Bakı sakinləri PAŞA Bankın yeni kartından faydalana bilər

Bakı sakinləri PAŞA Bankın yeni kartından faydalana bilər, Oral Aliyev

Azərbaycan bankı ilkə imza atıb.

PAŞA Bank və “Türk Hava Yolları” birgə “Co-branding” (birgə markalaşma) məhsulunu təqdim edib. 

Bakucity.az xəbər verir ki, Azərbaycan maliyyə bazarlarında ilk dəfə olaraq PAŞA Bank “Türk Hava Yolları” ilə birgə “Miles&Smiles” kartını müştərilərə təqdim edib. 

Bu kartın bazara çıxarılması bankın nağdsız əməliyyatların inkişafına və elektron ödənişlərin genişləndirilməsinə dəstək stategiyasının tərkib hissəsidir.

Bu kartı əldə edən müştərilər həm ölkə daxilində həm də ölkə xaricində əməliyyatlar aparmaqla “Türk Hava Yolları”ından millər qazanacaq. Bu millər hesabına isə bilet əldə etmək mümkün olacaqdır. 

Kartın hansı üstünlükləri var?

Bankdan saytımıza bildiriblər ki, “Miles&Smiles” kartı sahibləri ticarət və xidmət obyektlərində, PAŞA Bankın POS terminallar şəbəkəsi daxilində və xaricində ödənişləri nağdsız həyata keçirmək, mil qazanmaq və toplanan milləri “Türk Hava Yolları”nın 308 uçuş istiqamətləri üzrə biletə çevirmək imkanı əldə edir. Cari prinsip nəinki ölkə-daxili, həmçinin ölkə-xarici nağdsız ödənişlər üçün də keçərlidir. Bundan başqa, müştəri bankın partnyor şəbəkəsində “Miles&Smiles” kartı ilə ödəniş zamanı əlavə millər qazanmaq şansı da əldə edəcək. Həmçinin, “Miles&Smiles” kartı ilə otel rezervasiyası, avtomobil icarəsi, istirahət və alış-veriş ödənişləri zamanı 35 faizə qədər endirimlərdən faydalanmaq imkanı da təqdim olunur. 

PAŞA Bankın “Miles&Smiles” kartının digər bir özəlliyi də kart sahibinə ilkin ödəniş müqabilində əlavə bonus millər (“Welcome milləri” funksiyası), eyni zamanda, öncədən aviabilet və ya digər xidmətlərə dəyişmək üçün əlavə millər (“Avans Millər” funksiyası) hədiyyə olunması imkanıdır. Bundan başqa, “Miles&Smiles” kartının sahibləri Türk Hava Yolları tərəfindən “Miles & Smiles” bonus proqramı çərçivəsində konsyerj xidməti (Çağrı və “Chatbot”), dünyanın bütün hava limanlarında VİP gözləmə otaqlarında qonaq olmaq, səyahət zamanı sığortalanma və digər bir sıra imtiyazlardan yararlanmaq şansı əldə edəcəklər.

Ramilə Qardaşxanqızı

Bakucity.az 

Azərbaycan bankı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər