Bakının ən məşhur akvaparklarında qiymətlər neçəyədir?

Bakının ən məşhur akvaparklarında qiymətlər neçəyədir?, Oral Aliyev

Bir çox akvaparklar mövsümü açıq elan edib.

Yay aylarında hər kəs çimərliklərdə və akvaparklarında mümkün qədər çox vaxt keçirmək istəyir. 

Bakucity.az paytaxtın ən məşhur akvaparklarındakı qiymətvə göstərilən xidmətləri araşdırıb. 

“Pullman Baku” otelinin əməkdaşı Zülfüqar Cabbarov qeyd edib ki, onlarda akvaparla yanaşı, uşaqlar üçün 50 sm dərinliyinə hovuz var. Hovuzda açıq, düz, spiral və bağlanmış dirəvi slayd var. Qonaqlara milli və Avropa mətbəxindən yeməklər təklif olunur:

“Bu il mövsüm iyunun 15-də taçılacaq. Hovuzdakı su gündəlik olaraq xlorla təmizlənir. Akvapark adətən 09:00-dan 18:00-a qədər açıq olur. Müştərilərə xüsusi paketlər təqdim edirik: 4 nəfərdən ibarət ailəyə 63 manat (həftəlik günlər üçün), 90 manat  (şənbə bazar). Bir şəxs üçün isə 180 manatlıq (10 istirahət günü) paket ala bilərsiniz. 20 gəliş üçün paketi 360 AZN təşkil edəcək".

“Dalga Beach Aquapark”ın marketinq meneceri Rəhim Quliyev mövsümün iyunun 1-dən tarixindən başlayıb. Suyun təmizliyi ilə bağlı suala cavab verən menecer, hovuzun xüsusi məhlullardan istifadə edilərək mexaniki təmizləndiyini, filtrasiya və dezinfeksiya olunduğunu bildirib:

“Akvapark adətən 10:00-dan 20:00-a kimi işləyir. Xarici ziyarətçilərin giriş qiyməti yerli qonaqlar üçün xərcdən fərqlidir. 6 yaşından yuxarı uşaqlara giriş icazəsi verilir. Beləliklə, iş günləri böyüklər üçün giriş 50 manat, həftə sonları isə 70 manat təşkil edir. 6-dan 12 yaşa qədər olan turist uşaqları üçün giriş 15 manatdır”.

Rəhim Quliyev əlavə edib ki, VIP solaryum salonundan 25 manata, VIP Lux salonundan isə 35 manata istifadə edə bilərsiniz.

"Bilgah Beach Hotel"in akvaparkının resepşini Adelya Məmmədzadənin sözlərinə görə, onlarda "Qara dəlik", "Raftinq", "Multi-Slayd", "Sərbəst eniş tuneli", "Kamikadze" və "Volna" slaydları var. Bundan əlavə, uşaqlar üçün oyun meydançaları da var. Yaş həddi yoxdur.

“Akvapark iyunun 15-də açılacaq. Akvapark 10:00-dan 19:00-dək işləyəcək. 3 yaşa qədər uşaqlar akvaparka pulsuz girirlər. Uşağın boyu 120 sm qədərdirsə, ödəniş böyüklər kimi olacaq”. 

Akvaparkın əmıkdaşının sözlərinə görə, onlar da ödənişli çimərliyə malikdirlər: həftə içi günlərdə 40, həftə sonları isə 50 manat. 6 yaşınadək olan uşaqlara giriş pulsuzdur. 12 yaşa qədər: həftə içi günlərdə 20 manat, həftə sonları isə 25 manatdır.

“Atlant Holiday Village” kompleksində örtülü çimərlik yerləşir, böyüklər və uşaqlar üçün 19 slaydı olan 2 akvapark, uşaqlar üçün ayrı bir hovuz daxildir. Kompleksin direktoru Tahirə Qədalıyevanın  sözlərinə görə, akvaparkın ərazisində böyük timsah şəklində orijinal bar, bir neçə kafe və restoran var. "Bufet" sisteminə əsasən milli və gürcü mətbəxindən yeməklər təklif edilir:

“Mövsümün rəsmi açılışı iyunun 8-də keçiriləcək. Məkan saat 09:00-dan 19:00-dək işləyəcək. İlk hovuz kompleksimiz Fransız “Desjoyax” təmizləyici sisteminin köməyi ilə təmizlənir. İkinci kompleks Türkiyə şirkətinin avtomatik filtrasiya sistemi ilə təmizlənir. 5 yaşa qədər olan uşaqlar pulsuzdur, digərləri isə 10 manatdır”.

“Spring hotel Novkhani” akvaparkının meneceri Kəmalə Bayramova, onların su kompleksinin uşaqlar və böyüklər üçün zonalara bölündüyünü qeyd edib:

"Akvapark iyunun 15-dən etibarən fəaliyyətə başlayacaq. Burada böyük tutumlu restoranlar və bar var. Xüsusi alətlərdən istifadə edərək hovuzu təmizləyirik. Biz saat 10:00-dan 20:00-dək işləyəcəyik”.

“Af Hotel-Aqua Park Complex”inin resepşini Rumiyə Musayeva qeyd edib ki, onlarda 4 hovuz və “şezlonq”ları olan çimərliyə çıxış var:

“Akvaparkı iyunun 1-də mövsümə açılıb. Kompleksin ikinci mərtəbəsində Azərbaycan və Avropa mətbəxi olan bir restoran var. Hovuzu və suyu sadəcə xlorla təmizləmirik, digər xüsusi məhlullar da istifadə olunur. Biz saat 09:00-dan 20:00-dək işləyəcəyik”.

“Aqua Park Sikhov”un meneceri Zara Gözəlovanın sözlərinə görə, onların akvaparkı iyunun 10-dan fəaliyyətə başlayacaq. İş vaxtı saat 09:00-dan 20:00-a qədərdir:

"Kompleksimizdə 3 restoran 4 bar var. Burada həm milli mətbəx, həm də “fasfud var. Dəniz suyundan olan bir havuzumuz var, suyu gündəlik dəyişdirilir. Bütün digər hovuzlar məhlullar vasitəsilə təmizlənir. Saat 20:00-da hovuzlar bağlanır və təmizləmə prosesi başlayır. 7 yaşınadək olan uşaqlar üçün giriş pulsuzdur. Standart qiymət isə 12 manatdır".

Qiymət cədvəli

Akvaparklar

İş günləri: uşaqlar üçün

Həftə sonu: uşaqlar üçün

İş günləri: böyüklər üçün

Həftə sonu: böyüklər üçün

Pullman Baku

15 AZN

20 AZN

20 AZN

30 AZN

DalgaBeachAquapark

15 AZN

15 AZN

35 AZN

50 AZN

BilgahBeachHotel

35 AZN

40 AZN

35 AZN

40 AZN

AtlantHolidayVillage

10 AZN

10 AZN

10 AZN

10 AZN

SpringhotelNovkhani

10 AZN

15 AZN

20 AZN

20 AZN

Af Hotel-Aqua Park Complex

15 AZN

15 AZN

20 AZN

20 AZN

Aqua Park Sikhov

12 AZN

15 AZN

12 AZN

15 AZN

Züleyxa İsmayılova

Bakucity.az 

akvaparklar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər