasıdır. 

Hazırda Beynəlxalq Avtomobil Federasiyası (FİA) ilə birlikdə həmin lyukun təhlükəsiz şəkildə əvəz olunması və trekdə olan bütün digər lyukların növbəti yarış sessiyasına qədər bir daha yoxlanılması istiqamətində işləyirik. Pilotların təhlükəsizliyi bizim üçün hər zaman ən ümdə və ən yüksək məsələdir. 

Trekdə olan 300-dən çox lyukun təkrar yoxlanılması prosesi başa çatdıqdan dərhal sonra növbəti yarış sessiyasına start veriləcək”.

Qeyd edək ki, lyukların yoxlanılmasına görə “Formula-2”nin 15:00-a nəzərdə tutulmuş sıralama turu gec başlayacaq.

Bakucity.az

Formual 1
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər