Bakıda muzeylər yanğın və oğurluqdan bu üsulla qorunur - ARAŞDIRMA

Muzeylər mədəni irsin saxlanc yeri kimi böyük əhəmiyyət daşıyır.

Bakıda ən vacib məkanlardan biri də muzeylərdir. Muzeylərin təhlükəsizliyi, necə qorunması isə hər zaman aktual olub. 

Bəs, muzeylərdə yanğın təhlükəsizliyi hansı səviyyədədir? Yanğın baş verərsə, tarixi eksponatlar necə xilas ediləcək? Muzeylərin təhlükəsizliyi üçün hansı işlər görülür? Bakucity.az bu suallara cavab tapmaq üçün maraqlı araşdırma aparıb. Materialı oxuculara təqdim edirik.

Azərbaycan Xalça Muzeyi

Muzeyin baş mühafizi Mira Məmmədxanova deyib ki, muzeydə təhlükəsizliyin təmin olunmasını bilmək üçün muzeyi ziyarətə gəlmək lazımdır. Çünki mühafizə elə giriş qapısından başlayır:

“Bina siqnalizasiya və təhlükəsizlik kameraları ilə təchiz olunub. Mühafizəyə həm daxili təhlükəsizlik işçiləri, həm də mühafizə polisinin əməkdaşları nəzarət edir. Muzeydə “yeriyən siqnalizasiya” quraşdırılıb ki, adətən iş vaxtı bitəndən sonra işə düşür. Bizdə təhlükəsizliyin təmin olunması, xüsusilə yanğından mühafizə məqsədilə mütəmadi təlimlər keçirilir”.

Mühafizin dediyinə görə, burada yanğın zamanı əməkdaşların həyata keçirəcəkləri fəaliyyət, insanların təxliyə olunması kimi məsələlər vaxtaşırı təkmilləşdirilir. 

Məlumat üçün qeyd edək ki, muzeydə 10 minə yaxın eksponat saxlanılır.

Azərbaycan Milli İncəsənət Muzeyi

Muzeyin baş mühafizi Nailə Rəhimovanın dediyinə görə, burada təhlükəsizlik və mühafizənin təşkili 

“Azərbaycan Respublikası muzey sərvətlərinin və muzey kolleksiyasının uçotu və mühafizəsinə dair təlimat”a əsasən aparılır:

“Muzey 24 saat fəaliyyət göstərən yanğın-siqnalizasiya və müasir video-müşahidə sistemləri ilə təchiz olunub. Muzeydə yanğından mühafizə olunmaq üçün bütün vacib təlimatlara əməl edilir. Bu istiqamətdə mütəmadi olaraq əməkdaşlar üçün təlimlər də keçirilir. Muzeyi ziyarətə gələnlər isə girişdə yoxlanıldıqdan və muzey eksponatlarına toxunmamaq haqqında xəbərdarlıq edildikdən sonra içəri buraxılırlar. Muzeyin ekspozisiya zallarında olan nəzarətçilərimiz də eksponatların qorunmasına nəzarət edirlər”.

Qədim Şərq və Azərbaycan, Rusiya, Qərbi Avropa incəsənətinin müxtəlif dövrlərini əhatə edən əsərlərin nümayiş olunduğu muzeydə 17 mindən çox eksponat saxlanılır.

Azərbaycan İstiqlal Muzeyi

Muzeyin əməkdaşı Sədi Mirseyidli qeyd edidib ki, muzey Daxili İşlər Nazirliyi tərəfindən quraşdırılan sistemlər vasitəsilə qorunur:

“Muzeydə xüsusi yanğın balonları və tüstüyə reaksiya verən yanğından mühafizə siqnalizasiya sistemləri quraşdırılıb ki, onların vasitəsilə əsasən fondların, inzibati otaqların və ekspozisiyaların təhlükəsizliyini qoruyuruq.  Muzeyə gələn ziyarətçilər isə girişdə polislər tərəfindən yoxlanıldıqdan sonra içəri buraxlırlar”.  

Azərbaycan xalqının milli-azadlıq hərəkatını əks etdirən muzeydə 22 mindən çox eksponat saxlanılır.

Nizami Gəncəvi adına Milli Azərbaycan Ədəbiyyatı Muzeyi

Muzeyin ümumi işlər üzrə direktor müavini İlqar Hacıyev saytımıza açıqlamasında bildirib ki, muzeydə yanğın təhlükəsizliyi tədbirlərinə riyayət olunması yüksək səviyyədədir:

“Muzeyin binasının bütün mərtəbələrində yanğın su kranlarının dolabları yerləşdirilib. Hər mərtəbə üzrə binanın təxliyyə planı tərtib edilib və FHN tərəfindən təstiq edilib. Ehtiyyat çıxış yolları daim açıq saxlanılır. Muzeydə yanğın xəbəredici siqnalizasiya sistemləri quraşdırılıb, videomüşahidə otağı fəaliyyət göstərir və bu otaqdan ekspozisiya otaqlarına nəzarət olunur. Bundan başqa, 3 nəfərdən ibarət yanğından mühafizə manqamız da var”. 

Azərbaycan Milli Elmlər Akademiyasının (AMEA) tərkibində olan muzey Azərbaycan ədəbiyyatına və mədəniyyətinə aid materialların toplanması, tədqiqi, elmi fondlarda qorunması, ekspozisiyada və sərgilərdə nümayiş etdirilməsi ilə məşğul olur. 

AMEA-nın Milli Azərbaycan Tarixi Muzeyi

Saytımıza açıqlama verən muzeyin ekspozisiyanın təhlükəsizliyi üzrə direktor müavini Həbibə Əliyeva qeyd edib ki, muzey hazırda təmirə bağlanıb və təhlükəsizliklə bağlı bütün zəruri sistemlər quraşdırılacaqdır:

“Bizdə yanğına qarşı mühafizə tədbirləri həmişə görülüb, əməkdaşlar arasında təlimlər keçirilib. Muzey təmirə dayanana qədər də təhlükəsislik sistemləri və mühafizə xidməti tərəfindən qorunurdu. Muzeyə əşyalarla giriş qadağan idi və gələn qonaqlar girişdə yoxlanıldıqdan sonra içəri buraxılırdılar. Əksər eksponatlar isə siqnalizasiya ilə təchiz olunmuş zərbəyədavamlı xüsusi şüşə vitrinlərdə sərgilənirdi. Hazırda yeni təhlükəsizlik kameraları quraşdırılıb, siqnalizasiya və yanğından mühafizə sistemləri isə quraşdırılacaq. Ümumilikdə, muzeyin bütün vitrin və zonalarında mühafizə sistemləri yenilənir”.

Qeyd edək ki, muzeydə 300 mindən çox eksponat saxlanılır.

Muzey tarixi-mədəni mirasın etibarlı qorunması və gələcək nəsillərə çatdırılması üçün önəmli məkandır. Bu gün isə paytaxtda fəaliyyət göstərən 5 böyük muzeyin necə qorunduğunu araşdırmağa çalışdıq. 

Ramilə Qardaşxanqızı

Bakucity.az 

Muzeylər
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
33 baxış avqust
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Hadisələr
Bakı polisi onların digər cinayətlərini araşdırır Bakucity.az xəbər verir ki, Nəsimi Rayon Polis İdarəsi (RPİ) və 22-ci Polis Şöbəsi (PŞ) əməkdaşları tərəfindən rayon ərazisində törədilmiş cinayətlərin açılması məqsədilə əməliyyat tədbirləri həyata keçirilib. Avqustun 23-də Nəsimi rayonu H.Aslanov küçəsində iki naməlum şəxs Bakı şəhər sakini V.Əmirovu döyərək 18 manat pulunu alıblar. Nəsimi RPİ 22-ci PŞ əməkdaşlarının keçirdikləri əməliyyat tədbirləri nəti...
Mədəniyyət
Müəlliflər gənc aktyorlar Səbinə Hacıyeva və Bəhruz Əhmədlidir Bakucity.az xəbər verir ki, Azərbaycan Dövlət Pantomima Teatrı sentyabrın 29-da “Dejavü” adlı tamaşasını teatrsevərlər üçün təqdim edəcək. Səhnə əsərinin müəllifləri həm tamaşaya quruluş verib, həm də rolları ifa edəcəklər. İki nəfərlik tamaşanın musiqi tərtibatçısı isə Əməkdar artist Elman Rəfiyevdir. Qeyd edək ki, səhnə əsəri kişi və qadın mövzusundan bəhs edir. Bakucity.az
Hadisələr
Bakı sakini yüksək dozada narkotikin təsirindən ölüb Bakucity.az-ın məlumata görə, Yasamal rayon sakini, 1968-ci il təvəllüdlü Əliyev Natiq Adil oğlu yaşadığı evdən anidən ölüb. Meyitin ilkin müayinəsi zamanı onun yüksək dozada narkotikin təsirindən öldüyü məlum olub. Faktla bağlı araşdırma aparılır. Bakucity.az
Hadisələr
FHN yanğınla bağlı açıqlama yayıb Bakucity.az xəbər verir ki, Suraxanı rayonunun Yeni Ramana qəsəbəsinin ərazisində quru ot və kol-kos yanıb Hadisə yerinə Fövqəladə hallar Nazirliyinin (FHN) Dövlət Yanğından Mühafizə Xidmətinin qüvvə və vasitələri hadisə yerinə cəlb olunub.  Qısa zamanda yanğın söndürülüb. Bakucity.az
Hadisələr
Paytaxtda iki ərəbin yataqda şam yandırması yanğına səbəb olub Bakucity.az xəbər verir ki, 22-ci Polis bölməsinə daxil olan məlumata əsasən, avqustun 22-nə keçən gecə, saat 02:40-da Rəşid Behbudov küçəsində yerləşən 50 saylı binadakı mənzillərdən birində yanğın baş verib.  Əraziyə yanğınsöndürənlər və hüquq mühafizə orqanlarının əməkdaşları gəliblər. Hadisə nəticəsində ikinəfərlik yataq yanıb, üç nəfər tüstüdən zəhərlənərək Toksikologiya Mərkəzinə yerləşdi...
Ekologiya
Paytaxtda sabaha gözlənilən hava şəraiti açıqlanıb Bakucity.az xəbər verir ki, Bakıda və Abşeron yarımadasında avqustun 24-də hava əsasən günəşli olacaq. Şimal küləyi gündüz mülayim cənub-şərq küləyi ilə əvəz olunacaq. Havanın temperaturu Abşeron yarımadasında gecə 22-25, gündüz 33-36, Bakıda gecə 22-24, gündüz 33-35 dərəcə isti təşkil edəcək. Atmosfer təzyiqi normadan aşağı 758 mm civə sütunu, nisbi rütubət gecə 60-70, gündüz 25-30 faiz olacaq. Abşeron çi...
Hadisələr
Bakıda dəhşətli anlar kameraya düşüb Bakucity.az xəbər verir ki, eraport yolunda kommunal işçiləri yüksəksürətli yolu keçmək istəyiblər. Onlar yolu qaçaraq keçən zaman son anda avtomobilin təkəri altından qalmaqdan xilas olublar.  Görüntüləri təqdim edirik: (avtosfer.az) Bakucity.az
Hadisələr
O, bu il ikinci sinfə gedəcəkdi Bakucity.az xəbər verir ki, Sabunçu rayonunun Maştağa qəsəbəsində səkkiz yaşlı uşaq elektrik cərəyanı vurması nəticəsində ölüb. Məlumata əsasən, bədbəxt hadisə "Ləhic bağları" adlanan ərazidə, 473 nömrəli yaşayış evinin qarşısındakı transformatorun yaxınlığında baş verib. Hadisə nəticəsində 2011-ci il təvəllüdlü Ələkbər Yusif oğlu Ələkbərov vəfat edib. Polislərin bildirdiyinə görə, axşam saatlarında uşaq pişik balasını yedir...
Hadisələr
Paytaxtda xanım sürücünün pozduğu qayda kameralara düşüb Bakucity.az xəbər verir ki, Sabunçu rayonu, Zabrat yolunda (Balaxanı işıqforunun yanı) 99 NG 853 dövlət nömrə nişanlı avtomobilin sürücüsü əks yola çıxaraq hərəkət edib. Qoşa xəttin tələbini pozan sürücü qarşıdan gələn nəqliyyat vasitələri üçün təhlükə yaradıb. Bununla da inzibati xətalar məcəlləsinin 327.4-cü maddəsinin tələblərini pozub. Sürücünü 100 manat və 4 cərimə balı gözləyir. (Avtosfer.az)  ...