Bakıda internet niyə yaxşı işləmir, sürəti azaldan nədir? - AÇIQLAMA

Bakıda internet niyə yaxşı işləmir, sürəti azaldan nədir? - AÇIQLAMA, Oral Aliyev

Ekspert məsələnin texniki tərəflərini izah edib.

Müasir insan internet olmadan həyatını təsəvvür edə bilmir. Statistikaya görə, orta hesabla gündə 5 saat inernetə vaxt sərf edirik. Təbii ki, hər kəs internetin yüksək sürətlə işləməsini və münasib qiymətə başa gəlməsini istəyir.

Bakucity.az bu gün şəhərimizdə internet provayderlərin iş proseduru, abonentlərin üzləşdiyi əsas problemləri və onların səbəblərini, həmçinin internet bağlantısının sürətini öyrənməyə çalışıb.

Yüksək sürətli internet – bu realdırmı?

Paytaxtın internet provayderlərinin bütün nüanslarını öyrənmək üçün “Smart Systems Technology” abunə şöbəsinin rəhbəri Eldəniz Masumovla söhbət etdik: 

“Bizdə kabel xidmət şəbəkəsidir. İnterneti telefona birləşdirən ADSL texnologiyası var. Bu xidmət özəl sektora paylanır. İnterneti optik fiber vasitəsilə çəkirik. Optik fiber quraşdırıldıqda, tariflərin dəyəri 18 Mbit üçün 18 manatdan başlayır. ADSL-də texniki imkanlar məhduddur və bu tariflərlə əlaqədar üç-altı Mbit-dən başlayır. 4 Mbit 15 manat, 6 Mbit - 20 manat təşkil edir. Bu gün insanlar ən çox 18 Mbit tarifini istifadə etməyi üstün tuturlar" 

Abunə şöbəsinin müdirinin sözlərinə görə, paytaxt sakinləri internet provayderlər barədə aşırı tələblər irəli sürürlər, bu isə həmişə anlaşılan olmur:

"Bakıda internetin texniki imkanları digər ölkələrə nisbətən daha zəifdir. Məsələn, Rusiyada olduğu kimi (“Runet”), bizim ölkənin öz interneti yoxdur. Bütün yerli provayderlər interneti dollarla alırlar, biz onu manata çəkirik. Təbii ki, son iki devalivasiya bu biznesə güclü zərbə vurdu. Beş il bundan əvvəl abunəçilər 3 Mbit istifadə edib razı qalırdılarsa, bu gün razı qalmırlar, çünki eyni sürətlə interneti əldə etmək mümkün deyil”.

Məsələnin texniki tərəfi

Eldəniz Masumov əlavə edib ki, bir sıra texniki məsələlər internetdə problem yarada bilər:

“Məsələn, bir abonent ADSL-ə qoşulub, amma hazırki texnologiya müqavilədə göstərilən sürəti əldə etməyə imkan vermir, çünki ADSL-də sürət həddi həmişə 13-15% -dən az olub. Bu, provayderə və ya istifadə edilən modemə bağlı olmayan bir texnoloji məhdudiyyətdir. Bu zaman abonentlər ATS-lə əlaqə saxlamalıdır”.

E. Masumov internetin pis işləməsinin həmişə internet provayderlərin işinin keyfiyyətindən asılı olmadığını açıqlayıb. Onun sözlərinə görə, abunəçilər şəbəkəyə daxil olmağa çalışdıqları hər hansı bir cihazda olan problemi tez-tez araşdırmalıdır:

 “Şəxsən mən evdə 4 Mbit internetlə normal işləyirəm, amma 40 Mbit-ı olan insanlar var ki, bu, onlar üçün kifayət etmir. Məsələ burasındadır ki, bir çoxumuz modem, kompüter və digər cihazların istismarına yanlış münasibət göstəririk. Bəzən problem nə internet texnologiyasında, nə modemdə, nə də kompüter və ya telefonda olmur. Ancaq abunəçilər həmişə hesab edirlər ki, bütün günah provayderlərindir. Bu vəziyyətdə, problemi müəyyən etmək üçün hər şeyi müəyyənləşdirməliyik. Telefonun hansısa problemi, kompüterdə çox sayda virus və s. kimi bir çox səbəb ola bilər. Sürətli internetə qoşulmaqda problem yaradan bir başqa səbəb də “Wi-fi” şəbəkəsinin zəif işləməsi ola bilər”.

Həmsöhbətimiz həmçinin qeyd edib ki, xarici ölkələrdə internetin quraşdırılması və istismarı ilə bağlı vəziyyət bir qədər fərqlidir:

"Xaricdə modemlər və routerlər abonentlərin özləri tərəfindən konfiqurasiya edilir. Təchizatçı şirkətdən yalnız giriş, şifrə və IP ünvanı alırlar. İnsanlarımız bunu anlamır, buna görə də internetdən düzgün istifadə edə bilmirlər”.

Ümumiyyətlə, inkişaf etmiş ölkələrdə 100 Mbit/s, həcmində olan tarif planı əsasən konfort iternet - internet axtarış, onlayn oyunlar, internetdə IP-TV və ya video seyr etmək, eyni zamanda HD keyfiyyəti ilə istifadə olunur. Əgər kompüterinizə böyük faylları yükləməlisinizsə - əməliyyat sisteminin paylanması, yüksək keyfiyyətli video, audio koleksiyalar və s. onda 100 Mbit/s-dən çox şəbəkə sürəti tələb olunur. Yerli provayderlər abunəçilərə orta hesabla 4 Mbit tarif parametrləri təklif edirlər.

İnternet bağlantısının şərti klassifikasiyası aşağıdakı kimidir:

Aşağı - 512 Kbps;

Sürətli - 2 Mbit / s;

Ortalama 10 Mbps;

Yüksək - 50 Mbit / s;

Çox yüksək - 100 Mbps.

Züleyxa ismayılova

Bakucity.az 

Bakıda internet
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər