Bakıda hansı restoranlarda canlı musiqi dinləyə bilərsiniz? - ARAŞDIRMA

Bakıda hansı restoranlarda canlı musiqi dinləyə bilərsiniz? - ARAŞDIRMA, Oral Aliyev

Bu restoranlarda hər axşam canlı musiqi təqdim edilir. 

Təbii ki, restoranın dadlı menyu və yüksək keyfiyyətli xidmətə malik olması yaxşıdır. Daha yaxşısı isə məkanın öz müştərilərinə həm də gözəl musiqi proqramı təqdim etməsidir. 

Bakucity.az bu gün paytaxda müxtəlif janrlarda canlı musiqi təqdim edən məkanları araşdırıb.

Məkan seçək

“Atelier Vivanda” Avropa mətbəxilə xidmət göstərir. Bu məkan “steyk”ləri ilə məşhurdur. Burada açıq havada olan terras da var ki, xüsusi zövq verir. Axşam saat 9-dan sonra restoranda müasir və yeni musiqi dinləmək mümkündür. İfaçılardan Günay Əhmədova, Nigar Hüseynli, Boris Bayramov və başqaları çıxış edirlər. 

Restoranda Navai kimi rus reperlər və blogger Hüseyn Həsənovun vaxtaşırı çıxışları olur. Orta hesab 15-55 manatdır.

“Hard Rock Café” gənclər və yaşlı nəsil arasında paytaxtın ən məşhur məkanlarından biri kimi tanınır.

Kafe həm də təkrarolunmaz rok musiqiləri səsləndirməsi ilə məşhurdur. Amerika şəbəkəsinin Bakı filialında siz yerli rok qruplarının canlı ifalarını da dinləyə bilərsiniz. Bunun üçün orta hesabla 20-40 manat xərcləyəcəksiniz.

Gürcü mətbəxinin və musiqisinin pərəstişkarları ”Nani Georgian Hauce” restoranını seçə bilər. Burada gürcü milli mətbəxinin ən məşhur yeməkləri təqdim olunur. Siz burada George Nijaradzenin canlı ifalarını dinləyə bilərsiniz. Xidmət orta hesabla 15-30 manat təşkil edir.

"Circle Restaurant & Music hall" restoranının adı özü haqda danışır. Burada həmişə rəqs edə biləcəyiniz əyləncəli musiqilər səsləndirilir. Axşam saatlarında ifaçılar müxtəlif janrlarda çıxış edirlər. Menyu əsasən Avropa və yapon mətbəxinin yeməkləri ilə zəngindir. Kabab sifariş etmək mümkündür. Qiymət 9-68 manat arasında dəyişir. 

Restoran “Premiere Lounge & Restaurant”da Avropanın müasir musiqiləri səsləndirilir. Bəzən isə Elşad Xose kimi ifaçıların iştirakı ilə kiçik konsertlər təşkil olunur. Musiqili proqramı isə DJ Rafo təqdim edir. Məkanda dünya və Azərbayca mətbəxinin yeməkləri təqdim olunur. Orta qiymət 7,5 manatdan 20 manata qədərdir.

“Ajda Cafe”də hər gecə məşhur türk mahnıları ifa edən müğənni Ulvi Əhmədov çıxış edir. Burada Avropa mətbəxinin yeməklərini sifariş edə bilərsiniz. Kafedə həmçinin, kifayət qədər münasib qiymətlərlə yaxşı pizza seçimi var: 7-19 AZN.

Kafedə hər axşam canlı musiqi təqdim edilir. DJ AYZK müştərilər üçün bir-birindən gözəl musiqi nümunələri səsləndirir. Həmçinin, kafedə Elnur Hüseynov kimi məşhur müğənnilərdə çıxış edir. Qiymət 13-30 manat arasında dəyişir. 

Musiqi sədaları altında şərab içməyi sevənlər üçün paytaxtda “Wino Tapas Bar” restoranı fəaliyyət göstərir. Geniş şərab seçiminə əlavə olaraq, müxtəlif salatlar, qəlyanaltılar, sendviçlər, pendir və ət dilimləri, dəniz məhsulları və bir çox məzələr verilir. Yerin özəl xüsusiyyəti burada İspan mini-qəlyanaltısı olan “tapas”ın verilməsidir. Burada hər axşam canlı musiqi səslənir. 

Menyu və qiymət cədvəli

Restoranlar

Salatlar

İsti yeməklər

Steyk və kabablar

Burgerlər

Suşi

Tapas

AtelierVivanda

6-18 AZN

16-27 AZN

16-55 AZN

___

___

___

Hard Rock Café

9-12 AZN

13-22 AZN

4-45 AZN

10-19 AZN

___

___

NaniGeorgianHauce

6-9 AZN

7-30 AZN

4-15

___

___

___

Circle Restaurant & Music hall

6-15 AZN

12-40 AZN

3-35 AZN

___

12-16 AZN

___

PremiereLounge & Restaurant

6-14 AZN

7,5-19 AZN

___

6,5-9 AZN

8-35 AZN

___

Ajda Cafe

8,5-9,5 AZN

8,90-16,5 AZN

___

4,5-9,5 AZN

___

___

Wino Tapas Bar

8-13 AZN

___

___

5-11 AZN

___

6-28 AZN

Züleyxa İsmayılova

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər