Bakıda avtobus qəzasına görə iki sürücü həbs edildi

Bakıda avtobus qəzasına görə iki sürücü həbs edildi, Oral Aliyev

Sərnişin avtobusu yük avtomobili ilə toqquşub.

Bakucity.az xəbər verir ki, qəza ilə bağlı şübhəli şəxs qismində saxlanılan sürücülər - 1988-ci il təvəllüdlü Rauf Dadaşov və 1969-cu il təvəllüdlü Hüseyn Məmmədova Cinayət Məcəlləsinin müvafiq maddələri ilə ittiham elan olunub. Xəzər rayon Məhkəməsinin qərarı ilə həmin şəxslər barəsində həbs qətimkan tədbiri seçilib.

Qeyd edək ki, aprelin 27-də Bakının Xəzər rayonu ərazisində Mərdəkan-Bakı avtomobil yolunda "Man" markalı 90-JK-826 dövlət nömrə nişanlı yük avtomobili həmin istiqamətdə hərəkət edən "Daevoo" markalı 10-TG-909 dövlət nömrə nişanlı sərnişin avtobusu ilə toqquşub.

Hadisə nəticəsində avtobusda olan 29 nəfər xəsarət alıb. Onlardan 22-si ilkin tibbi yardım göstərilərək evə buraxılıb, digərlərinin isə müalicələri davam etdirilir.unu

Hazırda iş üzrə zəruri istintaq tədbirləri davam etdirilir.

Bakucity.az 

Bakıda avtobus qəzası
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər