Bakılı tələbə ABŞ-da hakerlər marafonunda iştirak etdi - FOTO

Bakılı tələbə ABŞ-da hakerlər marafonunda iştirak etdi - FOTO

Səfər Azərbaycan Gənclər və İdman Nazirliyinin köməkliyi ilə təşkil olunub 

Bakucity.azxəbər verir ki, Azərbaycan Dövlət Mədəniyyət və İncəsənət Universitetinin Rəssamlıq fakültəsinin IV kurs tələbəsi Züleyxa İbad Boston Universitetində keçirilmiş qadınlar üçün “TechTogether Boston” hakatonunda iştirak edib.

“TechTogether Boston” dünyada qadınlar üçün təşkil olunan ən böyük hakatonlardan biridir. Forum iştirakçılarına öz ideyalarını 36 saat ərzində həyata keçirmələri üçün vaxt verilir. 

Layihənin təşkilatçılarının sözlərinə görə, qadınların öz arzularını reallığa çevirmələri üçün onlar lazım olan resurslarla 36 saat ərzində təmin olunurlar:

“Bunun üçün təkcə texnologiyaların həyəcanlandırıcı dünyasını öyrənmək həvəsi bəsdir. Hazırlığı olmayan bir çox insanda texnologiyalar dünyası ilə tanış olmağa həvəs oyandırmaq üçün inklüziv mühit yaratmağa, həmçinin özümüzün layihə və yenilikçi məhsullarımızın hazırlanması üçün biliklərimizdən istifadə etməyə çalışırıq". 

Qeyd edək ki, hakaton işləmçilərin forumudur. Proqram təminatının hazırlanması üzrə müxtəlif sahələrin mütəxəssisləri (proqramçılar, dizaynerlər, menecerlər) forum zamanı hər hansı bir problemin həlli üzərində birlikdə işləyirlər. Hakatonlar əsasən bir gündən bir həftəyədək davam edir. Bəzi hakatonlar maarifləndirmə və ya sosial məqsədlər üçün nəzərdə tutulub, amma əksər hallarda hakatonların vəzifəsi dolğun proqram təminatının hazırlanmasıdır. 

Termin 1999-cu ildə əmələ gəlib, 2000-ci illərin ortalarında isə hakatonlar Silisium vadisində geniş şəkildə yayılıb. ABŞ-da sənayenin praktiki olaraq bütün liderləri miqyaslı hakatonlar keçirirlər. Onları “Facebook”, “Google” və “TechCrunch” təşkil edirlər. 

2010-cu ildə “TechCrunch” hakatonlarından biri çərçivəsində yaradılmış “GroupMe” tətbiqi sonradan “Skype”a 85 milyon dollara satılıb. 

Hakatonlar bir qayda olaraq ümumi tanışlıq təqdimatı ilə başlayır, eləcə də toplanışların konkret məqsədləri səsləndirilir. Sonra iştirakçılar öz ideyalarını irəli sürürlər və komandalar təşkil edilir və onlar ümumi maraqlar, bacarıqlara uyğun formalaşdırılır. Daha sonra komandalar öz layihələri üzərində işləməyə başlayırlar. İş prosesi bir neçə saata və ya günədək uzana bilər.

Layihələr tədqiq olunduqdan sonra komandalar öz nailiyyət və nəticələrini təqdim edirlər. Adətən bütün bunlar yarışlar qismində təqdim olunur. Yarışda isə qalibləri müəyyənləşdirən və hədiyyələr verən münsiflər heyəti olur.

Bakılı tələbə ABŞ-da hakerlər marafonunda iştirak etdi - FOTO, fotoşəkil-1 Bakılı tələbə ABŞ-da hakerlər marafonunda iştirak etdi - FOTO, fotoşəkil-2 Bakılı tələbə ABŞ-da hakerlər marafonunda iştirak etdi - FOTO, fotoşəkil-3

Bakucity.az

tələbə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər