Bakı metrosu ilə bağlı vacib məlumat açıqlandı - DİQQƏT!

Bakı metrosu ilə bağlı vacib məlumat açıqlandı - DİQQƏT!, Oral Aliyev

Bakı metrosunun stansiyaları bu gün gecə səhərə qədər işləyə bilər.

Bakucity.az xəbər verir ki, bu, futbol üzrə UEFA Avropa Liqasının final qarşılaşması ilə bağlıdır. 

“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov bunları deyib:

“Bu gün bütün metro stansiyaları gücləndirilmiş iş rejiminə keçib. Final qarşılaşmasının başlayacağı vaxt sərnişinlərin təhlükəsizliyi və rahatlığını təmin etmək məqsədilə əlavə işçi qüvvəsinin və texniki vasitələrin, o cümlədən, ehtiyat qatarların ayrılması nəzərdə tutulub.

Qarşılaşmanı izləməyə gələn insanların metropolitendən təhlükəsiz istifadəsini təmin etmək üçün səhər saat 04:00-a qədər sərnişinlərin metropolitenə daxil olması və müvafiq marşrutlar üzrə hərəkəti təmin ediləcək. Ehtiyac olarsa, metro stansiyaları sərnişinlər tam daşınana qədər fəaliyyət göstərə bilər.

Məqsədimiz final oyununu izləyən sonuncu azarkeşə qədər təhlükəsiz və rahat mənzil başına çatdırmaqdır. Bu dəqiqə üçün metronun gecə saat 04:00-a qədər işləyəcəyi planlaşdırılıb. Lakin qeyd edilən vaxtdan sonra sərnişinlər olduğu təqdirdə onların da metrodan istifadəsi üçün şərait yaradılacaq və metronun fəaliyyəti zərurət olarsa səhərə qədər davam edəcək.

May ayının 27-dən turistlərin daha sıx istifadə edəcəyi stansiyalarda könüllülər əcnəbilərə bələdçilik edir”. (Oxu.az)

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər