Bakıda keçirilən “Formula 1” nə ilə yadda qaldı? - MÜSAHİBƏ

Bakıda keçirilən “Formula 1” nə ilə yadda qaldı? - MÜSAHİBƏ, Oral Aliyev

"Təsnifat mərhələsi çox maraqlı oldu"

Bu il Bakıda keçirilən "Formula 1"  SOCAR Azərbaycanın Qran Prisi həmişə olduğu kimi böyük müvəffəqiyyətlə başa çatıb. 

SOCAR Azərbaycan Qran Prisinin qalibi "Mercedes”in pilotu Valtteri Bottas oldu (1: 44.757). İkinci yerin qalibi “Mercedes” komandasının digər üzvü Lewis Hamilton s, üçüncü yer isə “Ferrari” komandasının pilotu Sebastian Vettel oldu.

Bakucity.az bu ilki yarışların nəticələri ilə bağlı Bakı Şəhər Halqasının Marketinq və Kommunikasiya şöbəsinin rəhbəri Nigar Arpadarai ilə həmsöhbət olub. O, qeyd edib ki, bu ilki yarışların ən parlaq məqamı “Formula 1”in təsnifat mərhələsi olub:

“Hesab edirəm ki, bu il Azərbaycan Qrand Prisinin təsnifat mərhələsi çox maraqlı oldu. Şübhəsiz ki, bu da yarışların ümumi maraqlı olmasında həlledici rol oynadı”. 

Bakıda keçirilən “Formula 1” nə ilə yadda qaldı? - MÜSAHİBƏ, fotoşəkil-1

Marketinq şöbəsinin rəhbəri qeyd edib ki, bu mövsümün bir nümunəvi məqamı da 2018-ci ilin göstəricilərinə görə turist axınının qorunması olub:

“Bu il bir dənə də olsun boş tribuna yox idi. Şəhər çox sayda turist tərəfindən ziyarət edildi, bulvar ziyarətçilərlə dolu idi. Buna görə də, əminliklə demək olar ki, bu ilki yarışlar paytaxt sakinləri arasında olduğu kimi, xarici turistlər üçün də maraqlı oldu”.

N. Arpadarainin sözlərinə görə, hansı komandanın daha çox azarkeşi və ya fanatı çox idi demək çətindir, amma bu dəfəki “Formula 1” yarışları üçün Azərbaycanın paytaxtına daha çox ölkələrdən gələnlər var idi:

Bakıda keçirilən “Formula 1” nə ilə yadda qaldı? - MÜSAHİBƏ, fotoşəkil-2

“Keçən il olduğu kimi, bu il də biletlər dünyanın 74 ölkəsindən azarkeşlərə satıldı. Bu, əsasən Rusiya, Böyük Britaniya, Almaniya, Hollandiya və s. ölkələr idi. Azərbaycan Qran Prisi son vaxtlar ABŞ-da maraqla qarşılanır. Bu maraqdan irəli gəlir ki, bu il yarışları izləməyə ABŞ-dan da xeyli sayda azarkeş gəlmişdi.

Əyləncə proqramında yeniliklər

N. Arpadarai bu il nə üçün əvvəlki illərdə olduğu kimi üç yox, iki konsert proqramı olduğuna belə aydınlıq gətirib:

"Formula 1” ilk növbədə bir yarış, idman hadisəsidir. Neçə konsertin olduğu elə də əhəmiyyətli deyil. Bu, yarış proqramının bir hissəsi deyil. Bütün bunlar proqramın əyləncə hissəsindən, dəvət etdiyimiz ulduzların və bir çox digər məsələlərin təşkilindən asılıdır. Bu il iki konsert təşkil etmək qərarına gəldik".

Bakıda keçirilən “Formula 1” nə ilə yadda qaldı? - MÜSAHİBƏ, fotoşəkil-3

Amma əyləncə proqramında dəyişikliklər də var. Konsertlərlə yanaşı, yarışın hər günü “Baku City Sounds-2019” adlı rəsmi aftapati keçirmək ənənəsi var.

“Elektra Events Hall”da keçirilən üç gecənin hamısında populyar Dj-lər çıxış edib. Bu gecələrə getmək üçün ayrı-ayrı biletlər almaq vacib idi. Qeyd edim ki, həm yerli sakinlər, həm də paytaxtın xarici qonaqları bu yeniliyə müsbət reaksiya göstərdilər", - deyə Nigar Arpadarai vurğulayıb.

Xatırladaq ki, “Baku City Sounds  - 2019” məşhur rus hip-hop ifaçısı Djiqan (GeeGun), türkiyəli DJ Mahmut Orxan, Almaniyalı DJ Robin Şults, Lost Frequencies kimi tanınan DJ Felix De Laeta tərəfindən reallaşıb.

N.Arpadarai xatırladıb ki, bu təcrübə ötən ildən bəri mövcuddur. Bu cür gecələr 2018-ci ildə “Baku Cryistal Hall”da konsertlərdən sonra keçirilib:

“Belə gecələrin böyük maraq doğurduğunu nəzərə alaraq, ayrıca tədbirin həyata keçirilməsinə imkan verən layihə - “Baku City Sounds”u yaratmağı qərara aldıq”.

Bakıda “Formula 1” tarixləri dəyişə bilər

N. Arpadarai hazırda “Formula 1”in kommersiya hüquqları sahibi “Liberty Media” ilə Bakı mərhələsinin iyun ayının sonuna təxirə salınması haqqında danışıqların aparıldığını bildirib:

"Biz uzun illərdir ki, yarışları iyun ayına qaytarmaq istəyirik. Hal-hazırda müzakirələr aparılır və çox güman ki, müsbət nəticələr əldə edəcəyik.

Yaz ayları yarışlara hazırlaşmaq üçün daha əlverişlidir. Bundan əlavə, isti mövsümdə lazımi avadanlıq və stendləri quraşdırmaq çox asandır. Məktəblilər və daha çox adam tətilə çıxır deyə şəhərdə hərəkət daha rahat olur".

Beləliklə, "Formula 1" Azərbaycan Qran Prisi populyarlaşdığını və dünya miqyasında geniş auditoriyanı maraqlandırdığını aydın şəkildə göstərir. 

Züleyxa İsmayılova

Bakucity.az

Formual 1
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər