Bakıda "Baku Summer Jazz Days" festivalının açılışı keçirilib – FOTO

Bakıda "Baku Summer Jazz Days" festivalının açılışı keçirilib – FOTO

Beynəlxalq Caz Festivalı iyunun 15-dək davam edəcək

Bakucity.az xəbər verir ki, iyunun 10-da Beynəlxalq Muğam Mərkəzində «Baku Summer Jazz Days» festivalının açılışı keçirilib. Festival iyunun 15-ə kimi davam edəcək. 

Azərbaycan Mədəniyyət Nazirliyinin dəstəyi ilə keçirilən «Baku Summer Jazz Days» festivalının təşkilatçısı "Premier LTD Art Management" istehsal mərkəzidir.

Bakıda caz musiqisi günlərini tanınmış Fransız saksafon ifaçısı Erik Truffaz öz kvartet virtuozu ilə açıb.

Tədbirdə mətbuat nümayəndələri, Azərbaycanın tanınmış caz ifaçıları və bu unikal musiqi janrının pərəstişkarları iştirak ediblər.

Konsertdən öncə tanınmış azərbaycanlı cazmen, bəstəkar Fikrət Əmirovun oğlu Cəmil Əmirov Bakucity.az-a Truffazın sənəti ilə bağlı fikirlərini bölüşüb.

“Fikrimcə, Erik Truffazın sənəti bu gün üçün kifayət qədər qeyri-adidir. Onun musiqisində nəsə xüsusilik var. O, elektronika, ritmlərlə eksperiment etməyi xoşlayır. Mənim üçün onun musiqisini dinləmək çox maraqlıdır. Təəssüf ki, bundan əvvəl heç vaxt onun konsertində olmamışam, buna görə də bu gün məmnuniyyətlə gəlmişəm”.

Azərbaycanın tanınmış caz bəstəkarı, xalq artisti Salman Qəmbərov öz növbəsində, isveçrəli musiqiçinin sənəti ilə yaxından tanış olmadığını, amma konsertin maraqlı, caz müxtəlifliyi ilə dolu olacağına əmin olduğunu bildirib.

Gecənin aparıcısı teleaparıcı, Azərbaycan Milli Konservatoriyasının müəllimi, caz şərhçisi Tofiq Həsənsoy olub. Festivalın açılışında T. Həsənsoy «Baku Summer Jazz Days-2019» proqramı barədə məlumat verib və bu tədbirin əhəmiyyətindən danışıb.

Sonra Erik Truffaz öz musiqiçi qrupu ilə səhnəyə çıxıb. Tamaşaçıları Azərbaycan dilində salamladıqdan sonra, iki mahnı ifa edən musiqiçi bu əsərlərin səhnədə ilk dəfə ifa edildiyini bildirib. Qeyd edək ki, onun musiqisinin bir özəlliyi də hip-hop, rok-rol və ritmik rəqs musiqi əsərlərini mahir şəkildə tərtib etməkdir.

Tamaşaçılar konserti böyük bir coşğu ilə qarşılayıb, üstəlik, E. Truffazın musiqi sehrinə dalaraq rəqs edənlər də tapılıb. Bütün bunlar göstərir ki, növbəti beynəlxalq caz festivalı seriyasının açılışı çox yaxşı keçib. Demək olar ki, bundan da yaxşı olacaqdır!

Qarşıdakı günlərdə Adam Ben Ezra, Gürcüstanın etno-caz qrupu İRİAO, fransalı bəstəkar, gitaraçı-virtuoz Tom Ibarra, Rusiyanın Olqa Lundstrem adına caz orkestri kimi musiqiçi və qrupların maraqlı konsertləri keçiriləcək.

Bakıda "Baku Summer Jazz Days" festivalının açılışı keçirilib – FOTO, fotoşəkil-1 Bakıda "Baku Summer Jazz Days" festivalının açılışı keçirilib – FOTO, fotoşəkil-2 Bakıda "Baku Summer Jazz Days" festivalının açılışı keçirilib – FOTO, fotoşəkil-3 Bakıda "Baku Summer Jazz Days" festivalının açılışı keçirilib – FOTO, fotoşəkil-4 Bakıda "Baku Summer Jazz Days" festivalının açılışı keçirilib – FOTO, fotoşəkil-5 Bakıda "Baku Summer Jazz Days" festivalının açılışı keçirilib – FOTO, fotoşəkil-6 Bakıda "Baku Summer Jazz Days" festivalının açılışı keçirilib – FOTO, fotoşəkil-7 Bakıda "Baku Summer Jazz Days" festivalının açılışı keçirilib – FOTO, fotoşəkil-8 Bakıda "Baku Summer Jazz Days" festivalının açılışı keçirilib – FOTO, fotoşəkil-9 Bakıda "Baku Summer Jazz Days" festivalının açılışı keçirilib – FOTO, fotoşəkil-10 Bakıda "Baku Summer Jazz Days" festivalının açılışı keçirilib – FOTO, fotoşəkil-11 Bakıda "Baku Summer Jazz Days" festivalının açılışı keçirilib – FOTO, fotoşəkil-12 Bakıda "Baku Summer Jazz Days" festivalının açılışı keçirilib – FOTO, fotoşəkil-13 Bakıda "Baku Summer Jazz Days" festivalının açılışı keçirilib – FOTO, fotoşəkil-14 Bakıda "Baku Summer Jazz Days" festivalının açılışı keçirilib – FOTO, fotoşəkil-15 Bakıda "Baku Summer Jazz Days" festivalının açılışı keçirilib – FOTO, fotoşəkil-16 Bakıda "Baku Summer Jazz Days" festivalının açılışı keçirilib – FOTO, fotoşəkil-17

Züleyxa İsmayılova

Fotoqraf: Ceyhun Rəhimzadə

Bakucity.az

festival
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər