Rusiya Milli Anti-narkotik Birliyi Bakıda toplandı – FOTO

Rusiya Milli Anti-narkotik Birliyi Bakıda toplandı – FOTO, Oral Aliyev

Birliyin nümayəndəliyini Bakıda açmaq mümkündürmü?

Bakucity.az xəbər verir ki, mayın 29-da “SeaBreeze Residences & Hotel”-də dünyanın hər yerində qeyd olunan (26 iyunda)“Narkomaniya və narkotiklərin qeyri-qanuni dövriyyəsinə qarşı Beynəlxalq Mübarizə Günü” ilə əlaqədar mətbuat konfransı keçirilib.

Bakıda keçirilən görüşün təşəbbüskarı Xalq artist Emin Ağalarov olub. Konfransda Rusiya Milli Anti-narkotik Birliyinin (MAB) sədri Nikita Luşnikov, qarışıq döyüş növləri üzrə çempion Fedor Emelyanenko və teatr, kino aktyoru Pavel Derevyanko iştirak edib.  

Tədbirin əvvəlində Emin Ağalarov MAB sədri Nikita Luşnikovla tanışlığı barədə danışıb:

Rusiya Milli Anti-narkotik Birliyi Bakıda toplandı – FOTO, fotoşəkil-1

“Rusiyada film premyerasında iştirak edirdim və dostum Pavel Derevyanko məni Nikita Luşnikovla tanış etdi. Nikita öz mərkəzi barədə danışdı və məni ora dəvət etdi. Mərkəz normal həyat tərzinə geri dönməyə çalışan insanlar üçün əla şərait yaradılan böyük bir məkandır. Bildiyiniz kimi, "Jara" layihəsinin rəhbəriyəm. Bu, bir çox şeyi birləşdirən kifayət qədər müasir layihədir. Buna görə də, layihə MAB-la tərəfdaş oldu”.

Daha sonra Nikita Luşnikov Azərbaycan və ölkəmizin gəncləri barədə təəssüratlarını bölüşərək, buarada olmaqdan böyük bir şərəf olduğunu vurğulayıb:

Rusiya Milli Anti-narkotik Birliyi Bakıda toplandı – FOTO, fotoşəkil-2

“Mənim məqsədim gəncləri sağlam həyat tərzinə bağlayacaq insanları bir araya gətirməkdir. Azərbaycan narkotikdən asılı insanlara qarşı anlayış göstərən ölkədir. Sizdən həqiqətən nümunə götürmək olar. Əgər gənclər aktiv idmanla məşğul olursa, bu, həmişə gələcəyə potensial açır. Eminlə tanış olduqda dərhal qərara aldıq ki, mütləq Bakıda bir iş görməliyik. Rusiyada və Azərbaycanda bizi dəstəkləyən insanlar var ki, müxtəlif növ asılılıqlara qarşı mübarizədə bizə kömək edəcəklər”.

Bakucity.az-ın MAB-ın Bakıda filialının açılması mümkündürmü sualına cavab verən Nikita Luşnikov bildirib ki, Azərbaycanda bunun üçün bütün şərait var:

“Biz həmişə yeni mərkəzlər açmağı hədəfləyirik. Məsələ burasındadır ki, narkotik asılılığı olan insanların müalicəsi üçün terapevtik mühit lazımdır. Ölkəniz bunun üçün çox əlverişlidir, burada çox müsbət şeylər var. Bizim üçün burada işə başlamaq maraqlı olardı. Əlbəttə ki, Azərbaycanda da narkomaniya ilə bağlı problemlər var. Düzdür, Rusiyadan və digər ölkələrdə olduğu qədər deyil, amma mərkəzimizə azərbaycanlı gənclər də gəlir”. 

Tədbirdə iştirak edən aktyor P.Derevyanko narkotik asılılığından uğurla qurtulmaqda bəxtinin gətirdiyini etiraf edib:

“Heç vaxt narkotikə toxunmadığımı deyə bilmərəm. Buna görə taleyə minnətdaram ki, Nikita ilə görüşdüm. Bu dostluq məni stimullaşdırır. Hər dəfə Nikita və onun qrupu ilə görüşlərə qatıldıqda müsbət enerji alıram. Dostluğumuzdan qürur duyuram və onu özümə böyük tərbiyyəçi hesab edirəm!”

MAB sədri qeyd edib ki, bu təşkilat kommersiya layihəsi deyil, narkotik asılılığı problemi olan insanlar üzərindən pul qazanmaq səhv olar. Bu mərkəzdə reabilitasiya tamamilə pulsuzdur. Ailə istəyərsə kiçik dəstək verə bilər, bu kifayətdir. Kifayət qədər pulu olmayanların mərkəzdə qalmaları üçün çox vaxt imkanlı xəstələrin valideynləri pul ödəyirlər.

Rusiya Milli Anti-narkotik Birliyi artıq müxtəlif növ asılılıqlara qarşı mübarizədə nüfuzlu təşkilat və insanlarla qüvvələrini birləşdirib. Narkotikdən asılı insanların və onların ailələrininin həyatını xilas edən mərkəzin Azərbaycanda da filalının açılacağı da mümkündür.

Rusiya Milli Anti-narkotik Birliyi Bakıda toplandı – FOTO, fotoşəkil-3 Rusiya Milli Anti-narkotik Birliyi Bakıda toplandı – FOTO, fotoşəkil-4 Rusiya Milli Anti-narkotik Birliyi Bakıda toplandı – FOTO, fotoşəkil-5 Rusiya Milli Anti-narkotik Birliyi Bakıda toplandı – FOTO, fotoşəkil-6 Rusiya Milli Anti-narkotik Birliyi Bakıda toplandı – FOTO, fotoşəkil-7 Rusiya Milli Anti-narkotik Birliyi Bakıda toplandı – FOTO, fotoşəkil-8 Rusiya Milli Anti-narkotik Birliyi Bakıda toplandı – FOTO, fotoşəkil-9 Rusiya Milli Anti-narkotik Birliyi Bakıda toplandı – FOTO, fotoşəkil-10 Rusiya Milli Anti-narkotik Birliyi Bakıda toplandı – FOTO, fotoşəkil-11 Rusiya Milli Anti-narkotik Birliyi Bakıda toplandı – FOTO, fotoşəkil-12 Rusiya Milli Anti-narkotik Birliyi Bakıda toplandı – FOTO, fotoşəkil-13 Rusiya Milli Anti-narkotik Birliyi Bakıda toplandı – FOTO, fotoşəkil-14 Rusiya Milli Anti-narkotik Birliyi Bakıda toplandı – FOTO, fotoşəkil-15 Rusiya Milli Anti-narkotik Birliyi Bakıda toplandı – FOTO, fotoşəkil-16

Züleyxan İsmayılova

Bakucity.az 

Konfrans
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər