Bakının ən məşhur qadın iş adamı uğur sirrini açdı - MÜSAHİBƏ

Bakının ən məşhur qadın iş adamı uğur sirrini açdı - MÜSAHİBƏ

"İstəyirəm ki, Azərbaycanın bütün şəhərlərində “Əli və Nino” mağazası olsun"

Təəssüf ki, bu gün insanlar daha az kitab oxuyurlar, amma bir çoxları kitab almağı vacib sayır. Bakının ən məşhur kitab mağazası və nəşriyyatlarından olan “Əli və Nino”-nun sahibi Nigar Köçərli Bakucity.az-a müsahibəsində indiki vəziyyətdə kitab biznesini necə təşkil etmək və uğurlu ticarətinin sirri barədə danışıb.  

- Bakıda belə biznes qurmaq çətindirmi?

- Bəli, kitab biznesini qurmaq çətindir. Ümumiyyətlə, Bakı həmişə multikultural şəhər olub, bu bazarda qalmaq üçün biz fəaliyyətdə olduğumuz 15 ildə 4 dildə - Azərbaycan, rus, ingilis və türk dilində kitablar satmışıq. Hazırda isə fransız və alman dillərini də əlavə etmişik. Bundan başqa, dünyada hansı ədəbiyyatın aktual olmasın bilmək üçün bu dillərdə daimi monitorinq aparırıq. 

Bakının ən məşhur qadın iş adamı uğur sirrini açdı - MÜSAHİBƏ, fotoşəkil-1

- Fransız, alman və ya ingilis dillərində kitab çox alınırmı, bu dillərdə kitab satmaq nə qədər sərfəlidir?

- İş burasındadır ki, çoxları indi kitabları orijinalda oxumağa üstünlük verirlər və bu təqdirəlayiqdir. Məsələn, ingilis dilində kitabların satışından gəlir 6 %-dir və bu rəqəm getdikcə artır. Əlbətdə, fransız və alman dilləri bu qədər məşhur deyil, amma bütün oxucuların zövqünü oxşamaq üçün bu dillərdə də klassik və müasir ədəbiyyatı təqdim edirik.

- Daha çox hansı çətinliklərlə rastlaşırsınız?

- Bizm biznesdə indi çoxlu problemlər var. Statistikaya görə 2020-ci ildə ümumi satışın 20-23%-i elektron ticarətlə olcaq. Bu çox böyük rəqəm deyil, amma kobud desək, hər beşinci alıcı eloktron kitab alacaq. Çoxları deyir ki, eloktron kitablar kağız kitabları sıxışdırıb. Bu, doğru deyil! Çap kitablar həmişə olub və həmişə də tələbat olacaq. Ümumiyyətlə, insanların hansı variantı: elektron, yoxsa çapı seçmələri vacib deyil, əsas odur ki, oxusunlar. Çətinliklər başqa formada da ola bilir. Dövrlə dünyabaxışı və zövqlər dəyişir, insanlar haəyatı sadələşdirməyə çalışırlar. Artıq çoxcildli romanlar dəbdə deyil. Mən istəyirəm ki, insanlar ciddi ədəbiyyatı daha çox oxusunlar. Yüngül oxulara etiraz etmirəm, hər şeyi oxumaq lazımdır. Əsas odu ki, oxucunun seçimi olsun və bundan zövq alsın.

Bakının ən məşhur qadın iş adamı uğur sirrini açdı - MÜSAHİBƏ, fotoşəkil-2

- Maraqlıdır, bəs hansı kitabları “Əli və Nino”-nun rəflərində heç vaxt görməyəcəyik?

- Təbiətcə liberal olduğuma görə, mən senzuranı qəbul etmirəm, amma bu mənim biznesim olduğuna görə, mağazamada görmək istəmədiyim ədəbiyyatlar var: bu faşizmlə bağlı olanlardır, onları ölkəmizə gətirmək təhlükəlidir.

Bəli, çoxları deyir ki, onun necə yaranması haqda bilmək üçün çox oxumaq lazımdır. Biri var bu kitabı hazırlıqlı oxucu oxuya, bir də var, bu əsərlər başında xaos olan gəncliyin əlinə düşə. Allaha şükür ki, ölkəmizdə faşizm kultu yayılmaıyıb, amma bununla belə hesab edirəm ki, belə ədəbiiyatla alver etmək təhlükəlidir.

- Əsas rəqabət üstünklükləriniz hansılardır?

- Mağazam mənim övladım kimidir, onun üzərində həmişə işləyirəm. (gülümsəyir). İlk “Əli və Nino” mağazasını 15 il əvvəl açdım. Mənim büdcəm cəmi 600 dollar idi, amma biznesimi çiçəkləndirə bildim. Etiraf edim ki, mən mağazadan olan həmkarlarımla  iclaslarda daha yaxşı olmağım üçün daima müzakirələr aparıram. Həmişə sual veririk: nəyə görə alıcılar məhz bizə gəlməlidirlər? Təibi ki, biz ideal deyilik, müəyyən problemlər var. Bir müddət əvvəl, ilk gündən bizmlə olan daimi alıcımızı dəvət elədik. O, konstruktiv tənqid etməklə yanaşı bizi təriflədi. Bu, bizim üçün xoş oldu. Sonra mən sevimli sualımı verdim: Niyə məhz bizə gəlirisniz? Cavab çox xoşuma gəldi: “Çünki, siz həmişə dəyişirisiniz”. Söhbət bahalı təmirdən, qeyri-adi dizayndan getmir. Müştərinin rahat olması üçün dəyişmək və həmişə elə etmək lazmdır ki, o, axtrdığını tapa bilsin. Biz isə həmişə maraqlı və aktual olanları, trend olanlar tapmağa çalışırıq.

- Gələcək üçün əsas hədəfiniz nədir?

- Mənim qlobal məqsədim bu gün üçün budur: Azərbaycanın hər şəhərində “Əli və Nino” mağazası olsun. Bu hədəfdir, bu arzudur! Qısamüddətli arzulara gəlincə isə, mövcud mağazalar şəbəkəsini yaxşılaşdırmaq, alıcılarımız üçün daha maraqlı və rahat olmasına nail olmaqdır.

Züleyxa İsmayılova

Bakucity.az 

Nigar Köçərli
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər