Bakıda aktyor Fuad Osmanovun rejissor debütü olacaq - MÜSAHİBƏ

Bakıda aktyor Fuad Osmanovun rejissor debütü olacaq - MÜSAHİBƏ, Oral Aliyev

Rus Dram Teatrında tamaşaçıları hansı yenilik gözləyir?

İyunun 8-də  Səməd Vurğun adına Azərbaycan Dövlət Rus Dram Teatrınında ikiqat premyera olacaq. Birincisi, teatr həvəskarları fransız dramaturqu Patrik Bessonun “Heyvanarın dialoqu” və “Taksiçi” adlı  pyesləri əsasında hazırlanan “Tənhalıq komediyası” adlı yeni tamaşaya baxa biləcəklər. İkincisi, tamaşaçılar aktyor Fuad Osmanovu yeni ampulada, rejissor kimi görəcəklər.

Bakucity.az qarşıdakı teatr bayramının bəzi təfərrüatlarını öyrənmək üçün əməkdar artistlə həmsöhbət olub.

- Nəyə görə Patrik Bessonun məhz bu iki əsərini seçmisiniz? 

-Mən bu əsəri bir neçə il əvvəl sovet dönəmində nəşr olunan “Teatr” jurnalında oxudum. Patrik Bessonun bu bir aktlı pyesləri çox xoşuma gəldi. Biri “Heyvanların dialoqu”, digəri isə “Taksist” adlanır. Besson bunları yaradarkən “Heyvanların dialoqu”nu tənhalıq komediyası adlandırıb, amma o, bu adı janr kimi istifadə edib. Mən teatrın ədəbi hissə müdiri Valentina Reznikova ilə məsləhətləşdim, bu iki pyesi ümumi olaraq “Tənhalıq komediyası” adı altında birləşdirməyə qərar verdim. 

Biz əsərin müəllifi Patrik Bessonla əlaqə saxladıq və onun razılığı ilə yeni pyes üzərində çalşmağa başladıq.

- Nə vaxtdan özünüzü rejissor kimi yoxlamaq qəraına gəlmisiniz və sənətinizi tam dəyişmək fikriniz varmı?

- Açığını desəm, mən xeyli vaxtdır ki, müəyyən mənada bu işnən məşğulam. Rejissorumuz İrana Tağı-Zadə tamaşa qoyanda bir qayda olaraq, mən plastika və rəqsləri işləyirəm. Demək olar ki, mənim quruluş təcrübəm var. Amma bu o demək deyil ki, mən sabahdan rejussor olacam (gülür). Mənim aktyorluq sənətindən çox xoşum gəlir. Başa düşürəm ki, rejissor kimi fəaliyyətə başlamaq başqa məsuliyyətdir, başqa sənətdir. Tam rejissorluğa keçmək barədə qərar qəbul eləməmişəm. Sadəcə olaraq, özüm bütün tamaşanı hazırlamaq qərarına gəldim və bu əsərlər mənə maraqlı idi.

Ola bilər ki, gələcəkdə məni yenə nəsə maraqlandırar və yeni pyes üçün ideya taparam. O zaman yeni quruluşa cəhd edərəm. İndiki halda mən dəqiq rejissor taleyi planlaşdırmıram. Müəyyən ideyalarım var, amma onları dəqiq plan adlandırmaq olmaz. Bunu düşünüb-daşınmaq lazımdır və əgər məsləhət görsələr işə başlamaq olar. 

- Məşqlər başa çatıb, görülən işə nə qiymət verirsiniz?

- Aktyorların işini qeyd edə bilərəm. Mənim çox yaxşı komandam yığılıb: Xalq artisti Səfa Mirzəhəsənov, Oleq Əmirbəyov, Murad Mamedov, Ramil Əliyev, Elmar Ələkbərov. Bizim komandada həmçinin teatrımızım ən istedadlı aktrisalarından olan Həcər Ağayeva var və o, plastika ilə məşğul olur, mənə tamaşaya quruluş verməyə kömək edir. Hamı yaxşı çalışıb, amma nəyə nail olduğumuzu tamaşaçı müəəyyən edəcək. Ümid edirik ki, tamaşaçılar bizi alqışlarla dəstəkləyəcək (gülür).

- Premyaraya gələcək tamaşaçıları nə gözləyir?

- Bu tamaşanı iki komediya əhvalatı kimi təyin etməyimizə baxmayaraq, komediya adlandırmaq çətinidr, amma düşünürəm ki, müəllif əbəs yerə “tənhalıq” sözünü seçməyib. Pyesdə kişi tənhalığı barəsində danışılır, belə adam isə şən ola bilməz. Buna görə də, mən tamaşaçıya kişi tənhalığının necə olduğunu göstərməyi qərara aldım. Ümid edirəm ki, aktyorlarımız bu hissi göstərə biləcək və tamaşaçı hər şeyi anlayacaq. 

- Neçə illərdir ki, səhnədə aktyor kimi çıxış edirsiniz, hər şeyə öyrəşmisiniz, tezliklə isə sizin rejissor debütünüz olacaq. Həyacan hiss edirsinizmi, yoxsa sakitcə premyera gününü gözləyirsinz?

- Həyacan indidən var! Mən aktyor kimi səhnəyə çıxanda da ilk üç dəqiqəni həyacanlanıram, sonra hər şeyi unudaraq rola girirəm. Rejissor debütünə gəlincə, mənə elə gəlir ki, tamaşa boyunca həyəcanlanacam. Baş rejissorumuz Şarovski mənə həmişə deyir ki, “Eybi yox, tezliklə sən mənim nə çəkdiyimi görəcəksən” (gülür). 

Qeyd edək ki, tamaşa Fuad Osmanovun 55 illiyinə həsr olunub.

Züleyxa İsmayılova

Bakucity.az 

Teatr
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər