Bakıda Milli Qəhrəmanın xatirəsi yad edilib - FOTO

Bakıda Milli Qəhrəmanın xatirəsi yad edilib - FOTO, Oral Aliyev

Milli Qəhrəman Albert Aqarunovun anım tədbiri keçirilib.

Bakucity.az xəbər verir ki, Beynəlxalq Muğam Mərkəzində baş tutan tədbirdə  tədbirdə iştirakçılar  “Qarabağa qayıdış ümidi ilə” adlı rəsm sərgisi ilə tanış olublar. Hərbi orkestrin müşayiəti ilə Dövlət himni səsləndirildikdən sonra ümummilli lider Heydər Əliyev və Azərbaycanın suverenliyi, ərazi bütövlüyü uğrunda canından keçən şəhidlərimizin xatirəsi bir dəqiqəlik sükutla yad olunub.

Tədbirdə çıxış edən Şuşa rayon İcra Hakimiyyətinin başçısı Bayram Səfərov torpaqlarımızın azadlığı uğrunda canından keçən Albert kimi oğulların adının xalqımızın qəlbində əbədi yaşayacağını qeyd edərək onların qəhrəmanlıqlarının əbədiləşdirilməsi istiqamətində daim mühüm addımlar atıldığını bildirib.

Müdafiə Nazirliyinin nümayəndəsi polkovnik Aydın Əyyubov çıxışında ölkəmizdə  Albert Aqarunovun xatirəsinin daim yad edildiyini, ona və ailəsinə dərin ehtiram göstərildiyini diqqətə çatdırıb.

Tədbirdə çıxış edən Diasporla İş üzrə Dövlət Komitəsinin sədri Fuad Muradov, Millət vəkili Yevda Abramov, İsrailin ölkəmizdəki səfiri Dan Stav, Dağ Yəhudiləri Dini İcmasının sədri Milix Yevdayev və digər qonaqlar İsrail-Azərbaycan əlaqələrindən, xalqlarımızın tarixi dostluğundan danışaraq Qarabağ, Şuşa uğrunda şəhid olan Albert Aqarunovun qısa, lakin şərəfli ömür yolunun gənc nəslə hər zaman örnək olduğunu tədbir iştirakçılarının diqqətinə çatdırıblar. (Ona.az)

Bakıda Milli Qəhrəmanın xatirəsi yad edilib - FOTO, fotoşəkil-1 Bakıda Milli Qəhrəmanın xatirəsi yad edilib - FOTO, fotoşəkil-2 Bakıda Milli Qəhrəmanın xatirəsi yad edilib - FOTO, fotoşəkil-3 Bakıda Milli Qəhrəmanın xatirəsi yad edilib - FOTO, fotoşəkil-4 Bakıda Milli Qəhrəmanın xatirəsi yad edilib - FOTO, fotoşəkil-5

Bakucity.az 

Milli Qəhrəman
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər