Bakda hansı restoranlarda iftar yeməyi verilir? - MENYU / QİYMƏT

Bakda hansı restoranlarda iftar  yeməyi verilir?  - MENYU / QİYMƏT, Oral Aliyev

Paytaxt restoranları iftara özəl menyular təklif edilir.

İslamda ilin ayları arasında Ramazan ayı ən müqəddəs ay hesab edilir. Onu məcazi mənada "on bir ayın sultanı" da adlandırırlar. Müqəddəs Qurani-Kərim yer üzünə məhz bu ayda nazil olub. 

Müsəlmanlar Ramazan ayında oruc tutur, Allaha dua edirlər. Oruc tutanlar üçün isə iftar yeməyi zamanı düzgün qidalanmaq vacibdir. 

Bakucity.az paytaxt restoranlarının iftar menyusu və qiymətləri haqda araşdırma aparıb. 

İftarda nə yemək daha yaxşıdır?

Axşam saatlarında ət və tərəvəzdən hazırlanmış isti yeməklərdən az miqdarda yemək lazımdır. Qarnir olaraq isə bulqur, qarabaşaq daha uygundur. Dessertləri isə meyvələrlə əvəz etmək daha yaxşıdır. Çoxlu çay, su, şirə və ya kompot çox içmək lazımdır. İftar zamanı yağlı və qızardılmış yeməklərdən imtina etmək daha yaxşıdır.

Bakıda iftarı harada açmaq olar və bu neçəyə başa gələcək?

"Kolorit Kafe"nin meneceri Elşad Əzizov deyib ki, sözügedən restoranda hər gün yeni iftar menyusu olur və yeməklərin qiymətlərilə bağlı məlumatlar rəsmi “Instagram” səhifələrində yerləşdirilir:

“İki filialımız var: “28 Mall”dakı filalımızda müsəlmanlar üçün bir nəfərlik şam yeməyi 12 manat, Nizami küçəsindəki filalımızda isə 16 manat təşkil edir. Nizami küçəsində olan kafedə bufet də var. Qonaqlara tərəvəz salatları, müxtəlif tərəvəz şorbaları, düyü və bulqurla ət, toyuqlu “raqu” təklif olunur. Dissert olaraq meyvə və ya tort seçə bilərsiniz. “28 Mall”dakı kafemizdə iftara özəl olaraq menyuda salatlar, məzələr, ilk və isti yeməklər verilir”.

“Dafne by Dalida” restoranının admnistratoru Səfadar Quliyev qeyd edib ki, iftarı açmaq üçün birnəfərlik menyu 22 manat təşkil edir:  

“Biz müştərilərimizə 3 növdə - toyuq, mərci göbələk supları təklif edirik. İsti yeməkklərdən isə sobada bişirilmiş pendirli qoyun və mal əti verilir. Müştərilərimiz içkilərdən su, çay, ayran sifariş verə bilərlər”.

Admnistratorun sözlərinə görə, restorana iftar açmaq üçün hər gün 50-70 arası müştəri gəlir. Demək olar ki, artıq boş yer qalmayıb. Ramazan ayının sonuna kimi 100-dən artıq adam yer sifariş edib. Ona görə də gəlməzdən öncə masa sifariş etdirmək vacibdir. 

“Sahil Bar & Restaurant”ın admnistratoru Kazım Məhrəmzadənin sözlərinə görə, onlarda iftar yenməyi üçün 2 menyu təklif olunur. Bu menyular 18 və 23 təşkil edir:

“18 manatlıq menyuda isti yeməklər yoxdur. Digərində isə hər şey var. Göbələk, mərci, lobya və s. suplar təklif edirik. İsti yeməklərdən dolma, toyuq və ət kababları verilir. Bundan əlavə, müxtəlif qəlyanaltılarımız da var. Masanı əvvəlcədən sifariş etmək məsləhətdir”.

“Vertical 29 Restaurant & Lounge” restoranı 25 manatlıq iftar münyusu təklif edir. Restoranın əməkdaşı Səbinə Bayramovanın sözlərinə görə, onlarda hər gün şam namazından sonra menyu dəyişdirilir:

“Dəyişməyən sadəcə çörək, qazsız su və xurmadır. Pomidor, göbələk və müxtəlif  tərəvəzlərdən olan şorbalarımız var. İsti yeməklərdən ət, balıq, “fri” təklif edirik. Çayı isə mürəbbə ilə veririk. 

“Circle Restaurant & Music Hall” restoranının əməkdaşı bildirib ki, burada ötən il olduğu kimi, iftar menyusu 20 manatdır. Sifarişi isə əvvəlcədən vermək lazımdır. İsti yeməklərə müxtəlif kabab növləri, mərci şorbası və düşbərə daxildir.Yay salatı və ya manqal salatı sifariş verə bilərsiniz. Pendir dilimləri, yaşıl və qara zeytun. içkilərdən isə kompot və su təklif edilir.

 “Prive Steak Gallery” restoranında iftar açmaq bir nəfərə 58 manata başa gəlir. Burada da yeməklər gündəlik dəyişir. İsti yeməklərdən ət kababı və ya küftə verilir. Keçi pendiri ilə “Akdeniz” salatı, müxtəlif isti və soyuq içkilərin yanında püstə paxlavası təklif olunur.  

Allah tutduğunuz orucları qəbul etsin!

Restoranlar və qiymətlər:

Restoranlar Bir nəfərlik qiymət qiyməti
Kolorit Kafe12-16 AZN
Dafne by Dalida22 AZN
Sahil Bar & Restaurant17-23 AZN
Vertical 29 Restaurant & Lounge25 AZN
Circle Restaurant & Music Hall20 AZN
Prive Steak Gallery58 AZN

Züleyxa İsmayılova

Bakucity.az 

İftar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər