Bakıda qadınları qarət edən şəxs yaxalanıb

Bakıda qadınları qarət edən şəxs yaxalanıb , Oral Aliyev

Yasamal rayonunda qadına qarşı soyğunçuluq edilib.

Bakucity.az xəbər verir ki, polisə müraciət edən zərərçəkən Fazilə Zeynalova naməlum şəxsin onun içərəsində 120 manat və mobil telefon olan çantasının soyğunçuluq yolu ilə ələ keçirdiyini bildirib.

Polisin keçirdiyi təxirəsalınmaz əməliyyat tədbiri nəticəsində qeyd edilən hadisəni törətməkdə şübhəli bilinən Göygöl rayon sakini Arif Əliyev saxlanılıb. O, əvvəllər iki dəfə məhkum olunub.

Araşdırma zamanı onun Yasamal rayonu ərazisində Validə Vəliyevaya qarşı da soyğunçuluq edərək həmin şəxsin içərisində 200 manat olan əl çantasının aldığı məlum olub. Saxlanılan şəxs ifadəsində tərətdiyi cinayəti etiraf edib.

Faktla bağlı toplanan materiallar araşdırılması üçün Yasamalı Rayon Polis İdarəsinə göndərilib, istintaq tədbirləri davam etdirilir.

Qeyd edək ki, soyğunçuluq  etməkdə şübhəli bilinən bu şəxsin digər analoji cinayətlərdə iştirak etdiyini də istisna olunmur. Onun əməllərindən zərərçəkən başqa vətəndaşlar varsa, bu barədə Daxili işlər Nazirliyinin "102” Zəng Mərkəzinə,  Yasamal RPİ və ya 29-cu polis şöbəsinə müraciət edə bilərlər.

Bakucity.az 

Qadına qarşı soyğunçuluq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər