Bakıda qəlyan “şadyanalığı” üçün ən ucuz məkanlar - QİYMƏT

Bakıda qəlyan “şadyanalığı” üçün ən ucuz məkanlar - QİYMƏT, Oral Aliyev

Qəlyan sağlamlıq üçün siqaretdən də təhlükəlidir.

Qəlyan çəkmək zəzərli vərdişdir. Lakin bu zərərli vərdiş başqa bir zərərli vərdişə - siqaret çəkməyə alternativ olaraq göstərilir. Çoxları hesab edir ki, qəlyan çəkmək siqaret çəkməkdən daha yaxşıdır. 

Necə edək ki, qəlyanın sağlamlığımıza vurduğu zərəri minumuma endirək? Bakucity.az bu suala cavab axtarmağa çalışıb.

Qəlyan haqda miflər: 

- Ağ ciyərlər daha az dəm qazı alır;

- Passiv siqaretçəkən effekti yoxdur;

- Qəlyan orqanizmə mənfi təsir etmir və ağ ciyər xərcənginə səbəb olmur;

- Vərdiş yaratmır;

- Qəlyan siqareti atmağa kömək edir;

- Qəlyan tam təhlükəsizdir.

Qəlyanın siqaretdən daha ziyanlı olduğunu bilirsinizmi? 

Sizə kiçik bir sirr açaq ki, qəlyandan nə qədər xoş qoxu gəlirsə, o qədər çox nikotin dozası var. Bu, daha güclü asılılıq yaradır. Qəlyan sevənlər və müdafiəçiləri bu fikirdə israrlıdırlar ki, tənbəki əlavələrində siqaretdən daha az zərəli maddələr var. Bu, mifdir. Tənbəki əlavələri təhlükəli maddələr baxımından adi siqareti ötür. Qəlyan pərəstişkarları isə yanmayan, nəm tənbəkidə təhlükəli maddələrin az olduğunu deyirlər, lakin bu da həqiqət deyil. Çünki qəlyan hazırlanan zaman kömür 500 dərəcəyə qədər qızır, bu tüstüylə ciyərlərə təkcə nikotin deyil, başqa təhlükəli maddələr də düşür.

Statistika göstərir ki, adi siqaretçəkənlər və qəlyan sevənlər eyni dərəcədə müxtəlif xəstəliklərdən əziyyət çəkirlər. Xəstəliklər isə - xərcəng, taxikardiya, ürəyin tam dayanması, nəfəs xəstəlikləri ola bilər. 

Qəlyanın başqa bir təhlükəsi də var - dostlar, tanışlarla eyni müştükdən istifadə edildiyinə görə herpes, hepatit, vərəm və başqa viruslar yaya bilir. 

Alimlərin araşdırmaları həmçinin qəlyanın içindəki suyun tüstünü təmizləmədiyini və qəlyan tüstüsündə təhlükəli maddələr olduğunu ortaya qoyub.

Qəlyan çəkilən otaq tənbəki tüstüsü ilə dolu olur. Bu isə o deməkdir ki, qəlyan siqaret çəkməyən şəxslərə də zərər verir. 

Qəlyanın zərərlərini azaltmaq üsulları

Qəlyan pərəstişkarısınızsa və onu tərgidə bilmirsinizsə, özünüzə daha az ziyan vurmaq üçün bunları edə bilərsiniz:

- Qəlyan üçün xüsusi tənbəki və qarışıqlardan istifadə edin;

- Qəlyanı təmiz suda, süddə və şirədə hazırlayın. Alkoqol tökməyin, həmçinin qəlyan çəkəndə alkoqol istifadə etməyin;

- Boru və kolbanı yaxşı yuyun;

- Birlikdə qəlyan çəkəndə müştüyü dəyişməyə tənbəllik etməyin;

- Təklikdə qəlyan çəkməyin, birlikdə isə 40-60 dəqiqədən çox çəkməyin;

Bu informasiyadan da sonra qəlyan çəkmək, bu “şadyanalığı” dostlarla bölüşmək istəsəniz, qəlyan çəkə biləcəyiniz əlverişli yerləri təqdim etməyi də unutmamışıq:

Qəlyan təqdim olunan məkanlar və qiymətlər:

Məkanlar

Ən ucuz qəlyanlar

Ən bahalı qəlyanlar

Aksiyalar

Arabesque

20 AZNAlmalı

100 AZN - Special arabesque

Qızlar üçün qəlyan ödənişsizdir, bunun üçün məkanın “İnstagram” səhifəsində qeydiyyatdan keçmək lazımdır.

Malacannes

20 AZNAlmalı

45-50 AZN (tütünündən asılı olaraq)

Axşam saat 5-ə qədər alma qəlyanı 20 azn, 5-dən sonra isə 25 manatdər. Qadın qrupları üçün qəlyan pulsuzdur.

145 cay bagi

20 AZNAlmalı

90 AZNQarpızlı

Rnb café

30 AZNQreyfurt və ananaslı (alma yoxdur)

70 AZN –"Xumari" tütünündən (istənilən meyvədən)

Çərşənbə və cümə günləri qadınlar üçün bir qəlyan pulsuzdur. Aksiya saat 6-dan 12-ə qədər davam edir.

Galiano

20 AZNAlmalı

100 AZNSpecial galiano

Qızlar üçün almaqəlyan pulsuzdur. Qreyfurt 5, ananas isə 15 manatdır.

Nərminə Vahabova

Bakucity.az

Qəlyan
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər