Bakıda “Road&Traffic” sərgisi çərçivəsində panel müzakirələr aparılacaq

Bakıda “Road&Traffic” sərgisi çərçivəsində panel müzakirələr aparılacaq, Oral Aliyev

Hərəkətinin idarə edilməsi sahəsində yeniliklər müzakirə ediləcək

Bakucity.az xəbər verir ki, bu gün Bakı Ekspo Mərkəzində “Road&Traffic” sərgisi çərçivəsində “Yol hərəkətinin təhlükəsizliyi” və "Yol Təhlükəsizliyi üzrə Dövlət Proqramı" mövzularında panel müzakirələrin aparılacaq.

Saat 14:00-dan 16:30-dək davam edəcək müzakirənin iştirakçıları hərəkətinin idarə edilməsi sahəsində mövcud olan problemləri və bu sahədə tətbiq edilmiş yenilikləri müzakirə edəcəklər. 

Sərginin qonaqları açıq mikrofon vasitəsi ilə onları maraqlandıran sualları birbaşa ünvanlaya biləcəklər. Diskussiyaların mövzuları sırasında “Yol hərəkəti təhlükəsizliyinə dair dövlət proqramının həyata keçirilməsi”, “Yolların keyfiyyətinin yol hərəkəti təhlükəsizliyinə təsirləri”, “Sürücü və piyadaların məsuliyyət və şüurunun artırılma yolları”, “Yol tikintisi zamanı keyfiyyətinə nəzarət”, “Yol infrastrukturunda İT xidmətlərin və data-nın önəmi” yer alır. 

Məruzəçilər qisminə müstəqil ekspert - Ərşad Hüseynov, Azərbaycan Avtomobil Yolları Dövlət Agentliyinin hərəkətlərin təşkili və təhlükəsizlik şöbəsinin rəisi Vaqif Yusifli, AzVirt şirkətinin texniki istehsalat şöbəsinin mühəndisi Niyaməddin Nağıyev, Azərbaycan Avtomobil Yolları Dövlət Agentliyinin informasiya texnologiyaları şöbəsinin mütəxəssisi Rəşad Ələkbərov, Sinam şirkətinin CİS mühəndisi Pərviz Bədəlov çıxış edirlər.

Tədbirə qeydiyyatdan link vasitəsi ilə keçmək olar: https://roadtraffic.az/az-Panel/

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər