Bakı sakinlərini ən çox bu xəstəlik öldürür – AÇIQLAMA

Bakı sakinlərini ən çox bu xəstəlik öldürür – AÇIQLAMA, Oral Aliyev

Səhiyyə Nazirliyi bu il ən çox yayılan xəstəlikləri açıqlayıb.

Bütün dünyada olduğu kimi, Azərbaycanda da ürək-damar xəstəlikləri hələ də birinci sıradadır. Belə ki, bu il də ölkədə ürək-damar xəstəliklərdən ölənlərin sayı digər xəstəliklərdən ölənlərin sayından fərqlənir. 

Bakıda necə, ürək-damar xəstəlikləridən ölənlərin sayı çoxdurmu? Ümumiyyətlə, paytaxtda bu ilin ilk aylarında daha çox yayılan xəstəliklər hansılardır? Çox yayılan xəstəliklərin qarşısını almaq üçün nazirlik tərəfindən hansı tədbirlər görülür?  

Səhiyyə Nazirliyinin mətbuat xidmətindən Bakucity.az-a verilən məlumata görə, Bakıda ürək-damar xəstəliklərindən ölənlərin sayı təxminən 60 faizdir:

“Bu göstərici isə təkcə paytaxtın deyil, bütün dünya ölkələrinin payına düşür. Ümumiyyətlə, paytaxtda bu ilin ilk aylarına dair daha çox yayılan xəstəliklərə gəlincə, bu ilin statistikası hələlik yoxdur, amma ümumilikdə 1-ci yerdə tənəffüs orqanı xəstəlikləri, 2-ci yerdə hissiyyat orqanları xəstəlikləri, 3-cü həzm sistemi xəstəlikləri, 4-cü yerdə isə qan dövranı xəstəlikləri dayanır".

Mətbuat xidmətindən qeyd ediblər ki, paytaxtda və ümumilikdə ölkədə çox yayılan xəstəliklərin qarşısını almaq üçün daima müvafiq tədbirlər görülür: 

“Səhiyyə Nazirliyinin müvafiq qurumları çox yayılan xəstəliklər, eləcə də  yayılma riski yüksək olan xəstəliklərə qarşı tədbirlər görür. Nümunə olaraq qeyd edək ki,  bu yaxınlarda qızılca xəstəliyinin yayılması riskinə qarşı ölkəyə peyvəndlər gətirildi və əhali peyvəndlənməyə cəlb olundu”, deyə bildirilib.

Ramilə Qardaşxanqızı

Bakucity.az 

Xəstəlik
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər