"Facebook"-da görüntüləri yayılan tibb bacısı Bakıda öldü - VİDEO

"Facebook"-da görüntüləri yayılan tibb bacısı Bakıda öldü - VİDEO, Oral Aliyev

Paytaxtda piyadanın ölümü ilə nəticələnən yol qəzası baş verib.

Bakucity.az xəbər verir ki, ötən gün Nəsimi rayonu ərazisində, Səməd Vurğun bağının qarşısında “Mercedes” markalı minik avtomobili 1992-ci il təvəllüdlü Nəzərova Firəngiz Eldar qızının vurub. O,  “Mediclub” klinikasında 3 ay əvvəl işə başlayıbmış. Hadisə də elə klinikanın yaxınlığında baş verib. 

Ağır kəll-beyin travması almış, ayaqları sınmış, digər ağır xəsarətləri olan gənc tibb bacısı çalışdığı xəstəxanaya məxsus təcili yardım maşını ilə Kliniki Tibbi Mərkəzə köçürülüb. Lakin onun həyatını xilas etmək mümkün olmayıb.

Qeyd edək ki, faciəvi hadisədə vəfat edən Nəzərova Firəngiz Eldar qızı bir müddət əvvəl sosial şəbəkələrdə Təcili Tibbi Yardım Xidmətinə məxsus maşınların musiqi sədası altında başına dövr etdiyi xanımdır. Həmin görüntülər Bakının Suraxanı rayonu ərazisində 22 saylı Təcili Yardım Stansiyasıın həyətində lentə alınıb.

Həmin görüntülər sosial şəbəkələrdə yayıldıqdan sonra, Səhiyyə Nazirliyi tərəfindən araşdırma aparılıb. Araşdırmaların nəticəsi olaraq təcili yardım avtomobillərinin sürücüləri və videodakı tibb bacısı işdən çıxarılmışdı. (Publika.az)

"Facebook"-da görüntüləri yayılan tibb bacısı Bakıda öldü - VİDEO, fotoşəkil-1 "Facebook"-da görüntüləri yayılan tibb bacısı Bakıda öldü - VİDEO, fotoşəkil-2

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər